ВЫРАЖАЕМ ОГРОМНУЮ БЛАГОДАРНОСТЬ

ПОБЕДИТЕЛЯМ, ПРИЗЕРАМ, УЧАСТНИКАМ ОЛИМПИАД И УЧИТЕЛЯМ, ПОДГОТОВИВШИМ УЧАЩИХСЯ  К ОЛИМПИАДАМ.

ЖЕЛАЕМ ВСЕМ ДАЛЬНЕЙШИХ ПОБЕД И УСПЕХОВ В ЖИЗНИ, КРЕПКОГО ЗДОРОВЬЯ!!!

На территории Российской Федерации участились случаи поджогов на объектах транспорта и общественных зданий. В целях предупреждения совершения таких преступлений Приволжской транспортной прокуратурой разработан буклет с разъяснениями об ответственности за совершение диверсий и террористических актов.

Гимназиядә Яңа ел тамашалары өч көн дәвамында барды. Беренче көнне башлангыч сыйныф укучылары күңел ачты. 1-2 сыйныф укучылары өчен " Тылсым" театр студиясе"Хуш киләсең, Яңа ел!" тамашасын күрсәтте. Яшь артистлар сәхнәдә ышандырырлык итеп уйнадылар, укучылар тамашаны тын да алмыйча карады. 3-4 сыйныф укучылары өчен үз көчләре белән бәйрәм концерты әзерләнгән иде. Кашыкчылар, курайчылар ансамбле, төрле милләт биюләре, күңелле җырлар беркемне дә битараф калдырмады. Икенче көнне 5-8 сыйныф укучылары бәйрәм итте. Бәйрәмнең бизәге- Алинә Хәйруллина җитәкчелегендә оештырылган ком анимациясе булды. 6-7 сыйныф укучыларыннан оешкан вокаль инструменталь ансамбле чыгышы көчле алкышларга күмелде. 7-8 сыйныф укучылары Яңа ел тамашасында күмәк биюләргә осталыкларын сынадылар. Өченче көн өлкән сыйныф укучыларына багышланган иде. 11 нче сыйныф укучыллары бәйрәм сценарийсын үзләре төзеделәр, күмәк чыгышлар төрле кызыклы уеннар белән арлашып барды. Бәйрәмне оештыруда катнашкан укучылар: Ләйлә Әскарова, Эмиль Ханнанов, Дамир Вәлиев, Нәзилә Әхмәтҗанова, Дилия Нигьматуллина, Әминә Мансурова, Әмирхан Мифтахов; конферансьелар - Наилә Валеева, Альзана Хаматшина, Алия Зәйнуллина, Диләрә Исорова, Азалия Закирова бик матур чыгыш ясадылар . Күмәк тырышлык белән оештырылган Яңа ел бәйрәм- тамашалары, истә калырлык булып, күңелле узды.

22 декабрь - Әти-әниләргә тормыш бүләк иткән өчен рәхмәт белдерү көне. Шул уңайдан гимназия укучылары ата-аналарына Рәхмәт хатлары яздылар. Әлеге чара бер генә укучыны да битараф калдырмады, димәк, яшь буын күңөленә гаилә кыйммәтләре орлыклары салынган. Шул орлыклар шытып, матур чәчәк атарлар, ата-аналарына рәхмәтле балалар булырлар, дигән теләктә калабыз!

Буа дәүләт драма театры оештырган "Ният -2024" региональ татар балалар театраль коллективлары фестиваль - конкурсында "Тылсым" театр студиясе икенче урын алды. Театр студиясе җитәкчеләре- тынгы белмәс иҗади шәхесләр Чулпан Әскарова белән Энҗе Шиһапова гимназия укучыларында театр сәнгатенә мәхәббәт уятуда, аларның осталыкларын чарлауда зур эш башкаралар. Укучылар, үз остазларының ышанычын акларга теләп, театр студиясендә дәртләнеп шөгыльләнәләр. Әлеге җиңү аларның чираттагысы. Тылсымчыларыбызга алга таба да уңышлар телибез!

Яшүсмерләргә сәламәт яшәү рәвешен пропагандалау, организмга зыян китерә торган начар гадәтләрне кисәтү максатыннан, шәһәрнең наркология диспансеры табиб- психологы Гүзәл Мортазина гимназиянең 5-11 нче сыйныф укучылары алдында чыгыш ясады. Замана чире булган вейпларның, алкогольле эчемлекләрнең, наркотикларның яшь организмга нинди зыян салуы турында сөйләнгән лекция мәгълүматлы, дәлилле булды. Бүгенге көндә сэламәт яшәү рәвешен сайлау үзеңнең киләчәгеңне билгеләүгә тиң. Әлеге очрашудан соң бу фикерне укучылар яхшы аңлаганнардыр, дип уйлыйбыз.

" Коррупциягә каршы көрәш көне" уңаеннан гимназиянең 8-11 нче сыйныф укучылары белән очрашуга Яр Чаллы шәһәр суды прокурор ярдәмчесе Рамил Каюмов килде. Ул укучыларга җәмгыять, аның төзелеше, коррупция сәбәпләре хакында сөйләде, бүгенге көндә киң таралган кибермошенничество белән бәйле җинаятьләр турында аңлатты. "Җиңел юл белән акча эшләргә теләп, закон каршында җаваплылыкка тартылган яшүсмерләрне күрү бик авыр, чөнки алар үз ата- аналарын нинди кайгыга салганнарын соңарып аңлыйлар", - диде Рамил Равилевич. Әңгәмә ахырында укучылар лекторга үзләрен кызыксындырган сорауларны бирделәр. Әлеге чара бик файдалы булды.

Күптән түгел гимназиядә бик мөһим чара узды. Ул 3 декабрь - Билгесез солдат көненә , 5 декабрь - Волонтерлар көненә , 9 декабрь- Ватан каһарманнары көненә дә карый торган зур масштаблы чара булды. Гимназия укучылары атна дәвамында ата- аналар белән берлектә кайнар нокталарда хәрби хезмәт узучы солдатлар өчен гуманитар ярдәм җыйдылар. Бу изге эштә һәркем үз өлешен кертте, хәтта бер ящик тутырып кофе җибәргән гаиләләр булды. Уртак көч белән 625 пар оекбаш, аннан кала 48 перчатки, гигиеник кирәк- ярвклар, чәй тәм- томнары тупланды. Укучылар сыйныф җитәкчеләре белән солдатларга хатлар яздылар. Бүген шул гуманитар ярдәмне Комсомол районы хәрби комиссариатына, "Уңыш навигаторы" социаль үзәкләренә тапшыру чарасы узды. Укучылар белән очрашуга "ДШМГБарс"запастагы чик сакчылары регион оешмасы председателе Нисафетдинов Айрат үзенең оешма вәкилләре Нусратов Тимур, Тихомиров Владимир, Зиһаншин Гөлүс белән берлектә килгән иделәр. Кунаклар хәрби хезмәтнең җаваплылыгы, Ватан каршында вазифа үтәүнең әһәмияте хакында сөйләделәр. Чараны матур чыгышлары белән Ишалина Адилә, Солтанова Сафина, Гафуров Тамерлан, 4а сыйныфының кашыкчылар ансамбле бизәде. Әлеге чараны оештыруда көче кергән тәрбия эшләре ьуенча директор урынбасары Нурисламова Энҗе Әзһәм кызына, барлык сыйныф җитәкчеләренә, Яшь армиячеләр отряды җитәкчесе Могинов Фаик Фоат улына, волонтерлар отряды җитәкчесе Старовайтова Светлана Владимир кызына, кашыкчылар ансамбле җитәкчесе Хаматова Ләйсәния Бариевнага зур рәхмәт. Безнең татар халкында "Тамчыдан күл җыела", " Ил төкерсә күл була",- дигән мәкальләр бар. Чыннан да, зур эшне башкару өчен бердәм булу , бер идея белән яну кирәк. Икенче гимназия зур эш башкарды. Афәрин! Без булдырабыз!

Волейбол буенча Татарстан беренчелегендә Яр Чаллы шәһәре кызлар командасы бронза призеры булды! Әлеге көчлe командада гимназиянең 6 нчы сыйныф укучысы Петрова Милена да бар. Милена " Иң яхшы саклаучы ( Самый лучший защитник) буларак билгеләп үтелде . Миленаны Зенит - Казан уенчылары Максим Михайлов белән Майка Кристенсон котлады. Милена , афәрин!

Безнен гимназия укучылары : Рәсим Шәйхетдинов, Тимур Ахкямов, Раил Нуретдинов, Альмир Хафизов, Лилия Әхмәтова "КВН Юниор " республикакүләм ярымфинал уеннарында катнашып, 2 урынга лаек булдылар! " Когда- всегда" командасы капитаны Рәсим Шәйхетдинов тәжрибәле команда туплады, егетләр хактан да, шаяннар, тапкырлар, ә иң мөһиме бердәм. Гимназия командасы быелгы уку елында икенче тапкыр шәһәр данын яклап чыгыш ясады, без алар белән горурланабыз. Афәрин!