«Тиенкәй» балалар бакчасында кечкенәләр төркемендә Татарстан Республикасы Конституциясе көненә багышланган тематик чара үткәрелде. Балалар Татарстан флагының төсләре белән таныштылар, буялган зур кисәкләрдән флагны бергәләп җыйдылар. Шулай ук Татарстан гербы турында сөйләштек һәм республикабызның дәүләт гимнын тыңладык. Мондый чаралар балаларда туган якка мәхәббәт, дәүләт символларына хөрмәт һәм горурлык хисләре тәрбияли.

Бакчабызның кечкенәләр төркемендә «Игелекле уеннар» проекты кысаларында тематик чара үткәрелде. Нәниләр белән дуслык, татулык һәм бер-береңә ярдәм итүнең мөһимлеге турында аңлаешлы һәм мавыктыргыч формада сөйләштек.  Балалар зур тырышлык белән «Без бергә — без бердәм!» дигән коллектив аппликация ясадылар. Нәни куллар ярдәмендә Россия флагы төсләрендәге зур йөрәк барлыкка килде. Шулай ук барыбыз бергә «Кәләпүш» уенын уйнадык.Чарабыз иҗади эш белән тәмамланды: зур агач рәсеменә төрле халыкларны символлаштырган яфракларны бергәләп урнаштырдык. Шулай итеп, «Имән — нык агач» дип исемләнгән уртак эшебез барлыкка килде. Һәр яфрак үзенчә матур, ә барысы бергә — бердәм, нык агач. Бу эш һәр халыкка уртак йортыбызда урын барлыгын искәртте.

Алинә Габбасовна! Сезне ихлас күңелдән бәйрәм белән тәбрик итәбез! Сезнең хезмәтегез бик мөһим һәм җаваплы. Китапханә — белемнең җыелыш урыны, һәм аны саклау, туплау һәм укучылар арасында мәдәниятне тәрбияләүдә тотрыклы роль үзләштерә. Сезнең зирәклегегез, сабырлыгыгыз һәм мәрхәмәтлелегез өчен рәхмәт Сезгә. Киләчәктә дә зур уңышлар, яңа китаплар һәм матур мәгълүматлар туплансын. Сезгә һәм гаиләгезгә бәхет, шатлык, сәламәтлек телибез.

Бакчабызда Әтиләр көненә багышланган «Әти белән — юллар имин!» исемле чара узды.
Бәйрәм башында балалар әтиләренә җылы чыгышларын тәкъдим иттеләр. Аннары әтиләр үзара көч сынаштылар.
Чарабызда Буа районындагы «Юл хәрәкәте иминлеге» иҗтимагый оешмасының җирле бүлекчәсе рәисе Мурзакова Сиринә Мәсхүд кызы да катнашты. Ул әтиләр белән бик җылы әңгәмә үткәрде, юлда иминлек кагыйдәләрен үтәүнең мөһимлеге турында сөйләде.
Бәйрәм ахырында балаларга истәлекле бүләкләр тапшырылды. Сиринә ханымга чарада катнашканы, файдалы киңәшләре һәм бүләкләре өчен зур рәхмәтебезне белдерәбез! Балаларыбызның юллары һәрчак имин булсын! #Годдошкольногообразования
#МБДОУКушманскийдетскийсад

Бүген балалар бакчасында тәрбияләнүчеләр белән авылыбыз урамнарына экскурсия-поход ясадык. Бәләкәчләр юл билгеләре, юл хәрәкәте кагыйдәләре белән таныштылар һәм авыл җирендә ориентлаша белергә өйрәнделәр. Саф һавадагы мондый практик дәресләр балаларга урамда игътибарлы һәм сак булырга ярдәм итә. Һәрбер юлыгыз куркынычсыз булсын!

Сез безнең өчен — һәрвакыт беренче урында! Сез — тормышның һәр сынавында җиңүче, гаиләнең ныклы терәге. Тыныч тормышта да, хәрби хезмәттә дә әтиләребезгә бары тик исәнлек-саулык, бәхет, ныклы гаилә терәге булып калуларын телибез. Бәйрәмегез белән! Сау-сәламәт булыгыз, балаларыгызның җылысын тоеп, бәхетле гомер итегез! 

Бүген бакчабызда искиткеч матур Көз бәйрәме үтте. Кунакка көзге нигъмәтләр белән Көз кызы килде, ә яңгыравык музыка тавышына хәтта Аю да йокысыннан уянып җитте! Балаларыбыз кунакларыбыз белән бергәләп рәхәтләнеп җырладылар, биеделәр, уйнадылар. Бәйрәмебез бик җанлы, күңелле һәм җылы узды!

«Тиенкәй” балалар бакчасында  ата-аналар җыелышы узды. .Көн тәртибе буенча, садик мөдире Айгөл Сәлимулловна  һәм тәрбияче Ильхамия  Галимовна чыгышлары тыңланды. Район мәгариф бүлегенең мәктәпкәчә белем бирү буенча методисты Сиринә Рәифовна җыелышта катнашты һәм чыгыш ясады. Программа таләпләре, белем һәм тәрбия бирү эшчәнлеге, режим моментлары, балаларның яшенә туры килгән уенчыклар турында сөйләнде ,ата-аналар комитеты сайланды киләчәккә уртак эшчәнлек формалары сайланды.Ата-аналар җыелышы бик эчтәлекле һәм дустанә мөнәсәбәттә үтте. Алар үзләрен кызыксындырган сорауларны бирделәр һәм тулы җаваплар алдылар.

“Көзге матурлык” дип аталган кул эше күргәзмәсе-бәйгесе безнең бакчабызда үткәрелде. Бу чара балаларның иҗади фикерләвен, табигатьне күзәтү күнекмәләрен үстерүгә юнәлдерелгән иде. Биредә көз нигъмәтләреннән ясалган кул эшләнмәләре күргәзмәсе урын алды. Балаларның әти-әнисе ярдәме белән, көзге уңыштан, яфраклардан төрле композицияләр, аппликацияләр һәм  башка оригиналь эшләнмәләр ясап алып килделәр. Барлык эшләрдә бик матур һәм зәвык белән башкарылган иде. Бу күргәзмә һәркемдә зур соклану уятты. Һәр эш үзенчә матур, үзенчәлекле! Без һәркемнең тырышлыгын бертигез күреп, барлык әти‑әниләргә дә грамоталар тапшырдык — сезнең һәммәгезнең катнашуы безнең өчен бик кыйммәтле!» Әти-әниләргә зуур рәхмәт әйтәсе килә.

Кадерле остазларыбыз! Сез — Ватаныбызның чәчәк атуына зур өлеш кертүчеләр, бүген дә шушы юнәлештәге изге эшегезне дәвам итәсез. Без сезнең белән горурланабыз! Сезгә ныклы сәламәтлек, озын гомер, күңел җылысы һәм бәхет телибез. Янәшәгездә һәрвакыт сезне яраткан һәм кайгыртучан балалар, оныклар, дусларыгыз булсын!