Мәктәпкә әзерлек төркеме балалары белән "Яшь бөреләр" конкурсына әзерлек вакытыннан бер күренеш.

Мәктәпкә әзерлек төркеме балалары бүген кинотеатрга мультфильм карарга бардылар. Аннан алар бик уңай тәъсирләр алып кайттылар.

Вак моторика, дип физиологлар балаларның кул мускулларының хәрәкәтләндерүен атый.  Вак моториканы хәрәкәткә китереп, кеше миендә сөйләм өчен җавап биргән зоналарны активлаштырабыз. Ә бу исә баланың тел сөйләме үсешенә уңай йогынты ясый. Ярмалар белән шөгыльләнү дә вак моториканы үстерүдә булыша. Моның өчен нинди ярма да ярый: карабодай, дөге, ногыт борчагы, фасоль, борчак һәм, әлбәттә, төрле савытлар кирәк булачак. Уч һәм бармакларга ясалган мондый табигый массаж сөйләм үсешенә ярдәм итә. 

Бүген "Карлыгач" балалар бакчасында "Мин - милләтемнең киләчәге, горурлыгы!" бәйгесенең беренче көне узды. Анда бакчабыздан мәктәпкә әзерлек төркемендә тәрбияләнүче Хәсәнов Ислам катнашты. Бәйгенең өч этабында да Ислам әзерлекле, зәвыклы итеп чыгыш ясады. Афәрин! Әзерләгән тәрбиячеләренә һәм гаиләсенә рәхмәтебезне җиткерәбез. Уңышлар телибез Исламга!

Уртанчылар төркемендә "Песнәк" дигән темага рәсем эшчәнлеге үтте. Шөгыль барышында балалар әлеге кош белән таныштылар, аның төзелеше, үзенчәлекләре белән таныштылар, нәрсә белән туклануын ачыкладылар. Эшчәнлекнең максаты балаларны кош образын ясарга, төсләрне сайларга өйрәтү, кошларга кызыксыну уяту. 

Бүген бакчабызның 6-7 яшьлек балалары Мөслим районы мәктәпкәчә гомуми белем бирү учреждениеләре тәрбияләнүчеләре арасында «Яшь ГТОшки " балалар фестивалендә катнаштылар. Бу чарада балалар төрле сынаулар үттеләр.

Бакчабыз балалары Роберт Миңнуллинның иҗатына багышланган республикакүләм шигырь бәйгесендә катнашып төрле дәрәҗәдәге дипломнарга лаек булдылар. Котлыйбыз!

Уртанчылар төркемеyдә "К.И.Чуковский әкиятләренең искиткеч дөньясы" проекты өстендә эш. Проектны гамәлгә ашырганда без балалар белән яраткан әсәрләребез битләре буйлап мавыктыргыч сәяхәт ясадык. Китапханәгә экскурсия оештырдык, балалар "Телефон" әсәре белән таныштылар; "Мойдодыр" шигырен төркемләп ятладылар; "рәсем буенча әкиятне табыгыз" дидактик уенын яратып уйнадылар, Чуковский әсәрләре буенча мультфильмнар карадылар; балалар күргәзмә өчен яраткан геройлары белән рәсемнәрне яратып буядылар.

Бакчабыз балалары Кыш бабайны озатып Нәүрүзне каршы алу чарасында катнаштылар. Нәүрүзбикәне каршы алу - элеккедән килгән гореф-гадәт. Көннең төнне куып җиткән вакытында, кыш бабабызның чәчләре кар сулары булып ага башлагач, әби-бабаларыбыз язны - Нәүрүзбикәне каршылаганнар. Кешеләр матур теләкләрен Нәүрүзгә әйтеп калырга тырышканнар, өйдән-өйгә кереп, матур теләк теләп, такмаклар әйтеп, сый җыеп йөргәннәр.

Нәүрүз – ул игелек, дуслык бәйрәме. Ул тынычлыкка, матурлыкка өндәүче бәйрәм.

Нәүрүз бәйрәме котлы булсын,

Эче тулы нур булсын!

Нәүрүз  көен кем көйләсә,

Ул дәртле һәм бай булсын!

Буген бакчабызда Мөслим лицееның 3Б сыйныфы укучылары Фәнис Яруллинның "Урман әкияте“ исемле әсәрен сәхнәләштерделәр. Җитәкчеләре Муратова Резеда Мифтаховнага һәм балаларыбызның куңелен ачкан укучыларга зур рәхмәтебезне җиткерәбез