Бүген рус теле көне билгеләп үтелә.

Бу бәйрәм бөек рус шагыйре А.С. Пушкин хөрмәтенә оештырыла, ул үзенең таланты белән рус телен дөнья мәдәнияте пьедесталына күтәрә.

Әлеге көнгә багышлап  А.С. Пушкин әкиятләренең танылган персонажлары белән  рәсемнәр буядык

5 июнь - Бөтендөнья экологлар һәм әйләнә-тирә көне! Без - табигатьтән, табигать бездән башка яши алмый. Ләкин ул безнең игътибарга, яратуга, саклауга мохтаҗрак ! Балалар белән узган әңгәмәнең төп максаты: әйләнә-тирәдәге яшеллекне, зәңгәр күк йөзен, саф һаваны һәм дусларыбыз, хайваннар, кошлар, бөҗәкләрне саклап калу икәнен аңлату.

Бүген бакчабыз балалары өчен район мәдәният йортында эшләп килүче Яббарова Синара Ягъфаровна җитәкчелегендәге "Асылташ" балалар театры балаларыбызга бик матур һәм эчтәлекле "Куян кызы" әкиятен сәхнәләштерделәр.

Чыгарылыш кичәсе - 2023!

Бакча белән саубуллашу көне,

Ул гаҗәеп моңсу, күңелле.

Шундый көн бу – олы бәйрәм үзе,

Үзгәртә дә куя тормышны.

Баш очыннан ак болытлар ага,

Ак болытлар – сезнең балачак.

Балачакка кире кайтып булмый

Алар шулай ап-ак калачак.

Ак болытлар – сезнең балачак.

Зурлар төркеме балалары экологик тәрбия  буенча "Табигатьне сакларга - җир шарын якларга!" исемле  бөтенрәсәй иҗади бәйгедә катнашып 2 дәрәҗә диплом белән бүләкләнделәр. Әзерләгән тәрбиячеләренә - Хаматшина Р.В. һәм Габдулхакова Р.М.ларга рәхмәтләребезне җиткерәбез! Киләчәк эшләрендә дә уңышлар телибез!

Бүген "Юный мастер" чемпионатының дипломнары белән бүләкләү тантанасында катнаштык. Бакчабыздан Идиятуллина Раяна "Мәктәпкәчә тәрбия бирү" компетенциясенең "Иң аралашучан" номинациясендә җиңү яулады

Бөтендөнья искә ала
Ташбака көнен бүген,
Акыллы җәнлек икән ул,
Ышанмый тора күңел.

Каты кабыклы җәнлек ул,
Хәрәкәт итә акрын,
Йомыркаларын сала да,
Йөзеп китә ул тагын.

Бер ел яши ала икән
Ашамыйча ташбака,
Зирәклек, байлык символы
Диелгән интернетта.

Сулыкларда, коры җирдә
Яши ала ташбака,
Серле җәнлек икән ул,
Йоклый ди салкын булса.

Бөтен материкта яши,
Антарктидадан кала,
Иң яраткан ризыклары –
Тузганак дип санала.

23 май - бөтендөнья ташбакалар көне. Зурлар төркеме балалары әлеге көнгә багышлап иҗади эш башкардылар.

Менделеевск шәһәренең "SUPER ПОКОЛЕНИЕ" үсеш үзәге оештырган "Эхо Победы" республикакүләм шигырь конкурсында катнашып, икенче кечкенәләр төркемендә тәрбияләнүче Андреева Сәидә 1 дәрәҗә дипломга лаек булды. Афәрин, Сәидә, котлыйбыз!

Регионара "Юный мастер" чемпионатында катнашып яулаган бүләкләребез кайтты

Бүген Мөслим гимназиясендә үткән "Мин - милләтемнең киләчәге, горурлыгы"район бәйгесенең финал турында катнашып мәктәпкә әзерлек төркемендә тәрбияләнүче Хәсәнов Ислам "Иң тырыш бала" номинациясендә җиңү яулады. Исламны чын күңелдән котлыйбыз. Әзерләгән тәрбиячеләренә һәм ярдәм иткән әнисенә чын күңелдән рәхмәтебезне җиткерәбез!