25нче май - Соңгы кыңгырау бзйрәме. 9нчы сыйныф укучылары өчен бүген мәктәптә соңгы кыңгырау яңгырады. Шатлыклы да, моңсу да көн бү. Без аларның имтиханнарын уңышлы биреп,хыялларының чынга ашуларын теләп калабыз. Ак юллар сезгә!

21 нче май көнне Икшермә кадет мәктәбендә көрәш үткәрелде. Мәктәбебездән Ахмадуллин Рифат,Каюмов Нияз,Мөхәммәтҗанов Самат катнашты. Мөхәммәтҗанов Самат 3нче урынга лаек булды. Аны җиңүе белән котлыйбыз.

Бүген 9 сыйныф җитәкчесе Сафиева Р.Х. 7-9 сыйныф укучылары белән

"ВИЧ  инфекциясе һәм аны булдырмый калу чаралары" дигән темага

тәрбия сәгате үткәрде. Сыйныф җитәкчесе укучыларга кешелеккә наркомания, 

ВИЧ инфекциясе,СПИД кебек афәтләрнең ничек куркыныч булуын аңлатты.

Статистик мәгълүматлар белән таныштырды.Һәр кешедә ихтыяр көче булырга, кешегә иярмичә

үз җавабыңны курыкмыйча әйтә белергә кирәклеген искәртте.

1-4 сыйныфларда бүген  "Ышаныч телефонына ничек мөрәҗәгать итәргә" темасына тәрбия сәгате үткәрелде.

Башлангыч сыйныф укытучысы Валиева Энҗе Мәхмүт кызы  ышаныч телефонының төп бурычлары: 

балаларның зарларын тыңлау, тормышта катлаулы һәм авыр хәлләргә юлыккан балаларны яклау,

аларга һәм әти-әниләренә ашыгыч психологик ярдәм күрсәтү, шалтырату аноним һәм бушлай икәнен

кабаттан искәртте. Укучылар темага кагылышлы мультфильмнарны кызыксынып карадылар.

17 май -Халыкара балалар ышаныч телефоны көне буларак билгеләп үтелә.Шул уңайдан

бүген 6 сыйныф җитәкчесе Әгъләмова Л.И. 5-9 сыйныф укучыларына "Ышаныч телефонына - "Әйе!"

дип әйт" темасына бердәм тәрбия сәгате үткәрде. Укучылар тәрбия сәгатендә төрле блокларда эшләделәр.

Гомуми блокта Ышаныч телефонының тарихын искә төшерделәр, группаларга бүленеп төрле ситуацияләрне чиштеләр.

Мәгълүмат блогында ышаныч телефоны турында үз фикерләрен җиткерделәр.

Укучыларыбызга кеше тормышында иң

мөһиме гаилә,гаилә членнары арасында җылы мөнәсәбәт,

гаиләдәге кешеләргә карата ихтирам, хөрмәт хисе тәрбияләү

максатыннан бүген  мәктәбебездә"Гаилә - җылы учак" исемле кичә үткәрелде. 

Кичәдә әниләр, авылыбызда дин сабакларын өйрәтүче Миннегулова

Ризәлә апа катнашты. Кичәдә укучылар башкаруында матур җырлар 

яңгырады, Р.Фәхретдиннең "Туганнар әдәбе" өйрәтмәләреннән акыллы

киңәшләр искә алынды.