Бүген бакчабызда "Бала-Скиллс" чемпионатының муниципаль этабы узды. Чемпионат "Балалар бакчасы тәрбиячесе" компетенциясенә багышланган иде. Дүрт балалар бакчасыннан катнашучы балалар тәрбияче роленә кереп үзләрен 3 модульда сынап карадылар. Тамашачыларны тәрбияче профессиясенең мөһим икәнлегенә төшендерделәр. Чын тәрбиячеләр кебек балалар белән эшчәнлекләр үткәрделәр. Әкияткә анализ ясадылар. Бакчабызның мәктәпкә әзерлек төркеменнән Идиятуллина Раяна уңышлы чыгыш ясады һәм 3 урынга лаек булды. Раянаны һәм әзерләгән тәрбиячесен (Мөхәммәтова Резеда Рәшит кызы) котлыйбыз!

Мәктәпкә әзерлек төркемендэ 8 нче март бәйрәме үтте. Балаларыбыз әниләренә, әбиләренә үз куллары белән ясаган бүләкләрен бирделәр, җырлар җырладылар, шигырьләр сөйләделәр.

Хөрмәтле әниләр! Сезне чын күңелдән якынлашып килүче бәйрәм белән котлыйбыз!.Бала өчен җир йөзендә әнидән дә якты, әнидән дә рәхимле, мәхәббәтле , әнидән дә олы җанлы зат юктыр. Балаларыгызга дөньяның рәхәтен, тормышның михнәтен, күңелнең сафлыгын, намусның пакълыгын аңларга өйрәткән өчен, алар сырхаулап ятканда, күкрәгегезгә кысып, “Җан җимешем, балам”, – дип, чын күңелдән борчылганыгыз өчен рәхмәт сезгә. Сез булмасагыз, алар оясыз кош, моңсыз җыр, җырсыз сандугач кебек булыр иделәр. Аллаһның мең рәхмәте яусын сезгә. Озын гомер, тән сихәте, саулык, күңелегездәге җан җылысының нурын сүндермичә балаларыгызны алга таба да яхшы тәрбия биреп яшәргә насыйп булсын сезгә!

Бакчабыз тәрбиячесе Шәйхетдинова Эльвира Сиренадовна "Ел тәрбиячесе - 2023" бәйгесенең Азнакай шәһәрендә үзган зона этабында уңышлы чыгыш ясап финалга үтте. Эльвира Сиренадовнаны чын күңелдән котлыйбыз! Казан шәһәрендә үтәчәк финал бәйгесендә дә җиңүләр телибез аңа!

“Кар бабай”

Тәгәрәтеп ак карны,

Ясадык кар бабайны.

Куйдык кишердән борын,

Ясадык ике кулын.

Күзләре – кара күмер.

Дидек: “Син урам себер!”

Зур себерке тоттырдык,

Көлешеп карап тордык.

Бүген бакчабызның мәктәпкә әзерлек һәм зурлар төркеме балалары МЧС инспекторы Тайбактин Вильям Сергеевич белән очраштылар. Очрашу барышында инспектор балалар белән бик файдалы, мәгънәле әңгәмә үткәрде. Пожар булган очракта нәрсәләр эшләргә икәнлеген аңлатты, төрле очракларда үзеңне ничек тотарга икәнлеген сөйләде. Тормышта булган хәлләр белән таныштырды. Әңгәмә ахырында әти-әниләр танышсын өчен махсус брошюралар таратты.

Мәктәпкә әзерлек төркеме тәрбиячесе Гөлзада Гависовна региональ бәйгедә үзенең дәрес эшкәртмәсе белән җиңү яулады.  Гөлзада Гависовнаны чын күңелдән  котлыйбыз! Алдагы эшендә дә уңышлар телибез! 

Бакчабызда тәрбияләнүче балалар: Копаснов Рауль, Талипова Бану, Шайхетдинова Ясминә, Мостафин Марсель, Исламова Айназ - бөек шагыйрь Муса Җәлилнең иҗатына багышланган шигырь уку бәйгесендә 1 һәм 2 дәрәҗә дипломнар белән бүләкләнделәр. Балаларны котлыйбыз! Конкурска әзерләгән тәрбиячеләрне ( Хисамиева И.Х., Фәрхетдинова Р.Х)  шулай ук котлыйбыз, киләчәктә дә уңышлар телибез!

Бакчабыз тәрбиячеләрен Шәйхетдинова Э.С., Хәбирова И.Р., Гиздатова Р.В. ларны "Современные образовательные практики: интеграция образовательных областей в организованной образовательной деятельности ДОО" исемле методик әсбапта эшчәнлек эшкәртмәләре басылып чыгулары белән котлыйбыз. Әлеге әсбапта балалар бакчалары тәрбиячеләре, студентлар өчен татар телендә һәм рус телендә интеграль эшчәнлек эшкәртмәләре бастырылган. Методик әсбапның төзүчеләре Мифтахетдинова Н.Р, Зарипова З.М., Кидрячева Р.Г. 

Танып белү. Наураша лабораториясе ярдәмендә, балаларны температура, градусник тошенчәсе белән таныштыру. Кайнар,салкын суның, булмәдәге һәм тыштагы һаваның, балаларның тән температурасын тикшердек.