Күңелле көннәр дәвам итә. Бүген иртәнге якта туган якка сәяхәткә бардылар."Тылсымлы куллар" дәресендә балалар төрле әйберләр иҗат иттеләр. Гомумән алганда, балаларга лагерь ошый, бик теләп йөриләр.

Лагерь иртәнге гимнастика белән башланып китте. Бу атна - экология атналыгы дип игълан ителде. Балаларга "Экологик дәрес-презентация" үткәрелде. Аннан соң Чишмә буена сәяхәткә бардылар, дару үләннәре җыйдылар. Көннең икенче яртысында балалар саф һавада хәрәкәтле уеннар уйнадылар.

1июнь – халыкара балаларны яклау көне. Шушы уңайдан, мәктәбебездә Сабантуй бәйрәме үткәрелде. Гөлнур Вакыйф кызы мәктәп коллективын һәм укучыларны уку елын уңышлы тәмамлау белән тәбрикләде, уку елын уңышлы тәмамлаучы һәм мәктәп тормышында актив катнашучы укучыларга Рәхмәт хатлары тапшырды. Бәйрәм укучыларның чыгышлары, җыр-бию, уеннар белән дәвам итте.

2015-2016нчы уку елы тәмамланды. 1 нче июнь көнне әти – әниләр өчен җыелыш үтте. Җыелышның беренче өлешендә Әгъләмова Л.И.”Балаларга әхлак тәрбиясе бирү” темасына эчтәлекле, үтемле чыгыш ясады. Икенче өлештә укыту эшләре буенча директор урынбасары ДәүләтоваЛ.А. укучыларның контроль эш нәтиҗәләре, уку сыйфаты белән таныштырды. Йомгаклау сүзе белән мәктәбебез директоры Газизҗанова Г.В. чыгыш ясады. Җыелыш аерым классларда дәвам итте.

Укучыларның көтеп алган җәйге яллары җитте. Балалар өчен мәктәп яны сәламәтләндерү лагеры эшли башлады. 1нче көнне укучылар көндәлек эш режимы белән таныштылар. Һәр отряд үзенә исем,девиз,җыр сайлады. 1июнь - балалар көненә оештырылган Сабантуйда катнаштылар.

Районда техник иҗат фестивале булып узды. Мәктәбебездән 10 укучы шунда катнашты.

Салихов Рүзәл, Гасимуллина Язгөл һәм Төхбәтуллин Инсаф Рәхмәт хаты белән бүләкләнде.