Бүген 3 сыйныфта "Мәрхәмәт елмаюдан башлана" исемле

ачык тәрбия сәгате булып узды.

Бүген 4 һәм 6 нчы сыйныф укучылары сугыш чоры балалары Әхтәм һәм Гамбәр апаларда булдылар. Алар өй эшләрендә булыштылар.Әхтәм абый,Гамбәр апа балаларның килүенә бик шат булдылар. Акция дәвам итә.

Көз - матур һәм табигать хәзинәләренә бай ел фасылы. Шушындый гүзәл ел фасылында мәктәптә Көз бәйрәмнәре уздыру матур традициягә әйләнде.Башлангыч сыйныф укучылары өчен "Хуш киләсең Сөмбелә - Көз кызы" бәйрәме уздырылды. Мәктәпнең спорт залын бик матур итеп бизәделәр. Бар җиргә сары яфраклар, төрле төстәге шарлар эленде.Призерлар булып түбәндәге сыйныфлар билгеләнде: 9 сыйныф - 26 тавыш, 8 сыйныф - 22 тавыш, 7 сыйныф - 13 тавыш җыйды. Котлыйбыз!!!

Югары сыйныф укучылары арасында "О көз! О мәктәп" темасына миниатюр театр конкурсы узды. Көз ул - байлык, муллык ае. Шуңа күрәдер, бәйрәм чарасы күңелле уеннар һәм җыр - бию белән үрелеп барды. Конкурсларның нәтиҗәләренә йомгак ясап, җиңүче командаларга Мактау грамоталары тапшырылды.

15нче октябрь-Хәтер көне. Шул уңайдан, китапханәче Ләйлә Вагыйз кызы "Барысы да хәтердә..."дигән тема астында китап күргәзмәсе оештырды.

Бүген "Изобретательство" түгәрәгендә укучыларыбыз

үзләре җыйган беренче роботларын йөрттеләр.

Октябрь. Җәй тәмамланды, көз җитте. Инде көннәр дә кыскара, шушы көннәрдә бакчаларда көзге эшләрне эшләп калдырырга кирәк. Бу бик мөһим чор – бакчаны кышка әзерләргә кирәк. Дәресләрдән соң мәктәп коллективы бакчага эшкә чыкты. Алар кишер, чөгендер уңышын җыеп алдылар, бакчаны чүпләрдән чистарттылар.

Мәктәпнең "Дуслык" балалар оешмасында тимурчылык эше дәвам итә. 7нче октябрь көнне башлангыч сыйныф укучылары, класс җитәкчеләре һәм педагог-оештыручы Дәүләтова И.Г. белән берлектә өлкәннәргә шефлык оештырды. Игелек эшләүне дәвам итик! Кешегә бер яхшылык эшләсәң, үзеңә мең булып кайтыр. Волонтерлык эше буенча һәр укучы да үз эшен җиренә җиткереп башкара. Өлкәннәр аларның ярдәменнән канәгать.

Хөрмәтле мөгаллимнәребез! Сезне профессиональ бәйрәмегез белән чын күңелдән котлыйбыз! Сезгә булган ихтирам, горурлык хисе мәңге сүнмәс-сүрелмәс! Укытучылар көне уңаеннан мәктәптә төрле күңелле чаралар үтте. Һәр сыйныфта бәйрәм тантанасы рухы күзәтелде. Шарлар, төсле акбурларлар белән язылган җылы сүзләр, чәчәкләр... Барысы да яраткан укытучылар хөрмәтенә. Мөгаллимнәребез хөрмәтенә бәйрәм оештырылды, укучылар үзләренең матур җырларын бүләк иттеләр. Мондый куңел күтәренкелеге ел буена дәвам итсен иде. Хөрмәтле укытучыларыбыз! Күгегез һәрчак аяз, җаныгыз тыныч, күңелегез көр, сәламәтлегегез нык булсын! Балаларның якты киләчәге, язмышы сезнең кулларда, сезнең алтын йөрәгегездә, мөхтәрәм мөгаллимнәр! Игелекле эшегез өчен, белемегез өчен, тырышлыгыгыз өчен, сабырлыгыгыз өчен зур рәхмәт Сезгә!

Мәктәбебездә "Мы голосуем за жизнь!"акциясе дәвам итә. Укучылар Тормыш агачына,үзләренең теләкләрен язып, яфраклар ябыштырдылар. Әлеге акция балаларга авыр хәлдә калганда ярдәм итү максатыннан оештырылды.