Буген  бакчабызның тәрбияче ярдәмчесе Миннуллина Гөлия Сәлимулла  кызының гомер бәйрәме,юбилее,50 яшь тулган көне.  Гөлия сине олы бәйрәмен- 50 яшьлек юбилеең белән чын күңелдән котлыйбыз. Иң якты теләкләребезне юллыйбыз. Авыр хезмәтеңдә  түземлек,нык сәламәтлек,күңел тынычлыгы,гаилә шатлыгы,кайгы хәсрәтсез көннәр, ак бәхетләр,балаларыңның һәм якыннарыңның  күңел җылысын тоеп,игелеген  күреп,бәхетле озын гомер кичерүеңне телибез.Киләчәгең җыр кебек матур,кояш кебек якты булсын.

Бүген безнең балалар бакчасында "Көзге уңыш" бәйрәме узды. Бәйрәмгә Көз кызы килгән иде. Кәрзине тәмле алмалар белән тулган.Үзе ягымлы, сөйкемле, күлмәге сары, матур
Бәйрәмдә балалар җырлар җырлады, шигырьләр сөйләде. Тәрбияче Диләрә апалары көз фасылының күңелдә кала торган мизгелләрен атады. Көз- мул уңышы белән килде безгә. Барыбызда сәламәт булып, тынычлык белән яшәргә язсын!

Татар халкының борынгы бәйрәмнәренең берсе –«Сөмбелә» - Уңыш бәйрәме. Бу бәйрәм уңыш җыеп алынгач, көзге чәчүләр узгач уздырыла.Хезмәт бәйрәме - бик​ борынгы , элек бабаларыбыз кыр эшләренең бетүенә сөенеп аны бәйрәм иткәннәр. Бу көнне кешеләр кырларда озак эшләгәннән соң ял итеп, куңел ачканнар.
Бүген безнең балалар бакчасында да әлеге искиткеч «Сөмбелә» бәйрәмен уздырдык. Балалар әйлән-бәйлән йөрделәр,​ җырладылар, биеделәр, шигырьләр сөйләделәр. Тизлеккә  көч сынаштылар. Бәйрәмдә катнашучылар барда күтәренке күңел​ һәм яхшы кәеф алдылар))

1 октябрь Өлкәннәр көне билгеләп үтелә. Без дә озак еллар балалар бакчасында эшләп хәзерге вакытта лаеклы ялга чыккан өлкәннәребезне бәйрәм белән котлыйбыз.
Халыкара өлкәннәр көне уңаеннан сезгә иң җылы, ихлас котлауларыбызны җиткерәбез. Без сезне, хезмәтегезне ихтирам итәбез, рәхмәтләребезне белдерәбез. Һәммәгезгә дә нык сәламәтлек, иминлек, озын гомер, күңел тынычлыгы, якын кешеләрегезнең мәхәббәтен, игътибарын һәм хөрмәтен тоеп, озак яшәвегезне телибез. Бәйрәм белән!

 27 сентябрь- Балалар бакчасы хезмэткэрлэре көне.
Хөрмәтле балалар бакчасы хезмәткәрләре! Ихлас күңелдән һөнәри бәйрәмегез белән котлыйбыз! Авыр хезмәтегездә түземлек, гаиләгездә җан тынычлыгы, тормышыгызда ак бәхетләр һәм сәламәтлек телибез! Барлык балаларыбыз да тәүфыйклы, акыллы булсыннар!

Кошман "Тиенкәй" балалар бакчасында әти-әниләр җыелышы булып узды.

Безнең “Тиенкәй” балалар бакчасында тәрбияче Насретдинова Диләрә Маратовна әзерлек төркемендә “Эколята- табигатьне саклаучылар” дигән рәсем бәйгесе оештырды. Балалар бәйге барышында танып-белү һәм физик сәләтләрен үстерү белән бергә табигатьне  сакларга  кирәген  төшенделәр.

Янгын куркынычсызлыгы темасы балалар бакчасының тәрбия-белем бирү процессында аерым урын алып тора. Көн дәвамында тәрбиячеләребез балаларны янгын сүндерүче һөнәре белән таныштырдылар. Балаларга аның хезмәте безнең өчен никадәр мөһим булуы турында аңлаттылар.. Тәрбиячеләр балаларга өйдә шырпының ни өчен кирәклеген, аның белән уйнарга яраманлыгын аңлаттылар. Балалар янгын чыгуның сәбәпләре турында сөйләделәр. Аннары балалар янгын вакытында шәхси саклану чаралары белән таныштылар

Яңа 2025-2026 нчы уку елын башлап җибәрдек. Бакчабызда  34 бала йөри. Балалар бакчаны сагынып килгәннәр.

30 нчы август-Татарстан Республикасы көне. Шул унайдан "Тиенкәй" балалар бакчасында "Мин яратам сине,Татарстан" дип аталган тәрбияви сәгать үткәрелде. Балалар сәнгатьле итеп шигырьләр сөйләделәр, « Мин яратам сине ,Татарстан”- дип җыр җырладылар.