Әңгәмәнең максаты - балаларның янгын куркынычсызлыгы кагыйдәләре һәм янгын вакытында үз-үзеңне тоту кагыйдәләре турында белемнәрен ныгыту, балаларны янгын сүндерүче һөнәре һәм аның үзенчәлекләре белән таныштыру. Әңгәмә барышында балалар беренчел янгын сүндерү чараларында янгын барлыкка килү сәбәпләрен, ут белән уйнаганда нинди нәтиҗәләр барлыкка килергә мөмкин икәнлегенә төшенделәр. Аерым игътибар янгын чыкканда үз-үзеңне тоту кагыйдәләренә юнәлтелде. Нәкъ менә мәктәпкәчә яшьтә куркынычсыз тәртипнең төп күнекмәләре салына.Шуңа күрә балаларда үз тормышлары өчен хәзер үк җаваплылык хисе тәрбияләү бик мөһим.

Габдулла Тукай иҗатына багышланган Халыкара шигырь конкурсында катнашып, зурлар төркемендә тәрбияләнүче Имаметдинова Камиля 1 дәрәҗә дипломга лаек булды. Афәрин, Камиля! Котлыйбыз! Әзерләгән тәрбиячеләренә киләчәк эшләрендә дә уңышлар юлдаш булуын телибез!

Якынлашып килүче Җиңү бәйрәме белән чын күңелдән барлык сугыш,хезмәт ветераннарын котлыйбыз! Бу изге көндә без сугышта каһарманнарча көрәшкән, хезмәттә тиңдәшсез фидакарьлек күрсәткән, Ватанын өзелеп сөйгән данлы буын вәкиленә чиксез рәхмәтебезне белдерәбез. 9 май - ул өлкән буынның кан-күз яшьләре, ачлык-ялангачлык аша табылган, үтә кыйммәткә төшкән Җиңү көне. Бу сагышлы бәйрәм, яшь аралаш сөенә торган көн. Без, бүгенге буын, Бөек Җиңү көнен якынайткан ватандашларыбызны һичкайчан онытмаска, һәлак булганнарны данга күмәргә, исәннәр турында һәрчак кайгыртырга тиеш. Олы бәйрәм-Җиңү көне белэн!

Бөек җиңү көненә икенче кечкенәләр төркеме балалары да әзерләнә. Алар бу бөек датага багышлап рәсемнәр ясадылар, буядылар. Стендка ясаган рәсемнәрен элеп куйдылар.

Бакчабыз балалары "Ватан белән горурланабыз! Тукай белән горурланабыз!", "Җиңү тарихы шигырьләрдә"  республикакүләм шигырь конкурсларында катнашып төрле дәрәҗәдәге дипломнарга лаек булдылар. Афәрин, котлыйбыз! Балаларны әзерләгән тәрбиячеләргә рәхмәтебезне җиткерәбез.

Зурлар төркеме балалары музей каршында оештырылган "Карга боткасы" исемле милли бәйрәмдә күңел ачтылар. Тәмле ботка белән сыйландылар.

Мәктәпкә әзерлек төркеме тәрбияләнүчесе Риана Латыйпова үзе язган шигырь белән "Тукайлы милләт" исемле бәйрәм кичәсендә чыгыш ясап, диплом белән буләкләнде. Афәрин!!!

Бездә бүген кунакта Бануның әнисе-Гөлназ, Сөмбелнен әтисе-Рифат кунакта булдылар. Бөек шагыйребез Габдулла Тукайның туган көне уңаеннан үткәрелгән чарада катнаштылар.

25 апрель - бакчабызда Эколяталар көнен үткәрдек. Шул уңайдан мәктәпкә әзерлек төркеме балалары  яшелләндерү үзәгенә экскурсиягә бардылар, икенче кечкенәләр төркеме Ык буена экскурсия ясадылар. Беренче кечкенәләр төркеме балалары бүлмә гөлләренең өлешләре белән таныштылар, аларны ничек тәрбияләргә кирәклеген өйрәнделәр, куакларның яшелләнүен күзәттеләр.

Багауова Гузәлия Ягфаровнаны чын күңелдән зур җиңү яулавы белән котлыйбыз! Ул Корстон" күңел ачу үзәгендә узган бөтендөнья татар хатын-кызларының 3 нче корылтаенда оештырылган кургәзмәдә катнашып" Татарның мамык мендәрләре" номинациясендә 1 урынга лаек булды. Афәрин, Гузәлия апа!