Яңа 2024 нче ел башланырга санаулы көннәр генә калып бара. Бүген гимназиябездә 9-11 нче сыйныф укучылары өчен Яңа ел тамашасы булып узды. Аны 11А сыйныфы укучылары (сыйныф җитәкчесе Хаҗиева Альбина Мөдәрис кызы) әзерләде. "Яңа ел ишек шакый" дип аталган тамашаны Шәйдуллина Аделина алып барды. Кыш бабай белән Кар Кызы барлык укучыларга бәйрәм котлавын җиткерде. Заманча биюләр, җырлар белән үрелеп барды әлеге бәйрәм. Марат Минсабирович җитәкләгән инструменталь ансамбль чыгышы көчле алкышларга күмелде. Тәрбия эшләре буенча директор урынбасары Нурисламова Энҗе Әзһәм кызы барлык укучыларның да сәләтле булуларын әйтеп узды. Аларга тагын да зуррак үрләр яулавын теләде. Яңа ел тамашасыннан соң укучыларга дискәтүк оештырылды.

Сәгать 12 тулганда... Һәр җирдә Яңа ел бәйрәмнәре гөрли. Гимназиябездә эшләп килүче Энҗе Фрунзевна җитәкчелегендәге "Тылсым" театр студиясе дә 1-2 нче сыйныфлар өчен 'Сәгать 12.00 тулганда... "дип исемләнгән Яңа ел тамашасы күрсәтте. Театр студиясенә йөрүче укучылар көннән-көн остара баралар. 5-9 нчы сыйныф укучыларыннан торган яшь "артистлар"ның һәрберсе үзләренә бирелгән рольне зур осталык белән башкарды. Матур бәйрәм тамашасы өчен бик зур рәхмәт, тылсымлылар, афәрин! Тамаша беткәннән соң Кыш бабай белән Кар кызына кушылып уйнадылар да, биеделәр дә нәни тамашачылар. Бәйрәм кичәсе бик күңелле узды. Кыш бабай белән Кар кызы киләсе елга да килергә вәгъдә биреп, гимназия укучыларына исәнлек-саулык теләп саубуллаштылар.

Рәсәй батырлары көне hәм М. Т Калашников тууының 104 еллыгына багышланган региональкүләм ярышларда җиңгән яшь армия командасы егетләре- безнең горурлык! Афәрин, булдырасыз! Җитәкчеләре Мугинов Фаик Фоатович әлеге ярышларга укучыларны бик тырышып әзерли. Ул үз эшенең чын остасы, гимназиянең хөрмәтле укытучысы. Ярышларда нәтиҗәле урын алгач, Ул: «Без булдырабыз!» -дип ,тыйнак кына елмая.

Гимназиядә «Кеше тәрбияләргә» («Воспитать человека») шәhәркүләм бәйгесенең мәктәп этабы узды. Элеге бәйгедэ 2в сыйныф җитәкчесе Эльмира Инсаф кызы Харисова җинүче дип табылды. Мөгаллимәгә алга таба да уңышлар телибез.

Гимназиянең югары сыйныф укучылары Пушкин карталары мөмкинлекләреннән коллектив рәвештә файдаланалар. Аяз Гыйләҗев исемендәге Яр Чаллы татар драма театры белән гимназия иҗади хезмәттәшлектә яши. «Хәлбүки Туфан» спектаклен аңлап, тирән кичереш белән кабул иткән гимназия укучыларын театр артистлары « иң яхшы тамашачылар» дип бәяләп киттеләр. Артистларның уйнаулары, сәхнәдән яңгыраган югары поэзия , шагыйрьнең аянычлы язмышы күңелләрне тетрәндерде. Без - үзебезнең шәhәребездә эшләп килүче татар драма театрының иң тугры тамашачылары .

Уку елы башлану белән, «Табигатьне сакла! Тотылган батарейкаларны тапшыр!» республикакүләм акциясе игълан ителде. Гимназия укучылары гаиләләре белән берлектә 96 кг батарейка җыеп тапшырдылар! « Ил төкерсә, күл була!» дигәндәй, бу чарада бик күп укучылар катнашуы, уртак фикер белән игелекле гамәл кылулары сөенечле хәл. Әлеге акция не оештыруда гимназиянең яшь волонтерлары - 6а сыйныф укучылары -сыйныф житәкчеләре Старовайтова Светлана Владимир кызының тырышлыгы зур булды. Укучылар әлеге акциянең әhәмияте хакында башлангыч сыйныф укучылары алдында чыгышлар ясадылар, иң актив укучыларга бүләкләр дә әзерләделәр. Табигатьне саклауда hәркем тырышса, үзенең мөмкинлегеннән чыгып, файдалы эш башкарса, бу - безнең тәрбиялелек күрсәткече . Әйдәгез, әлеге эшне дәвам итик !

Бүген гимназиядә шәhәрнең татар мәктәпләрендә белем алучы укучылар  өчен татар теленнән олимпиаданың муниципаль этабы узды. Олимпиадада катнашучыларны гимназиянең җырчы кызлары Шәйморатова Гүзәл белән Ишалина Адилә сәламләделәр. Информацион - методик үзәк белгече Хисаметдинова Рәшидә Фидаил кызы, укучыларга уңышлар теләп: «Туган телебезне яратып өйрәнүче укучылар барында безнең киләчәк өметле»,- диде.

Бүген «Заман» яшьләр үзәгендә гимназиянең 7-8 сыйныф укучыларыннан торган 6 команда татар әдипләре М.Җәлил, Х.Туфан, Г.Тукай иҗатлары буенча белемнәрен сынадылар. Укучылар өчен сораулар, шагыйрьләрнең шигырьләреннән өзекләр, шигырьләрне анализлау өчен биремнәр әзерләнгән иде. Шунысы үзенчәлекле булды: укучыларга мәгьлүматлар рус телендә әзерләнгән иде. Әлеге чарада 8в сыйныф укучыларыннан торган «Энҗелэр» командасы-1 урын, 7б сыйныф укучыларыннан торган «Тургайлар» командасы-2 урын, 8б сыйныф укучыларыннан торган «Активистлар» командасы 3 урынга лаек дип табылды. Җаваплары белән аерылып торган Әхмәтҗанова Камиләгә, Җиhаншин Адельгә, Мөбәрәков Илданга жюринын махсус бүләкләре тапшырылды. Бик матур hәм эчтәлекле чара файдалы да, күңелле дә узды.

Гимназиянең «Тылсым» театр студиясе « Сәйяр» балалар hәм яшүсмерләр нең республика театр фестивалендә катнашып беренче урын алдылар! Афәрин, тылсымчылар !

В рамках Всероссийской "Недели психологии" в начальных классах прошли интерактивные мероприятия, которые способствуют установлению и поддержанию благоприятного психологического климата, а также повышению психологической компетентности участников образовательных отношений.