Мәктәпкә әзерлек төркеме балалары "Лилияләр чәчәк аткан чак" исемле күмәк эш башкардылар

Иң зур дини бәйрәмнәребезнең берсе булган Корбан гаете мөбәрәк булсын! Изге Корбан бәйрәме көннәрендә хәерле ниятләребез һәм изге хыял-максатларыбыз тормышка ашсын. Һәрбер гаиләгә, йортларыбызга бәрәкәт, күңелләребезгә иман нуры, шәфкать һәм мәрхәмәт иңсен.

Хезмәткә хөрмәт һәм кызыксыну максатыннан мәктәпкә әзерлек төркеме балаларыбелән   тәҗрибә участогында суган, кишер, чөгендер утырттык, купъеллык чәчәкләрне тәрбиялибез. Балалар үсемлекләргә су сибәләр, чүпләрен утыйлар, ничек үсүләрен күзәтеп торалар.

"Песи белән тычканнар"- почмак алыш уеннарының бер төре. . Уйнаучыларның берсе «песи» була. Калган балалар, «тычкан» булып, почмакта урын алалар. Песи уртада тора.Тычканнар үз почмакларында торганда, ул аларга тимәскә тиеш. Тычканнар һәрвакыт урыннарын алмашырга йөгереп торалар. Шул чагында песи аларның берсен тотарга тырыша. Кулына төшкән тычкан песи була да, элгәреге песи, буш почмакны алып, тычкан була. Уен шулай дәвам итә.

Саф һавада балалар күп уйный, хәрәкәт итә. Хәрәкәт итү матдәләр алмашын, кан әйләнешен тәэмин итә, аппетитны үстерә. Балалар каршылыкларны җиңәргә өйрәнә, җитезлектә, кыюлыкта камилләшә. Аларда хәрәкәт итү үсә, кәеф күтәренкелеге тотрыклана.

Саф һавада булу акыл үсеше өчен дә файдалы.  Күзәтүләргә нигезләнеп балаларның танып белү даирәсе камилләшә, белем дәрәҗәсе үсә. Кызыксынучанлык, иҗадилык формалаша. Әхлак тәрбиясе бирелә.

Бакчабызның уртанчылар төркеме бүген Җиңү паркына сәяхәт кылды. Анда алар чик сакчылары белән таныштылар

Бүген бакчабыз балалары өчен бик күңелле очрашу булды. Әкият геройлары бездә кунакта булды

Иртәнге гимнастика баланың иртәнге йокысыннан торганнан соң сулыш, кан йөрешен, нерв системасының тонусын нормальләштерә, ашказанындагы һәм организмдагы матдәләр алмашын үзләштертә. Көндәлек гимнастика, икенче төрле әйткәндә, зарядка, баланың физик һәм уйлау-фикерләү сәлатен үстерә, шулай үк ата-анасыннан соң кәефсез калган баланың кәефен күтәрә, шук булган балаларны дисциплинага өйрәтә, оялчан баланы активрак булырга ярдәм итә.Безнең балалар бакчасында иртәнге зарядка бик рәхәтләнеп үткәрелә. Кече яшьтәге балалар да тырышалар, тәрбияче апалары артыннан кабатлыйлар.

Россия көне алдыннан уртанчылар төркеме тәрбиячеләре балалар белән Туган ил турында, һәр илнең үз гербы, флагы һәм гимны барлыгы турында әңгәмәләр үткәрделәр. Балаларның алган белемнәрен ныгыту өчен коллектив аппликация ясадылар. Ул үзендә өч төсле Россия флагы дәүләт символикасын үз эченә ала.

12 июнь көнне Россия Федерациясенең Дәүләт бәйрәме – Россия көне билгеләп үтелә. Ул шул ук вакытта иң яшь һәм тантаналы милли бәйрәмнәрнең берсе – Халык аны милли бердәмлек, теләктәшлек һәм тынычлык көне буларак бәйрәм итә. Илебезнең төп байлыгы – аның күпмилләтле  халкы. Һәр халыкның үз мәдәнияте, гореф-гадәтләре бар, аларны сакларга һәм киләчәк буынга тапшырырга кирәк. Шушы  вакыйга уңаеннан бакчабыз балалары белән ”Россия-минем горурлыгым”, “Бердәмлектә безнең көчебез” исемле әңгәмәләр үткәрелде.