Бүген Татар халкының бөек улы, герой шагыйрь Муса Мостафа улы Җәлилнең туган көне. Аны буген искә алмый мөмкин түгел. Ул-ялкынлы шигырьләр язган шагыйрь , илнең азатлыгы өчен курку белмәс көрәшче . Без балалар белән бергә Муса Җәлилнең  шигырьләрен яттан өйрәнәбез,аның сүзләренә язылган җырларны җыр итеп җырлыйбыз.

Бүген безнең “Тиенкәй” балалар бакчасында юл хәрәкәте куркынычсызлыгы бүлеге җитәкчесе Мурзакова Сиринә Мәсхуд кызы белән очрашу үтте.Сиринә Масхудовна балалар белән әңгәмә оештырды, сораулар бирде. Балалар “Күңелле стартлар” уены күрсәтте. Сиринә Мәсхүд кызы балаларга эш дәфтәрләре,  истәлекле бүләкләр тапшырды. Очрашу өчен  рәхмәт әйтәбез.

Ел саен Татарстан Республикасында һөнәри һәм шәхси үсеш,талантлы педагогларны ачыклау һәм аларга ярдәм итү  максатыннан “Ел тәрбиячесе” һөнәри  осталык конкурсы уза. 11 нче февраль көнне  Яшел үзән шәһәренен  “Гусельки“ балалар бакчасында “Ел тәрбиячесе-2025” һөнәри  конкурсының  зона этабы узды. Безнең “Тиенкәй” балалар бакчасыннан тәрбияче Насретдинова Диләрә Маратовна катнашып уңышлы чыгыш ясады. Чын күңелебездән котлыйбыз, уңышлар телибез!!!

Спортның иң популяр һәм массакүләм төрләренең берсе- чаңгы спорты.Чаңгыга әзерләү- олы яшьтәге мәктәпкәчә яшьтәге балаларга физик тәрбия бирүнең иң мөһим чараларның берсе. Безнең Кошман “Тиенкәй” балалар бакчасында төрле яшьтәге балалар  чаңгы спорт төрен аеруча  яраталар. Чаңгы белән шөгыльләнү баланың саф, салкын һавада булу организмны чыныктыра,дәрт бирә. 8 нче февраль көнне “Чаңгы юлы-2025” бөтенроссия массакүләм чаңгы ярышы узды.

Тәрбияче Салахова Ильхамия кызы балаларга  бүлмә гөлләрен дөрес  үстерү,тәрбияләү алымнарын өйрәтә. Төрле төстәге чәчәкле гөлләргә сокланып, тәрбияче  матурлыкны күрә белергә,үз хезмәтеңнең  нәтиҗәсе нинди булганын аңлата.

Бүген Кайбыч районы “Миләшкәй” балалар бакчасында “Салават күпере” җурналы белән очрашу узды. Журналны, безнен “Тиенкәй” балалары бик яратып карыйлар,рәсемнәре матур төсләр белән буялган, наклейкаларын да ябыштырырга,әкиятләрне тыңларга да яраталар, Салаватикларның җырларын тыңлап өйрәнәләр. Бүгенге очрашуда журнал белән тагын да якынрак таныштык. Күңелле очрашу өчен мәртәбәле Гөлназ Зиятдиновнага  зуур рәхмәт!

Янгын куркынычсызлыгы темасы балалар бакчасының тәрбия-белем бирү процессында аерым урын алып тора. Балалар янгын сүндерүче һөнәре белән таныштылар ,аның хезмәте  безнең өчен никадәр мөһим  булуы  турында әйтелде. Балалар бакчасының янгын куркынычсызлыгы почмагына экскурсия уздырылды. Янгын куркынычсызлыгына мультфильмнар күрсәтелде.Тәрбияче:Салахова И.Г.

Бүген Тәтеш шәһәренең “Каенкай” балалар бакчасы базасында “Мәктәпкәчә яшьтәге балаларны иртә  һөнәри юнәлеш бирү буенча әти-әниләр белән эшләү формалары”-дигән темага зона семинары узды. Семинар эшендә безнең “Тиенкәй” балалар бакчасы педагогы Насретдинова Диләрә Марат кызы чыгыш ясады.

 Татарстан Республикасында фәнни-технологик үсеш елы һәм Россиядә «Фән һәм технология унъеллыгы» уңаеннан «Тиенкәй» балалар бакчасында уртанчылар төркеме балалары белән " фән сәгате "турында биш минутлыклар үткәрәбез. Тәрбияче Д. М. Насретдинова балаларга, су сыек, төссез,  суның төсен үзгәртеп булганын күрсәтте. Эксперимент ахырында фикерләр белән уртаклаштылар.

Саф һавада уйнарга  яратабыз, сәламәтлегебезне ныгытабыз!