Зурлар төркеме балалары экологик тәрбия  буенча "Табигатьне сакларга - җир шарын якларга!" исемле  бөтенрәсәй иҗади бәйгедә катнашып 2 дәрәҗә диплом белән бүләкләнделәр. Әзерләгән тәрбиячеләренә - Хаматшина Р.В. һәм Габдулхакова Р.М.ларга рәхмәтләребезне җиткерәбез! Киләчәк эшләрендә дә уңышлар телибез!

Бүген "Юный мастер" чемпионатының дипломнары белән бүләкләү тантанасында катнаштык. Бакчабыздан Идиятуллина Раяна "Мәктәпкәчә тәрбия бирү" компетенциясенең "Иң аралашучан" номинациясендә җиңү яулады

Бөтендөнья искә ала
Ташбака көнен бүген,
Акыллы җәнлек икән ул,
Ышанмый тора күңел.

Каты кабыклы җәнлек ул,
Хәрәкәт итә акрын,
Йомыркаларын сала да,
Йөзеп китә ул тагын.

Бер ел яши ала икән
Ашамыйча ташбака,
Зирәклек, байлык символы
Диелгән интернетта.

Сулыкларда, коры җирдә
Яши ала ташбака,
Серле җәнлек икән ул,
Йоклый ди салкын булса.

Бөтен материкта яши,
Антарктидадан кала,
Иң яраткан ризыклары –
Тузганак дип санала.

23 май - бөтендөнья ташбакалар көне. Зурлар төркеме балалары әлеге көнгә багышлап иҗади эш башкардылар.

Менделеевск шәһәренең "SUPER ПОКОЛЕНИЕ" үсеш үзәге оештырган "Эхо Победы" республикакүләм шигырь конкурсында катнашып, икенче кечкенәләр төркемендә тәрбияләнүче Андреева Сәидә 1 дәрәҗә дипломга лаек булды. Афәрин, Сәидә, котлыйбыз!

Регионара "Юный мастер" чемпионатында катнашып яулаган бүләкләребез кайтты

Бүген Мөслим гимназиясендә үткән "Мин - милләтемнең киләчәге, горурлыгы"район бәйгесенең финал турында катнашып мәктәпкә әзерлек төркемендә тәрбияләнүче Хәсәнов Ислам "Иң тырыш бала" номинациясендә җиңү яулады. Исламны чын күңелдән котлыйбыз. Әзерләгән тәрбиячеләренә һәм ярдәм иткән әнисенә чын күңелдән рәхмәтебезне җиткерәбез!

Зулар төркемендәге балалар белән район балалар библиотекасы хезмәткәрләре тарафыннан "Кызыклы китаплар илендә" дигән интеллектуаль эшчәнлек оештырылды.

15 май - гаилә көне уңаеннан районыбызда  Велойөгереш - 2023 ярыш узды. Әлеге чарада бакчабыз коллективы белән катнаштык.

Гаилә-тормышыбызда һәрберебез өчен иң мөһиме. Алар-якыннарыбыз һәм туганнарыбыз, игелек һәм бәхет теләүчеләр. Нәкъ менә гаиләдә без мәхәббәт,кайгырту һәм хөрмәт, җаваплылык, гадәтләр һәм традицияләр өйрәнәбез. Гаилә көне алдыннан без балалар белән аларның гаиләләре турында сөйләштек. Алар нәрсә белән шөгыльләнергә яраталар, ничек ял итәләр, гаиләдә яраткан бәйрәмнәр бармы, ничек билгеләп үтелә. Аннары балалар үз гаиләләрен рәсемгә төшерделәр.  

Хөрмәтле әти-әниләр! Сезне чын күңелдән Гаилә көне белән котлыйбыз. Сезгә ныклы сәламәтлек, иминлек телибез, йортларыгызда һәрчак тынычлык булсын. Гаиләләрегез шат балалар тавышыннан яңгырап торсын, кайгы-хәсрәтләр сезне урап үтсен.

Зурлар төркемендә куркынычсызлык чараларын кисәтү буенча балалар белән режим моментларында әңгәмә, уеннар һәм иҗади эшчәнлек шөгыльләре үтте.