Бүген мәктәбебездә "Экстремизмга - юк!"дип аталган бердәм дәрес үткәрелде. Сыйныф

җитәкчеләре бу дәресне соңгы 13 ел эчендә Рәсәйдә булган тетрәндергеч вакыйгаларга

бәйле материаллар, документаль хроникалар әзерләп үткәрделәр. Укучылар соңгы

вакытта Украинада барган вакыйгалар, "терроризм", "экстремизм" төшенчәләре белән 

таныштылар. Һәр халыкны, аның традицияләрен, телен, динен, гореф-гадәтләрен

хөрмәт итеп, үзара аңлашып, дус һәм тату яшәргә кирәклегенә төшенделәр. 

Бүгеннән мәктәбебездә өстәмә белем бирү буенча "Оста куллар",

һәм "Көрәш" түгәрәкләре үз эшчәнлекләрен башлап җибәрде.

Бу уку елында укучыларыбыз 5 түгәрәктә шөгыльләнәчәкләр. 

Алар "Оста куллар", "Изобретательство",

"Көрәш", "Бадминтон" һәм "Хореография" түгәрәкләре.

Олы Арташ төп мәктәбендә Белем бәйрәме укучылар, укытучылар, килгән кунаклар, әти-әниләр күңеленә яңадан-яңа энергия, күңел көрлеге өстәде. Белем көнендә сүз алып, укучылар, укытучыларга изге теләкләрен җиткергән мәктәп директоры Гөлнур Вакыйф кызы, район профсоюз оешмасы рәисе Дания Мулланур кызы, мәгариф бүлеге методисты Ләйсән Фәрит кызы, Арташ авыл җирлеге башлыгы Алмаз Рәхимҗан улы сүзләренә кушылып, "Хәерле сәгатьтә хөрмәтле укытучыларыбыз, укучыларыбыз. Яңа 2016-2017нче уку елы мөбарәк булсын!" - диясе килә.

Бүген беренче тәрбия сәгатьләрендә сыйныф җитәкчеләре

укучылар белән сәламәт яшәү рәвеше, ГТО,  турында

сөйләштеләр. Укучылар сәламәт кешенең портретын төзеделәр,

видеофильмнар карадылар. 

Бүген беренче ата-аналар җыелышы үткәрелде.Мәктәп директоры әти-әниләрне

2015-2016 нчы уку елы нәтиҗәләре, яңа уку елы бурычлары белән таныштырды.

Тәрбия эшләре буенча директор урынбасары Гаянова В.Н.сулыклар янында саклану чаралары,

җәяүлеләр һәм велосипедлылар өчен юлда йөрү кагыйдәләре, укучыларның киемнәрендә ут яктырткычлар булу,

грипптан саклану чаралары һәм алдан вакцинация ясату турында чыгыш ясады.

Шәмәрдәндә үткәрелгән шахмат ярышында Галимуллин Илгизәр Шамил улы 1нче,3нче сыйныф укуысы Ахметов Искәндәр 3нче урынны алды. Аларны зур җиңүләре белән котлыйбыз.