Бакчабызда бу атна экология атналыгы дип игълан ителде. Экология атналыгы кысаларында зурлар төркеме балалары Кояшлы Ыкка экскурсиягә бардылар. Язгы табигатьтәге узгәрешләрне күзәттеләр.

Мәктәпкә әзерлек төркеме балалары "Һөнәрле үлмәс, һөнәрсез көн күрмәс" проекты кысаларында "Риана" чәчтарашханәсенә  экскурсиягә бардылар. Латипова Риананың әнисе Гөлназ балаларны чәчтараш һөнәре белән таныштырды.

"Юный мастер"(BabySkills) чемпионатының региональ этабында уңышлы чыгыш ясап "Дошкольное воспитание" компетенциясендә "Самый коммуникабельный" номинациясендэ жиңү яулаган Идиятуллина Раянаны һәм аны әзерләүче тәрбиячесе Мухаметова Резеда Рашитовнаны чын күңелдән котлыйбыз! Бу җиңүгә зур өлеш керткән Раянаның әти-әнисенә зур рәхмәтебезне җиткерәбез.

Бүген бакчабыз балалары космонавтика көнен билгеләп үттеләр.1961 елның 12 апрелендә совет космонавты Юрий Гагарин "Восток-1" космик корабында "Байконур" космодромыннан старт алган һәм дөньяда беренче кеше булып Җир шарын урап очкан. Космоста очу вакыты 1 сәгать 48 минут дәвам иткән. 1962 нче елдан указ нигезендә 12 апрельдә Космонавтика көне билгеләнә башлый. 

Бүген бакчабыз балалары районыбызда ел саен үтә торган "Яшь бөреләр" фестиваль-конкурсының беренче сайлап алу этабында катнашты. Икенче этапка узган балаларга уңышлар телибез!

12 апрель-Космонавтика көне уңаеннан, зурлар төркеме балалары белән оештырылган эшчәнлекләр үтте. Әлеге темага карата әңгәмә, рәсем эшчәнлеге һәм бармак уеннары оештырылды. Балалар  планеталар, космонавтлар турында белемнәрен арттырдылар.

Мәктәпкә әзерлек төркеме балалары белән "Яшь бөреләр" конкурсына әзерлек вакытыннан бер күренеш.

Мәктәпкә әзерлек төркеме балалары бүген кинотеатрга мультфильм карарга бардылар. Аннан алар бик уңай тәъсирләр алып кайттылар.

Вак моторика, дип физиологлар балаларның кул мускулларының хәрәкәтләндерүен атый.  Вак моториканы хәрәкәткә китереп, кеше миендә сөйләм өчен җавап биргән зоналарны активлаштырабыз. Ә бу исә баланың тел сөйләме үсешенә уңай йогынты ясый. Ярмалар белән шөгыльләнү дә вак моториканы үстерүдә булыша. Моның өчен нинди ярма да ярый: карабодай, дөге, ногыт борчагы, фасоль, борчак һәм, әлбәттә, төрле савытлар кирәк булачак. Уч һәм бармакларга ясалган мондый табигый массаж сөйләм үсешенә ярдәм итә. 

Бүген "Карлыгач" балалар бакчасында "Мин - милләтемнең киләчәге, горурлыгы!" бәйгесенең беренче көне узды. Анда бакчабыздан мәктәпкә әзерлек төркемендә тәрбияләнүче Хәсәнов Ислам катнашты. Бәйгенең өч этабында да Ислам әзерлекле, зәвыклы итеп чыгыш ясады. Афәрин! Әзерләгән тәрбиячеләренә һәм гаиләсенә рәхмәтебезне җиткерәбез. Уңышлар телибез Исламга!