Гимназиянең "Тылсым" театр студиясе яшь артистлары К.Тинчурин исемендәгө драма һәм комедия театры оештырган " Яшь чикләре булмаган театр" республикакүләм бөйге- фестиваленең сайлау турында катнаштылар. Жюри хөкеменә тылсымчылар Р.Батулланың " Ана каргышы" драмасын тәкъдим иттеләр һәм уңай бәя алдылар. Тылсымчыларның остазлары- Татарстанның атказанган артистлары Шиһапова Энҗе һәм Әскарова Чулпан - укучыларның уңышлы чыгышларыннан канәгать. Театр сәнгатенә мәхәббәт тәрбияләүче мондый чараларда катнашу укучыларга бик ошый. Афәрин, тылсымчылар!

Көз уртасы җитте. Көннәр кыскаруын, һава торышынын салкынаюын тоярга да өлгердек. Соң булса да, уң булсын, дигән кебек,Көз сылуы укучыларны бәйрәмгә җыйды. Әлеге чарада Сөмбелә бәйрәме тарихы ачылды, көз турында мәкаләләрдә тупланган халык акылы һәм тәҗрибәсе шәрехләнде, табышмаклар әйтелде, агач яфракларын тану буенча бәйге булды. Сәхнәгә чыккан кызлар туган татар телләрендә үзләренең визиткаларын, сәләтләрен күрсәттеләр. Чарада дәртле биюләр, күңелле җырлар, рухланырлык шигырьләр яңгырады. Гимназия укучылары көз фасылының бөтен матурлыгын Сөмбелә кыз образында күрделәр, эстетик кыйммәтләр алдылар, туган тел хәзинәләрен барладылар, дип уйлыйбыз.

Гимназия укучылары белән электрон сигаретларның (вейпларның) кеше организмына зыяны хакында профилактик чара узды. Укучылар белән әңгәмәдә табиб Илнар Сагиров катнашуы бик үтемле булды. Сәламәтлекне яшьтән сакларга, замана тудырган начар гадәтләргә өйрәнмәскә була, моның өчен кешенең сайлау мөмкинлеге бар. Чарадан һәркем үзе өчен кирәкле мәгълүмат алгандыр, дип уйлыйбыз.

Солдат тормышы ничек? Бүген яшьләр Ватан каршындагы бурычларын үтәргә әзерме? Үзең яшәгән шәһәр тарихын беләсеңме? Чын дуслыкның сере нәрсәдә? Менә шушы сорауларга җавап таба торган урын - "Ватан-Ана" мемориаль комплексында урнашкан Мәңгелек ут каршындагы Беренче пост. Әлеге җаваплы хезмәт бер атнага каралган. Шушы вакыт аралыгында постчылар сугышта башларын салган шәһәрдәшләребезнең һәм яу кырыннан кайтмый калган солдатларның истәлегенә кабызылган утны күз карасыдай саклыйлар, хэрби чыныгу узалар, ил алдында үтәлергә тиешле бурыч барлыгына төшенәләр. Буген икенче гимназия укучыларыннан торган постчылар тантаналы рәвештә ант бирделәр, присяга кабул иттеләр. Гимназиянең 10 сыйныф укучылары тырышлыклары, бердәмлекләре белән аерылып торалар. Присяга кабул иткәндә, икеләтә житдилекләре йөзләренә чыккан иде. Гимназиядә гражданлык- патриотик тәрбия системага салынган булганга күрә, укучылар постта да сынатмыйлар. Яннарында остазлары Фаик Фоат улы Мөгинов аталарча кайгыртучанлык күрсәтә.

"Укытучы белән бию" бәйгесендә катнашучы гимназиянең 7 нче сыйныф кызларына һәм сыйныф җитәкчесе Светлана Старовайтовага без уңышлар телибез. Зәвыклы, креатив укытучы янында үзе төсле нәфис кызлар, әлбәттә, матурлыкка, сәнгатькә гашыйк булып үсәләр.

Укытучылар көне уңаеннан һәм Өлкәннәр көне декадасы кысаларында гимназия укучылары бик күп чараларда, акцияләрдә катнашалар. Бу көннәрдә укучылар кулдан матур открыткалар ясау, укытучы белән бию һәм видеокотлаулар, бәйрәм концерты әзерләү, ветеран укытучыга оригиналь котлау оештыру кебек эшләр белән мәшгуль булдылар. Ике бәйрәмне берләштереп оештырган концертка килгән ветеран укытучыларны гимназия укучылары җылы итеп каршы алдылар, зурлап котладылар. " Экспрессия" бию ансамблендә, " Әллүки" җыр студиясендә, " Тылсым" театр студиясендә шөгыльләнүче укучылар көче белән бәйрәм концерты әзерләнде. Бәйрәмне Шәйхетдиновлар гаиләсенең, Ишалина Адиләнең чыгышлары бизәде. Гимназиянең үзидарә советы укучылары, Беренчеләр хәрәкәте оешмасы тырышлыгы белән укытучыларны котлау оештырылды. Концерттан соң ветеран укытучылар чәй табыны артында гап кордылар, бергә эшләгән елларын искә алдылар. Халыкта " Олыласаң олыны, олыларлар үзеңне",- диләр, әлеге матур чаралар яшь буын өчен чын тәрбия урнәге булып торалар, укытучы хезмәтенә хөрмәт уяталар.

Гимназиянең 8 нче сыйныф укучысы Заһитова Мәрьямне йөгерү буенча «Кросс наций» ярышындагы чираттагы җиңүе белән котлыйбыз. Афәрин, Мәрьям! Киләчәктә Чаллы шәһәре спортчылары данын еракларга жибәрерсең, дип ышанабыз ! Чемпионнар безнең арада!

Беренче октябрь - Өлкәннәр көне. Гимназия укучылары әлеге бәйрәм уңаеннан уздырыла торган декада кысаларындагы чараларда теләп катнашалар. Комсомол районы башкарма комитеты тарафыннан уздырыла торган "Көзләрегез алтын булсын!" акциясе өчен , укучылар гаиләләренең күңел жылыларын кушып , әти-әниләре ярдәме белән, өлкән сыйныф укучылары мөстәкыйль рәвештә, искиткеч матур открыткалар ясадылар. Безнең өлкән буын вәкилләре игътибарга, хөрмәткә лаек. Аларның тормыш көзләре алтынсу төсләргә бай, күңелләре күтәренке, сәламәтлекләре ныклы булсын!

"Экстремизмга-юк!" айлыгы кысаларында шәһәрнең "Энергетик"мәдәният йортында "Халыклар дуслыгы- тынычлык нигезе" дигән тематик программа буенча чара узды. Гимназиянең 8а сыйныф укучылары ( сыйныф җитәкчесе Заһитова Зөлфия Мөхәммәтнур кызы) әлеге чарада катнаштылар. Без илләр, халыклар дус булуын, кеше гомеренең вакытсыз өзелмәвен, күз яшьләренең түгелмәвен телибез.

М.Вахитов исемендәге икенче гимназиядэ Белем бәйрәме бик матур узды. Кояшның көләч нурлары укучыларның да, ата- аналарның да кәефләрен күтәрде, гүя табигать тә бәйрәм рухын уртаклашты. Тантанада талантлы жырчылар Нияз Хаматшин, Шәйхетдиновлар гаиләләренең катнашулары ямь өстенә ямь булды. "Әллүки" җыр студиясе ( житәкчесе Зәйнуллина Әлфия Тәуфик кызы), "Экспрессия" бию ансамбле (житәкчесе Гатина Лилия Вафир кызы) чыгышлары зәвыклы, матур булды. Ә беренче "в"сыйныф укучылары ( сыйныф җитәкчеләре Фәйзуллина Флузә Габдулла кызы) шигврьләр дә сөйләделәр, җырладылар, узыша-узыша теләкләрен житкерделәр.Музыка аппаратурасы артында Вәлиев Марат Минсабир улы булды. Уртак көч һәм бәйрәмне күңелле һәм файдалы уздыру теләге зур булганга, Белем бәйрәме күңелләргә үтеп керде. Чарада Яр Чаллы шәһәре прокурор ярдәмчесе Каюмов Рамил Равил улы укучыларны юлларда хәвеф-хәтәрсез йөрергә, тормыш иминлеге кагыйдәләрен үтәргә чакырды. Яңа уку елы хәерле сәгатьтә башлансын!