С 22 по 25 декабря 2025 года выпускники 9 и 11 классов приняли участие в Региональной акции "Всё решают только знания - разберём со специалистом!" (по предмету "Математика"). Проведение Акции было организовано с учётом соблюдения необходимых требований, с использованием контрольно-измерительных материалов ОГЭ/ЕГЭ, предоставленных ГБУ "РЦМКО". 
В рамках Акции выпускники ознакомились с ключевыми аспектами процедуры ГИА. После проверки работ был проведен анализ типичных ошибок с участниками экзамена.

Желаем успехов нашим выпускникам на экзаменах!

#образованиетатарстан #ГИА2026 #сдаемвместетатарстан #сдаемвместе2026 #готовимсявместерт #готовимсякГИА

Гимназиядә Яңа ел бәйрәмнәре башланып китте!

Башлангыч сыйныфлар өчен "Тылсым" театр студиясе әзерләгән "Үги кыз" әкияте искиткеч матур булды.

Яшь артистлар шаккаткыч оста уйнадылар! Афәрин! Ул Кыш бабай ролендәге - Дамир Валиевның, Убырлы карчык ролендәге- Руслан Логиновның килештереп уйнауларыннан сокланып туймаслык! Ахатова Лилия, Ахатова Азалина, Сахабиева Мәдинә, Кашапова Зилия,Каримуллина Регина ,Насифуллин Карим Федотова София, Әскарова Ләйлә башкарган рольләр югары дәрәҗәдә кызык итеп ачылган, үзенчәлекле итеп, профессиональләрчә куелган иде. Тылсымчыларның остазлары Татарстанның атказанган артистлары Энҗе Шиһапова белән Чулпан Әскарованың талантлары, тырыш хезмәтләре алдында ихластан баш иябез. Яңа ел тамашасы 5-6 нчы сыйныф укучылары өчен дә куелды, әлеге сыйныф укучылары сәхнәдә ут уйнаттылар: рәхәтләнеп биеделәр, җырладылар. Бездә кашыкчылар, гармунчылар, гитарада уйнаучылар, шәрыкча, заманча биючеләр, кыскасы моңа кадәр ачылмаган талантлар җитәрлек икән! Сыйныф җитәкчеләренең тырышлыгы белән сәхнәгә аяк басарга кыймаган балалар бүген кыюланып киттеләр! Үз күңелеңне үзең күрмәсәң, кем күрсен, дигәндәй, укучылар рәхәтләнеп бәйрәм иттеләр! Афәрин!

Телефон доверия для подростков — это единый общероссийский номер, который предоставляет психологическую поддержку и консультации.

Анонимность:  Звонок на телефон доверия бесплатный и анонимный, что позволяет подросткам рассказать о своих проблемах без страха оскорбления.

Круглосуточная доступность:  Телефон работает круглосуточно, что позволяет подросткам получить помощь в любое время.

Консультанты:  На телефоне работают специально обученные психологи и подростки, что делает общение более комфортным.

Конфиденциальность:  Все разговоры являются конфиденциальными, и звонящие не обязаны сообщать свои личные данные.

Телефон доверия открыт для всех, несмотря на возраст, и предлагает возможность получить поддержку от профессионалов

Гимназиядә "Йөрәк хәтере" дигән исем астында махсус сугыш операциясендә балалары һәлак булган аналар белән, шул сугышта катнашучы солдатлар белән, гуманитар ярдәм оештыру үзәге җитәкчеләре белән очрашу кичәсе булды. Әлеге чара беркемне дә битараф калдырмады, чөнки очрашуда сугыш афәтен үз күзләре белән күргән, йөрәкләре аша уздырган кешеләр катнашты. Чарада бер артык сүз, артык ишарә булмады. Айрат Насафутдинов, Марсель Хакимов, Илгиз Сагидуллин, Ольга Айдимирова исемнәре шәһәрдә күпләргә таныш. Гимназия инде өченче ел рәттән әлеге шәхесләр җитәкләгән үзәкләр аша Хәрби операциядә катнашучы солдатларыбызга гуманитар ярдәм җыеп озата. Бу юлы гимназия укучыларыннан гуманитар ярдәм җыю эшен волонтерлар отряды җитәкчесе Светлана Старовайтова һәм тимурчылар отряды җитәкчесе Ясирә Газизова үз өсләренә алып, намус белән башкарып чыктылар. Без, сугыш кырыннан кайтмый калган солдатларның истәлекләрен саклап, аларның әниләренә хөрмәт күрсәтеп яшәргә тиеш, чөнки ул солдатлар безнең ил иминлеге өчен яу кырында ятып калганнар. Шул хакта Украинадагы сугышта һәлак булган укучылары хакында сыйныф җитәкчеләре Светлана Старовайтова белән Светлана Григорьевна сөйләде. Сугыш китергән кайгы-хәсрәтне укучыларга "Тылсым" театр студиясе Булат Сәләховның "Яратылмый калган" әсәрен сәхнәләштереп күрсәтеп дәлилләде. Ватан, туган ил төшенчәләренең газизлеген тамашачыларга җырчы кызлар Әдилә Ишалина белән Гүзәл Шәймуратова җиткерде. Кичәне Айзат Гайнетдинов алып барды, тәрбия эшләре буенча директор урынбасары Энҗе Нурисламова һәм гимназиянең яшьармиячеләр отряды җитәкчесе Фаик Мугинов оештырды.

Гимназиядә матур чаралар еш уза. Якшәмбе ялына туры килгән бәйрәм котлауларын укучылар кадерле әни-укытучыларга дүшәмбе көнне матур чара аша житкерделәр. Бәйрәм концертында популяр җырчы Нияз Хаматшинның катнашуы күңелләрне сөендерде, бәйрәм рухын күтәрде. "Тылсым" театр студиясенен яшь артистлары М. Фәйзинең "Ак калфак" әсәреннән өзек күрсәттеләр. Концертта җырчы кызлар-Гүзәл Шәймуратова белән Адилә Ишалина башкарган җырлар тамашачы күңеленә хуш килде. Әниле-кызлы Алсу-Ясминә башкаруындагы бию- бәйрәм концертының зәвыклы бизәге булды. Инзилә Абдуллина, Ясминә Фатхетдинова, Камилла Гибадуллина башкаруында шигъри композиция тамашачыларны поэзия дулкыннарында тирбәтте. "Татар кызы" шәһәркүләм бәйге җиңүчесе Әхмәтшина Мәдинә, юмористик шигырь сөйләп, чыгышын алкышларга күмдерде. Кичәне тәрбия эшләре буенча директор урынбасары Энҗе Нурисламова оештырды, Айзат Гайнетдинов белән Альзана Хаматшина алып барды.

Гимназиядә Язучылар берлегенә 45 ел уңаеннан әдипләрнең укучылар белән очрашу кичәсе булды, шул уңайдан гимназиягә затлы кунаклар килде: Фоат Миңлеәхмәт улы Садриев — язучы, мәшһүр татар драматургы, Г. Тукай, Р. Төхфәтуллин һәм С. Сөләйманова исемендәге премияләр лауреаты, Татарстан Республикасының халык язучысы; Алмаз Марс улы Гыймадиев ― язучы, журналист, Татарстанның 1995 елдан Журналистлар һәм 1998 елдан Язучылар берлекләре әгъзасы. 2025 елның 1 октябреннән «Казан утлары» журналының баш мөхәррире; Гөлназ Рафис кызы Нуриева - шагыйрә, журналист, “Мәйдан” журналының җаваплы секретаре, Республикакүләм әдәби бәйгеләр җиңүчесе. Кичәне гимназия директоры Лиза Нәбиуллина ачып җибәрде, ул әдипләр белән очрашуларның гимназиядә матур традициягә әйләнеп китүен ассызыклап узды. Очрашуда “Тылсым” театр студиясенең кечкенәләр группа артистлары остазлары Энҗе Шиһапова һәм Чулпан Әскарова режиссерлыгында Айгөл Әхмәтгалиеваның “Тыз-быз” әсәрен сәхнәләштереп күрсәттеләр. Тамаша искиткеч матур булды, артистларның чыгышлары алкышларга күмелде. Кичәнең икенче өлешендә Ф.Садриевның “Таң җиле” әсәренең аналарга багышланган өзегеннән һәм Гөлназ Нуриеваның “Мин айдан коелам” шигыреннән төзелгән әдәби композиция яңгырады. Әдәби әсәрләрне сәнгатьле итеп нәфис сүз осталары Айзат Гайнетдинов, Альзана Хаматшина, Инзилә Абдуллина, Камилла Гобәйдуллина, Ясминә Фәтхетдиновалар яттан сөйләделәр. Ишалинә Әдилә башкаруында “Мәңгелек мәхәббәт” җыры беркемне дә битараф калдырмады, көчле алкышларга күмелде. Нәни җырчы Аяз Хафизовның чыгышын да тамашачы яратып кабул итте. Аннан тәрбия эшләре буенча директор урынбасары Энҗе Нурисламова “Мәңгелек гамь сагында” темасына чыгыш ясады, ул М.Вахитов исемендәге икенче гимназиядә укучылар белән очрашуларда булган әдипләрне барлады, мондый очрашуларның әһәмиятен аңлатты. Кичәнең өченче өлешендә кунакларга сүз бирелде. Алар киңәш-нәсыйхәтләр бирделәр, бүгенге очрашудан алган тойгылары белән уртаклаштылар. Алмаз Гыймадиев:”Бу гимназиянең башкалардан үзгә җылысы, нуры бар, сезнең укучыларыгыз тәрбияле”, -диде. Язучылар белән очрашуны татар теле һәм әдәбияты укытучысы Энҗе Нурисламова әзерләде һәм алып барды, аңа татар теле укытучылары Суфия Валеева, Нәзлия Гаяновна ярдәм итте.

Яр Чаллы шәһәре М. Вахитов исемендәге икенче гимназиянең 2-11 нче сыйныф укучылары, ата-аналары, киң җәмәгатьчелек вәкилләре тугызынчы тапкыр уздырыла торган"Татарча диктант -2025" Халыкара акциясендә катнаштылар. Гимназия мәйданынчында 700 артык кеше бөек мәгърифәтче Каюм Насыйри хезмәтеннән алынган текст буенча диктант язды. Әлеге диктант текстының эчтәлегендә кешенең сөйләм куәте һөнәр дип бәяләнә, ир баланы татлы, мәгънәле, урынлы сөйләмгә өнди . Диктант яздырырга гимназиягә мәртәбәле җәмәгать эшлеклеләре: Яр Чаллы Язучылар берлеге рәисе Факил Сафин, журналистлардан Резидә Ганиева, Сәрия Гарипова, җырчылардан Сәрия Нәбиуллина, Илзирә Ибраһимова, А. Гыйләҗев исемендәге Яр Чаллы татар драма театрыннан Татарстанның Халык артисты Илфат Әскаров һәм театрның Әйдәп баручы артисты Лилия Минһаҗева катнашты. Акцияне ачу тантанасында әлеге мөхтәрәм затлар, матур җырлар, шигырьләр, тирән эчтәлекле мөрәҗәгатьләр белән чыгыш ясап, чарага бәйрәм төсе керттеләр. Гимназия укытучылары, нинди фән укытуларына карамастан, барысы да татарча диктант яздырдылар. Әлеге акцияне оештыруда башлап йөрүчеләр, әлбәттә,гимназия директоры Лиза Нәбиуллина, тәрбия эшләре буенча директор урынбасары Энҗе Нурисламова, татар теле һәм әдәбияты укытучылары Суфия Валеева белән Нәзлия Фатыйхова, тәрбия эшләре буенча директор киңәшчесе Айсылу Мухаметова, педагог- организатор Ильмира Димерйел булды. Бүгенге чара безнең аңыбызда, кем генә булуыбызга карамастан " мин татар бит, телем - камил, бизәкле, матур тел" дигән фикерне тагын бер кат ныгытты.

"Яшьләр сәламәт яшәү яклы" ("Молодежь за здоровый образ жизни") акциясе кысаларында гимназия укучылары каршында Яр Чаллы наркология диспансеры табиб- психологы Гүзәл Мортазина чыгыш ясады. Укучылар кеше сәламәтлегенә алкоголь, электрон сигаретлар зыяны турында видеороликлар карадылар, лектор һәр эпизодны тормыштан алынган мисаллар белән җентекләп аңлатып барды. "Сәламәтлекне яшьтән сакласаң, үзеңне начар гадәтләргә күнектермәсәң, киләчәгеңнең матур булачак, шуны аңласагыз иде. Җәмгыять аек акыллы, тәрбияле яшьләр кулында булырга тиеш",- дип чыгышын тәмамлады Гүзәл Мортазина. Әлеге профилактик чара яшүсмерләр өчен бик мөһим чараларның берсе булды.

Көзге каникул чорында 2"Б" сыйныфы "Шаги добра' тимурчылар отряды ЯһБИҮ оештырылган, Яр Чаллы шәһәренең 400 еллыгына багышланган "Будущее начинается здесь" кысаларында уен программасында уңышлы чыгыш ясады.