Муниципальное бюджетное общеобразовательное учреждение "Гимназия №2 имени Мулланура Вахитова" города Набережные Челны/Яр Чаллы шәһәренең "Мулланур Вахитов исемендәге 2нче гимназия" муниципаль бюджет гомуми белем бирү учреждениесе
Визитная карточка
Адрес: | 423822, Республика Татарстан, город Набережные Челны, ул. Ак.Королева, д.20 (32/20) |
Телефон: | +7(855)-234-70-72 |
E-Mail: | gim2_chelny@mail.ru |
Министерство: | Министерство образования и науки Республики Татарстан |
Короткое название: | МБОУ «Гимназия №2 им. М. Вахитова» |
Руководитель: | Набиуллина Лиза Рихмановна |
Год основания учреждения: | 1989 |
У нас учатся: | 794 учащихся |
У нас учат: | 50 педагогов |
Муниципальное бюджетное общеобразовательное учреждение "Гимназия №2 имени Мулланура Вахитова" города Набережные Челны/Яр Чаллы шәһәренең "Мулланур Вахитов исемендәге 2нче гимназия" муниципаль бюджет гомуми белем бирү учреждениесе - новости
Страницы: 1 2 3 4 5 6 7 8 9 ( 10 ) >>
-
Очрашу
20.11.2023
Сулыкларда куркынычсызлык айлыгы» кысаларында гимназия укучыларына лекция уку өчен МЧС хезмәткәре Мостафин Зиннур Хәзинур улы килде. Ул үзенең чыгышында укучыларга тиешенчә катмаган боз өстенә керүнең тормыш өчен никадәр куркыныч булуын аңлатты, көтелмәгән бәхетсезлек килеп чыккан очракта зыян күрүчегә беренче ярдәм күрсәтү юлларын өйрәтте. «Көзге боз ястык калынлыгы булса да ышанма!» дигән татар халык мәкалендә хаклык бар. Көтмәгәндә яуган кар сулыкларны каплады, шуңа күрә саклык кагыйдәләрен үтәргә кирәк.
Фото1 Фото2
-
"Татар кызы-2023"
19.11.2023
Һәр елны, ноябрь аенда "Татар кызы" муниципаль бәйгенең мәктәп этабы уздырыла. Анда һәр сыйныфтан иң сәләтле укучылар катнаша. Әлеге бәйгедә быел да гимназиябезнең 1-4 нче сыйныф кызларыннан сайлап алынган 13 кыз чыгыш ясады. Кызларның, шигырләрне сәнгатьле итеп сөйләүләрен, моңлы итеп җырлауларын яшь тамашачылар да, жюри да бик җылы кабул итте. Конкурсантларның чыгышларын мәртәбәле кунаклар: шәһәребезнең күренекле җырчысы Сәрия Нәбиуллина, танылган журналист Резеда Ганиева, шулай ук педагог-оештыручы-Гөлсинә Билалова, гимназия Укучылар Советының культмасса секторы җитәкчесе Альбина Исламова бәяләде. Конкурсны - нәфис сүз остасы, 9В сыйныфы укучысы Ганиева Таңсылу алып барды. Балл исәпләгән арада Ишалинә Әдилә үзенең моңлы җырын тәкъдим итте. Бәйге тәмам. "Татар кызы-2023" мәктәпкүләм җиңүчеләре итеп 4а сыйныфы укучысы Шәйморатова Гүзәл һәм 4в сыйныфы укучысы Солтанова Сәфинә танылды. Барлык катнашучыларга да истәлекле бүләкләр бирелде, дипломнар тапшырылды. Барлык катнашучыларга, аларны әзерләгән тырыш, зирәк класс җитәкчеләренә, әти-әниләренә бик зур рәхмәт.
Фотогалерея
-
«Яшьлэр сәламәт тормыш яклы!»
19.11.2023
«Яшьлэр сәламәт тормыш яклы!» шәhәркүләм акция кысаларында гимназиянең 7-10 сыйныф укучылары белән очрашуга Яр Чаллы наркология диспансеры хезмәткәре Муртазина Гүзәл Азат кызы килде. Яшь организмга алкоголь эчемлеклэр , наркотиклар, никотин матдәләр зыяны хакында анлатты.
Фотогалерея
-
«Сәйяр»
18.11.2023
«Тылсым» театр студиясе Яңа уку елын уңышлы башлап җибәрде. 20 ноябрьдә яшь театр төркемнәре катнашында уза торган «Сәйяр» республикакүләм фестивальнең зона этабында чыгыш ясаячаклар. Уңышлар!
Фото1
-
Мэры кубогы
18.11.2023
Яр Чаллы шәhәр Мэры кубогына уздырылган милли көрәш ярышында гимназиянең 9 укучы җинүче, призер булды! Тренер Шәмсевәлиев Илгиз Вэгыйзь улы тәрбияләгән батыр көрәшчеләр - гимназиянең горурлыклары. Алар: Мухаметов Рамазан, Гайнетдинов Айзат, Габдрахманов Самат, Габдрахманов Самир, Давлетбаев Салават, Евграфов Батырша, Ханнанов Эмиль, Хасанов Эмиль, Хуснуллин Максим. Афәрин , батырлар!
Фото
-
Гимназиядә тәнәфес
17.11.2023
Әлеге егетләр 7б сыйныфында укыйлар, КВН командасында уйныйлар. Тәнәфестә дә алар телефонга ябышып утырмыйлар, бердәм күңел ачалар, кыскасы креатив, шәп егетләр!
Видео
-
Ачык ишекләр
16.11.2023
Гимназиянең чыгарылыш сыйныф укучылары медицина көллиятендә узган Ачык ишекләр көнендэ булып кайттылар. Таңсылу Ганиева әлеге чара турында матур видеосюжет та әзерләде, рәхим итеп карагыз!
Видео
-
«Россия- мои горизонты»
16.11.2023
Бүген « Рәсәй- минем офыкларым» («Россия- мои горизонты») дәрестән тыш сәгатенэ КФУ карамагындагы инженер- икътисад көллияте хезмәткәре килде, уку йортында укытыла торган 15 белгечлек хакында җентекләп аңлатты.
Фото1 Фото2
-
Афәрин
15.11.2023
Гимназиянең 4б сыйныф укучысы Батырша Евграфовка, чынлап торып, үз исеме килешеп тора. Батырша узган атнада Татарстан беренчелегендә кикбоксинг буенча 1 нче урынны яулаган булса, буген милли көрәш буенча Яр Чаллы шәhәр мэры кубогында 3 урын алган! Афәрин, безнең батыр Батырша!
Фото1 Фото2
-
Язучылар берлеге
14.11.2023
Яр Чаллы шәhәре Язучылар берлеге җитәкчесе Факил абый Сафинның иҗат студиясе бар икәнлеген белә идегезме? Ул , беренче чиратта, шәhәребездәге, аннан кала Түбән Кама, Алабуга, Менделеевск шәhәрләре, тирә-як районнардагы яшь каләм тибрәтүчеләр иҗатларын үстерү максатыннан, үз эшен башлап җибәрде. Әлеге оешмага дәртләнеп килгән яшьләр арасында безнең Айзат Гайнетдинов та бар. Факил абый яшь иҗатчыларга талантлы шагыйрәләр Әлфия апа Ситдикова, Лилия Гобәйдуллина, Сирень Якупова, Айзирэ Имамоваларның «яңа гына табадан төшкән» шигырьләрен тыңлатты, яшьләргә шигырь төзелешe, аhәңe , калыбы турында белемнәрен, киңәшләрен җиткерде. Аннан сүзне яшь иҗатчыларга бирде, алар ялкынланып үз шигырьләрен укыдылар, аннан бергәләшеп анализладылар, кыскасы, рәхәтләнеп «пар чыгардылар». Безгә ошады. Әлеге башлангыч дәвамлы булсын иде!
Фото1 Фото2 Фото3