Зулар төркемендәге балалар белән район балалар библиотекасы хезмәткәрләре тарафыннан "Кызыклы китаплар илендә" дигән интеллектуаль эшчәнлек оештырылды.

15 май - гаилә көне уңаеннан районыбызда  Велойөгереш - 2023 ярыш узды. Әлеге чарада бакчабыз коллективы белән катнаштык.

Гаилә-тормышыбызда һәрберебез өчен иң мөһиме. Алар-якыннарыбыз һәм туганнарыбыз, игелек һәм бәхет теләүчеләр. Нәкъ менә гаиләдә без мәхәббәт,кайгырту һәм хөрмәт, җаваплылык, гадәтләр һәм традицияләр өйрәнәбез. Гаилә көне алдыннан без балалар белән аларның гаиләләре турында сөйләштек. Алар нәрсә белән шөгыльләнергә яраталар, ничек ял итәләр, гаиләдә яраткан бәйрәмнәр бармы, ничек билгеләп үтелә. Аннары балалар үз гаиләләрен рәсемгә төшерделәр.  

Хөрмәтле әти-әниләр! Сезне чын күңелдән Гаилә көне белән котлыйбыз. Сезгә ныклы сәламәтлек, иминлек телибез, йортларыгызда һәрчак тынычлык булсын. Гаиләләрегез шат балалар тавышыннан яңгырап торсын, кайгы-хәсрәтләр сезне урап үтсен.

Зурлар төркемендә куркынычсызлык чараларын кисәтү буенча балалар белән режим моментларында әңгәмә, уеннар һәм иҗади эшчәнлек шөгыльләре үтте.

Әңгәмәнең максаты - балаларның янгын куркынычсызлыгы кагыйдәләре һәм янгын вакытында үз-үзеңне тоту кагыйдәләре турында белемнәрен ныгыту, балаларны янгын сүндерүче һөнәре һәм аның үзенчәлекләре белән таныштыру. Әңгәмә барышында балалар беренчел янгын сүндерү чараларында янгын барлыкка килү сәбәпләрен, ут белән уйнаганда нинди нәтиҗәләр барлыкка килергә мөмкин икәнлегенә төшенделәр. Аерым игътибар янгын чыкканда үз-үзеңне тоту кагыйдәләренә юнәлтелде. Нәкъ менә мәктәпкәчә яшьтә куркынычсыз тәртипнең төп күнекмәләре салына.Шуңа күрә балаларда үз тормышлары өчен хәзер үк җаваплылык хисе тәрбияләү бик мөһим.

Габдулла Тукай иҗатына багышланган Халыкара шигырь конкурсында катнашып, зурлар төркемендә тәрбияләнүче Имаметдинова Камиля 1 дәрәҗә дипломга лаек булды. Афәрин, Камиля! Котлыйбыз! Әзерләгән тәрбиячеләренә киләчәк эшләрендә дә уңышлар юлдаш булуын телибез!

Якынлашып килүче Җиңү бәйрәме белән чын күңелдән барлык сугыш,хезмәт ветераннарын котлыйбыз! Бу изге көндә без сугышта каһарманнарча көрәшкән, хезмәттә тиңдәшсез фидакарьлек күрсәткән, Ватанын өзелеп сөйгән данлы буын вәкиленә чиксез рәхмәтебезне белдерәбез. 9 май - ул өлкән буынның кан-күз яшьләре, ачлык-ялангачлык аша табылган, үтә кыйммәткә төшкән Җиңү көне. Бу сагышлы бәйрәм, яшь аралаш сөенә торган көн. Без, бүгенге буын, Бөек Җиңү көнен якынайткан ватандашларыбызны һичкайчан онытмаска, һәлак булганнарны данга күмәргә, исәннәр турында һәрчак кайгыртырга тиеш. Олы бәйрәм-Җиңү көне белэн!

Бөек җиңү көненә икенче кечкенәләр төркеме балалары да әзерләнә. Алар бу бөек датага багышлап рәсемнәр ясадылар, буядылар. Стендка ясаган рәсемнәрен элеп куйдылар.

Бакчабыз балалары "Ватан белән горурланабыз! Тукай белән горурланабыз!", "Җиңү тарихы шигырьләрдә"  республикакүләм шигырь конкурсларында катнашып төрле дәрәҗәдәге дипломнарга лаек булдылар. Афәрин, котлыйбыз! Балаларны әзерләгән тәрбиячеләргә рәхмәтебезне җиткерәбез.

Зурлар төркеме балалары музей каршында оештырылган "Карга боткасы" исемле милли бәйрәмдә күңел ачтылар. Тәмле ботка белән сыйландылар.