Гимназиядә Бөек Ватан сугышы тарихына багышланган ,,Хәтер кайтавазы" дип исемләнгән, реаль тарихи вакыйгаларга нигезләнеп язылган документаль-тамаша күрсәтелде. Әлеге эшне оештыручы, сценарий авторы- гимназиянең хөрмәтле укытучысы Харисова Энҗе Мирзанур кызы. Вакыйгаларның реаль җирлеге - Минзәлә районы Кызыл Төбәк авылы, геройлары -шул авылның тыл хезмәткәрләре, сугыш чоры балалары. Вакыйгалар бер кайгысыз базар көне тамашасыннан башлана; аннан , аяз көнне яшен суккандай , сугыш башлану хәбәре килә; сугышка озатулар, хат көтүләр, ачлык галәмәтләре сурәтләнә hәм Җиңү көне тантанасы белән бетә. Бер сәгать вакыт аралыгында, күңелләргә үтеп керерлек, җаннарны сулкылдатырлык дәрәҗәгә җиткерелеп, сугыш чоры татар авылы тарихы күрсәтелә. Сугыш вакыйгалары патриотизм, гражданлык, кешелеклелек призмалары аша бирелә.Әлеге чара өлкәннәр өчен дә, яшь буын өчен дә гаҗәеп дәрәҗәдә файдалы, әһәмиятле чара булып тора. Җиңү көннәре алдыннан мондый эчтәлекле чара оештырган Харисова Энҗе Мирзануровнага, Зарипова Зифа Мирхатовнага, әлеге чарада катнашкан гаҗәеп талантлы укытучылар Хәйруллин Насфат Ашрафулловичка, Закирова Сания Маликовнага, Хаматова Ләйсәния Бариевнага, Сагитова Әнисэ Әмировна га, Солтанова Резеда Флюровнага, тырыш укучыларга , чарага килгән кунакларга зур рәхмәт!

Илебездә Бөек Җиңүнең 78 еллыгын бәйрәм итүгә караган бик күп чаралар үткәрелә. Бу нисбәттән, Мулланур Вахитов исемендәге 2 нче гимназиялеләр башкарган эшләр дә шактый. “Җиңү тәрәзәләре”, “Җиңү хаты” акцияләрендә катнашу, Георгий тасмалары тагып йөрү, ветераннарны өйләренә барып котлап кайту, 9 май бәйрәменә караган плакатлар ясау, төрле конкурсларда катнашу. Ә бүген исә гимназиябезнең 7А сыйныфы укучылары Шайхаттарова Сәвия Өлфәтовна җитәкчелегендә Орловка бистәсендә урнашкан бөек Ватан сугышында һәлак булучыларга атап салынган һәйкәлгә чәчәк салу тантанасында катнаштылар. Илебезнең тынычлыгы өчен шәһит киткән бабаларыбызның һәйкәлләргә исемнәре уеп язылган. Тантанада аларны бер минутлык тынлык белән искә алдылар. Әлеге чара – иленә тугры булган бабаларыбыз үрнәгендә тәрбияләүне максат итеп куйган тәрбия чарасы. Күкләребез тыныч булсын иде !

Бүген Мулланур Вахитов исемендәге гимназия укучылары “Эврика” Яшьләр үзәгендә 9  Май – Җиңү көне уңаеннан уздырылган сугыш чорына караган шигырь сөйләү чарасында катнаштылар. 5А сыйныфы укучысы- Әхмәтҗанова Нәзилә  Муса Җәлилнең “Яулык”, 5В сыйныфы укучылары Кашапова Зилия,  Фәрхетдинова Ясминә,  Сибагатова Зәринә Муса Җәлилнең “Ана бәйрәме” шигырен, 8В сыйныф укучысы Ганиева Таңсылу әнисе Ганиева Резеда Әсхәт кызы белән берлектә Азат Зәйнуллинны язган “Солдатлар” шигырен сөйләделәр. Әлеге чара туры эфирга язылып барды.  Чараны танылган шагыйрә,  Татарстанның атказанган мәдәният хезмәткәре Минһаҗева Зөләйха Мөхитовна алып барды.

Гимназиянең профсоюз җитәчесе Валеева Суфия Васил кызы җитәкчелегендә гимназия укытучылары ветеран укытучыларның хәлләрен белешеп, гомер бәйрәмнәре белән котлыйлар, өлкән буын вәкилләренә ихтирам , игътибар курсәтеп торалар . Күптән түгел гимназия коллективы М.Вахитов исемендәге мәктәп директоры Уразаев Ирек Таhировичны 92 яшь туган көне белән котлады! Ирек Таhир улы белән педагог-организатор Билалова Гөлсинә Хоснулла кызы әлекке моңлы көйләрне сыздырып уйнап утырдылар. Ветераныбыз белән җанлы әңгәмә оештырдылар. Әлеге очрашудан ветеран укытучының күңеле булды .

Жину бэйрэме алдыннан тылда хезмэт куйган ветеран укытучыларны котлаулар дэвам итэ. 8а сыйныф укучылары Андреева Роза Бэдри кызын котладылар.

Гимназиягә ,,Ялкын" балалар hәм яшүсмерләр журналы мөхәррире Фазуллин Илназ үзе белән ,,Шәпблогер" медиамәктәп вәкилләрен очрашуга алып килде. Очрашу кызык, мавыктыргыч, ялкынлы булды. Кунакларга , гимназиягә кергәч, кызыл келәмнән узу ; шарлар тотып үзләрен сәламләгән укучылар, ,,Мизаж" төркеме башкарган заманча жырлар, ,,Мэхәббәт" ШТК командасы чыгышы, Ганиева Таңсылуның хисле итеп шигырь укуы, Сәрвәров Саматның өздереп баянда уйнавы, ә иң мөhиме - актив, позитив, иҗади гимназия укучылары белән аралашу ошады. Укучылар блогер мәктәбенә ,,сынау" да уздылар: 20 минут эчендә кызыклы тематика уйлап табып, сюжет төшереп, аны монтажлап , кунакларга тәкъдим иттеләр. Кемнәр җиңде дисезме? Сәхәбетдинова Зәринә, Хәбибуллина Илhамия, Галиева Әминәдән торган команда. Алар ,,Без -,,Ялкын"ны, ,,Ялкын" безне ярата" дигән теманы ачтылар. Афәрин, креатив фикер йөрткән, замана сулышын тойган укучылар бар бездә, бәлки киләчәктә блогерлар да булырлар. Кем генә булсалар да, белемле, тәрбияле, кешелекле булсыннар. Очрашуга килгәндә, кунаклар гимназияне ошатып киттеләр. ,,Сездә укучылар узгә, үзләрен иркен , тәрбияле тоталар, иҗадилык бөркелеп тора",- диде Илназ Фазуллин. Безгә дә кунаклар ошады. Кыска гына вакыт эчендә укучыларның күңелләрендә иҗатка ялкын кабызган ,,Ялкын"ның да , яшь блогерларның да хәтерләрендә безнең белән очрашуның матур мизгелләре озак сакланыр, безне рухландырган кебек, аларны да иҗатка рухландырыр дигән теләктә калабыз.

Жиңү көне алды акцияләрендә гимназия укучылары бик актив катнашалар!

Гимназиягә ,,Ялкын" балалар hәм яшүсмерләр журналы мөхәррире Фазуллин Илназ үзе белән ,,Шәпблогер" медиамәктәп вәкилләрен очрашуга алып килде. Очрашу кызык, мавыктыргыч, ялкынлы булды. Кунакларга , гимназиягә кергәч, кызыл келәмнән узу ; шарлар тотып үзләрен сәламләгән укучылар, ,,Мизаж" төркеме башкарган заманча жырлар, ,,Мэхәббәт" ШТК командасы чыгышы, Ганиева Таңсылуның хисле итеп шигырь укуы, Сәрвәров Саматның өздереп баянда уйнавы, ә иң мөhиме - актив, позитив, иҗади гимназия укучылары белән аралашу ошады. Укучылар блогер мәктәбенә ,,сынау" да уздылар: 20 минут эчендә кызыклы тематика уйлап табып, сюжет төшереп, аны монтажлап , кунакларга тәкъдим иттеләр. Кемнәр җиңде дисезме? Сәхәбетдинова Зәринә, Хәбибуллина Илhамия, Галиева Әминәдән торган команда. Алар ,,Без -,,Ялкын"ны, ,,Ялкын" безне ярата" дигән теманы ачтылар. Афәрин, креатив фикер йөрткән, замана сулышын тойган укучылар бар бездә, бәлки киләчәктә блогерлар да булырлар. Кем генә булсалар да, белемле, тәрбияле, кешелекле булсыннар. Очрашуга килгәндә, кунаклар гимназияне ошатып киттеләр. ,,Сездә укучылар узгә, үзләрен иркен , тәрбияле тоталар, иҗадилык бөркелеп тора",- диде Илназ Фазуллин. Безгә дә кунаклар ошады. Кыска гына вакыт эчендә укучыларның күңелләрендә иҗатка ялкын кабызган ,,Ялкын"ның да , яшь блогерларның да хәтерләрендә безнең белән очрашуның матур мизгелләре озак сакланыр, безне рухландырган кебек, аларны да иҗатка рухландырыр дигән теләктә калабыз.

Гимназиябезнең 9-11 нче класс укучылары, ел әйләнәсе, һөнәр сайлау максатыннан, шәһәребездәге төрле уку йортларында булып, белгечләр белән очрашалар, бик күп лекцияләр тыңлыйлар. Бүген 9А сыйныф укучылары (сыйныф җитәкчесе - Билалова Г.Х.) КамАЗ запас частьләр һәм компонентлар җитештерү заводына экскурсиягә бардылар. Алар завод мохите белән якыннан таныштылар. Укучыларга, персоналлар белән эшләү белгече Роберт Сәләхетдинов завод турында эчтәлекле итеп сөйләде. Заводта эшләүчеләргә яхшы эш хакы, матди һәм социаль ярдәм күрсәтелүе хакында әйтеп узды. Соңыннан укучыларга истәлекле бүләкләр тапшырылды. Әлеге экскурсия укучыларда уңай тәэсирләр калдырды. Гимназия администрациясе әлеге экскурсия өчен завод җитәкчелегенә зур рәхмәтен җиткерә.

26 нчы апрель. Бүген бөек шагыйребез - Габдулла Тукайның туган көне. Бу көн татар халкы яшәгән һәрбер илдә, шәһәрдә, авылда билгеләп үтелә. Чөнки милли үзаңы булган һәркем, шигырь-поэмалары аша дөнья әдәбиятына билгеле булган бөек шагыйребез белән горурлана. Аның шигырьләрендә тәрбиянең асылы да, милләтебезнең киләчәге өчен борчылу да чагылыш таба. Кыйммәтле милли мирас калдырган бөек Тукаебызның иҗатын бүген гимназиябез укучылары "Ачык микрофон" аша бик яратып сөйләделәр. Аеруча башлангыч сыйныф укучылары ныклап әзерләнгәннәр. 1А, 1Б, 1В сыйныфы укучыларының сөйләмнәре чиста, аваз әйтелешләре е дөрес. Бу исә сыйныф җитәкчеләренең (Закирова Сания Малик кызы, Харисова Эльмира Инсаф кызы, Абдуллина Гүзәлия Райф кызы), әти-әниләрнең, телебезнең киләчәгенә битараф булмауларын күрсәтә. Афәрин, Тукай варислары.