Гимназиянең 6 нчы сыйныф укучысы Ермаков Тимур «Минем файдалы иртәнге ашым» республикакүләм фотоконкурсында « Тамашачылар симпатиясе» номинациясендә җиңүче дип табылды. Тимурны Чаллы шәhәре Роспотребнадзор идарәсе баш белгече Ордина Татьяна Васильевна котлады. Җиңүче хөрмәтенә гимназия сандугачы Адилә Ишалина җыр башкарды. Сыйныфташлары, укытучысы Светлана Старовайтова Тимурның шатлыгын ихлас уртаклаштылар.

Мөгаллимнәр һәм укучылар Әмирхан Еникинең «Матурлык», «Бер генә сәгатькә», «Кем җырлады?» хикәяләре мотивлары нигезендә төшерелгән «823нче километр» кинофильмын (cценарий авторы Валерия Байкеева, режиссерлары Ирек Хафизов, Әмир Галиәскәров) карадылар. Бик эчтәлекле, зәвыклы, заманча, мәгьнәле нәфис фильм безгә бик ошады.

Бүген гимназиянең 8 нче сыйныф укучылары Аяз Гыйләҗев исемендәге Яр Чаллы татар драма театрында булдылар. Алар Айгөл Әхмәтгалиева сценарийсы буенча куелган «Хәл бу ки…Муса Җәлил» спектаклен карадылар. Татар халкының бөек шагыйре, батыр улы Муса Җәлил образы тормышындагы бөтен сикәлтәләре, кайгы- шатлыклары, ярсу тойгылары белән шундый итеп ачылган, артистлар уйнавы шул дәрәҗәдә табигый югарылыкта, тамашачы хәйран калып йотлыгып карар дәрәҗәдә. Укучылар өчен театр бинасында «Президент марштруты» буенча экскурсия уздырылды. Бүген караган спектакль укучылар күңелен патриотик яктан да рухи кыйммәтләр белән баетты. Төп рольне уйнаучы Илфат Әскаровның шагыйрь шигырьләрен җанга үтеп керерлек уку осталыгына, мәгьрур татар шагыйре образын тудыруына сокланмый мөмкин түгел! Бу спектакльне hәркемгә барып карарга кирәк. Тамашачы белән артистларны аерып торган «тимер рәшәткә» , артистларның уен коралларында уйнаулары, богауларны сүтүче Ана образы, сатлыкҗаннарга карата нәфрәт хисе- болар әлеге спектакльнең тәэсир итү көчен тәшкил итүче , тамашачыга психологик йогынты ясаучы чаралар. «Спектакль безгә бик ошады»,- диде укучылар. «Эчендә җаны булган кешегә ошарга тиеш спектакль»,- дип өстәде укучыларның сыйныф җитәкчесе Сәвия Өлфәт кызы Шайхаттарова.

Шәhәргә гастрольләр белән К. Тинчурин театры килә дигәч, репертуарларында Г.Исхакыйнын «Җан Баевич» спектакле булуын белгәч, Пушкин картасы белән 8б, 8в сыйныф укучылары бердәм рәвештә билетлар алдылар. Монда , әлбәттә, әлеге сыйныфта татар әдәбияты укытучыларының, сыйныф җитәкчеләренең роле зур. «Ай, былбылым» спектакленә 10 сыйныф укучылары барды. Мәдәният дөньясы, халыкның сүз сәнгатен җиткерүче театр эшчәнлеге, үз тамырларыңны барлау мөмкинлекләреннән файдалана белү укучының үзүсеше өчен кирәкле шартларның берсе. Шунысы әhәмиятле: укучылар, мөгаллимнәрнең асыл максатларын аңлап, әлеге чараларны ошатып кабул итәләр.

Гимназия укучылары замана белән бергә атлыйлар. Үзе белем алган гимназияне яңа үрләргә күтәрүче Вәлиев Марат Минсабир улы - иң хөрмәтле остаз. Бер карасаң, нәни курайчыларны тезеп уйната, икенче карасаң, югары класс укучылары белән музыка коралларында уйный, өченче караганда, укытучыларга видеосюжет ясый. Бәяләп бетермәслек мәрхәмәтлелек, компетентлылык, тәрбиялелек бөркелеп торган Марат Минсабир улын хезмәттәшләре дә, укучылар да, ата-аналар да хөрмәт итә. Әле уку елы башында гына оешкан яңа төркем инде уңышлы чыгыш ясаган! Ничек моңа сокланмыйсын! «Бер булганнан бар да була!»- ди халык. Гимназия үзе тәрбияләгән укучысы, бүгенге көндә зыялы укытучысы белән чиксез горурлана.

8 Март -Халыкара хатын -кызлар көне. Әлеге уңайдан бүген иртәдән гимназия Спикеры Закирова Әдилә Илһам кызы җитәкчелегендәге Укучылар советы яраткан укытучы апаларын изге теләкләр теләп, котлап каршыладылар, мактау сүзләре җиткерделәр, открытка бүләк иттеләр. Һәр елмаю сәдака, диләр. Мөгаллимә апаларның иртәдән елмаюларын күрү үзе зур бәхет. Бәйрәм кәефе һәрчак янәшәгездән атласын, бәхетле булыгыз, хөрмәтле укытучы апаларыбыз. Сез - иң зирәк, иң сабыр, иң уңган, иң кыю укытучылар. Озын гомерле, сау-сәламәт булыгыз. Ә без үз чиратыбызда яхшы укырга, тәртипле булырга тырышачакбыз, диде алар. Котлаулар 13.00 сәгатьтә Актлар залында дәвам итте. Бер сәгать дәвамында моңлы җырлар тыңладылар, дәртле биюләр карадылар. Бәйрәм кичәсен Вәлиев Марат Минсабирович җитәкләгән курайчылар ансамбле башлап җибәрде. 8 А сыйныфы укучысы - Имаметдинова Регина, 7В сыйныфы укучылары - Галимҗанова Милана, Ишалинә Әдилә, 5А сыйныфы укучысы Насифуллин Кәримнең моңлы җырлары, Гатина Лилия Вафировна җитәкләгән "Экспрессия" бию ансамбленең "Әнигә булышчылар", ("Мамины помощницы") , "Шәл бәйләдем" , "Пәрәвез" ("Паутина") һәм заманча биюләре, нәфис сүз остасы, 9В сыйныфы укучысы Ганиева Таңсылуның Фәнис Яруллинның "Хатлар яза алмыйм" дигән шигырен гаҗәеп осталык белән сөйләве, 3 кыздан торган акробатик күнегүләр - һәркемнең күңеленә хуш килгәндер. Матур кичәне алып баручылар - 7 В сыйныф укучысы - Ишалинә Әдилә, 8В сыйныфы укучысы - Гайнетдинов Айзат булды. Тәрбия эшләре буенча директор урынбасары Нурисламова Энҗе Әзһәм кызы нәфис затларыбызна - әниләрне, апаларны, кызларны бәйрәм белән күңел түренә үтеп керә алырлык матур сүзләр табып котлады, бәйрәм кичәсен әзерләгән һәркемгә рәхмәтен җиткерде. Соңыннан профком рәисе Валеева Суфия Василовна бүләкләр тапшырды.

Гимназиянең 6а сыйныф укучылары - волонтёрлар. Быелгы уку елында сыйныф җитәкчеләре Светлана Старовойтова укучылар белән бик күп эшләр башкарды. Кулланудан чыккан батарейкалар, макулатура җыю булсынмы, 6а класс укучылары кырмыскалар кебек кайнашалар. Әле күптән түгел «Җанымнын җылысы» акциясе кысаларында гуманитар ярдәм күрсәттеләр. Кыш буе кошларга эленгән җимлекләрне чистартып, җим салып тордылар. Бүген "Азира" дигән этләр приютына юл тоттылар. Үзләре белән этләргә 4000 сумлык күчтәнәч алып бардылар. Балаларда мәрхәмәтлелек хисе тәрбияләүче ата-аналарга, Светлана Владимировна кебек тынгысыз , олы йөрәкле укытучыларга, волонтер укучыларга карап сокланабыз! Чын гражданлык тәрбия үрнәге менэ шушы, дибез. Афәрин!

Гимназиядә укучыларга, укытучыларга язгы кәеф бүләк итәрлек кулдан ясалган открыткалар күргәзмәсе. Күңел җылысына матурлыкка соклану хисе өстәлгән гаҗәеп матур эшләр! Камиллеккә чикләр юк!

Дорогие ученики 1-9 классов!

«Яз сулышы» дигән концерт программасы белән «Энергетик» мәдәният йорты артистлары Лилия Мингазова, Алинә-Динә Гарифуллиналар, Лия Карамова, Лена Буханова, Илнур Фәйзуллин, Анна Катаева, Рөстәм Фаттахов, Илсөяр Зарипова гимназия укучыларына күтәренке кәеф, зәвыклы ял бүләк иттеләр. Концерт барышында укучылар шәhәр, республика тарихына кагылышлы кызыклы сорауларга җавап таптылар. Күнелле дә, файдалы да чара гимназия укучыларына бик ошады.