Бүген 22 ноябрь көнне гимназиябездә Укучылар советы белән берлектә “Мәрхәмәтлелек ярминкә”се булып узды. Анда төрледән-төрле кул эшләнмәләре сатуга куелды. Аларның бисердән үрелгәннәре дә, бәйләнгәннәре дә, чиккән-тегелгәннәре дә бар иде. Гимназиябез укучыларының, аларны үстерүче, тәрбия кылучы әти-әниләрнең осталыкларына, уңганлыкларына әлеге ярминкәдә тагын бер кат инанасың. Әлеге хәйрия чарасы оешкан төстә узды. Оештыручыларга, катнашучыларга бик зур рәхмәт!

"Татар кызы-2023" Шәһәребездә эшләп килүче 1 нче санлы балалар һәм Яшьләр Иҗат йортында "Татар кызы-2023" бәйгесенең сайлап алу туры булып узды. Анда барлыгы 30 мәктәп катнашты. Шуларның 9ы финалга чыкты. Алар арасында гимназиябез данын яклаучы 4а сыйныфы укучысы Шәйморатова Гүзәл (сыйныф җиҗәкчесе Халитова Гөлшат Әхмәтнәҗиповна) дә бар. Афәрин, Гүзәл! 30нчы ноябрьдә узачак әлеге бәйгедә дә сынатмассың дип ышанып калабыз. Зур уңышлар насыйп булсын!.

«Нур» яшьләр үзәгендә узган «Ак каурый» шәhәркүләм бәйгесендә «Мизаж» вокаль ансамле беренче урын алды. Аптырамагыз, әлеге ансамбльгә йөрүче кызлар үзләре җыр текстлары иҗат итәләр. Аларның репертуарларындагы үзләре иҗат иткән ике җырлары төрле бәйгеләрдә җиңүләр китерде. Шәп бит! Җитәкчеләре Вәлиев Марат Минсабировичның креативлыгы , тырышлыгы, профессиональлеге үрнәгендә яшь музыкантлар күзгә күренеп үсәләр, матур чыгышлары белән тамашачыларны сөендерәләр. Алга таба да уңышлар телибез!

В рамках Всероссийской "Недели психологии" в старших классах прошли интерактивные мероприятия, которые способствуют созданию условий для формирования и поддержания устойчивых дружеских отношений на основе принятия и взаимоуважения.

Сулыкларда куркынычсызлык айлыгы» кысаларында гимназия укучыларына лекция уку өчен МЧС хезмәткәре Мостафин Зиннур Хәзинур улы килде. Ул үзенең чыгышында укучыларга тиешенчә катмаган боз өстенә керүнең тормыш өчен никадәр куркыныч булуын аңлатты, көтелмәгән бәхетсезлек килеп чыккан очракта зыян күрүчегә беренче ярдәм күрсәтү юлларын өйрәтте. «Көзге боз ястык калынлыгы булса да ышанма!» дигән татар халык мәкалендә хаклык бар. Көтмәгәндә яуган кар сулыкларны каплады, шуңа күрә саклык кагыйдәләрен үтәргә кирәк.

Һәр елны, ноябрь аенда "Татар кызы" муниципаль бәйгенең мәктәп этабы уздырыла. Анда һәр сыйныфтан иң сәләтле укучылар катнаша. Әлеге бәйгедә быел да гимназиябезнең 1-4 нче сыйныф кызларыннан сайлап алынган 13 кыз чыгыш ясады. Кызларның, шигырләрне сәнгатьле итеп сөйләүләрен, моңлы итеп җырлауларын яшь тамашачылар да, жюри да бик җылы кабул итте. Конкурсантларның чыгышларын мәртәбәле кунаклар: шәһәребезнең күренекле җырчысы Сәрия Нәбиуллина, танылган журналист Резеда Ганиева, шулай ук педагог-оештыручы-Гөлсинә Билалова, гимназия Укучылар Советының культмасса секторы җитәкчесе Альбина Исламова бәяләде. Конкурсны - нәфис сүз остасы, 9В сыйныфы укучысы Ганиева Таңсылу алып барды. Балл исәпләгән арада Ишалинә Әдилә үзенең моңлы җырын тәкъдим итте. Бәйге тәмам. "Татар кызы-2023" мәктәпкүләм җиңүчеләре итеп 4а сыйныфы укучысы Шәйморатова Гүзәл һәм 4в сыйныфы укучысы Солтанова Сәфинә танылды. Барлык катнашучыларга да истәлекле бүләкләр бирелде, дипломнар тапшырылды. Барлык катнашучыларга, аларны әзерләгән тырыш, зирәк класс җитәкчеләренә, әти-әниләренә бик зур рәхмәт.

«Яшьлэр сәламәт тормыш яклы!» шәhәркүләм акция кысаларында гимназиянең 7-10 сыйныф укучылары белән очрашуга Яр Чаллы наркология диспансеры хезмәткәре Муртазина Гүзәл Азат кызы килде. Яшь организмга алкоголь эчемлеклэр , наркотиклар, никотин матдәләр зыяны хакында анлатты.

«Тылсым» театр студиясе Яңа уку елын уңышлы башлап җибәрде. 20 ноябрьдә яшь театр төркемнәре катнашында уза торган «Сәйяр» республикакүләм фестивальнең зона этабында чыгыш ясаячаклар. Уңышлар!

Яр Чаллы шәhәр Мэры кубогына уздырылган милли көрәш ярышында гимназиянең 9 укучы җинүче, призер булды! Тренер Шәмсевәлиев Илгиз Вэгыйзь улы тәрбияләгән батыр көрәшчеләр - гимназиянең горурлыклары. Алар: Мухаметов Рамазан, Гайнетдинов Айзат, Габдрахманов Самат, Габдрахманов Самир, Давлетбаев Салават, Евграфов Батырша, Ханнанов Эмиль, Хасанов Эмиль, Хуснуллин Максим. Афәрин , батырлар!

Әлеге егетләр 7б сыйныфында укыйлар, КВН командасында уйныйлар. Тәнәфестә дә алар телефонга ябышып утырмыйлар, бердәм күңел ачалар, кыскасы креатив, шәп егетләр!