Шахмат уены балаларга күп шатлык, рәхәтлек китерүче уен гына түгел, ә аларның акыл үсешен үстерүнең нәтиҗәле чарасы да. Шахмат уйнау хәтерне үстерә, бала җыйнак була, уйларга, карарлар кабул итәргә өйрәнә.

Әвәләү сынлы сәнгатьнең бер өлеше.  Әвәләү шөгылендә балаларның  кул чуклары ныгый,төрле күнекмәләр ясала.Балалар үзләренең эшеннән бик канәгать, алар матурлыкны күз белән күрергә, кул белән тоярга тиеш.

Бүген бакчада гомуми ата-аналар җыелышы булып узды. Сүзне бакча мөдире Кадырова А.С.алды, җыелган әти-әниләргә узган уку елына йомгак ясады, алга куелган бурычлар,туклану,балаларның сәламәтлеге турында сөйләде. Тәрбиячеләребез  Халикова С.Г. “Гаилә- бөек сүз”- дигән темага чыгыш ясады,  Насретдинова Д.М. ”Фликерларны үз кулларыбыз белән ясау”-дигән темага мастер- класс күрсәтте.Ата-аналар белән эшләнгән эшләр өчен рәхмәт әйтелде,алга таба да бердәм булып зур уңышларга ирешергә булсын.

Психология атналыгы кысаларында өлкән төркемдә “Иртәнге яхшылык түгәрәге”узды. Балалар бер-берсенә яхшы кәеф йомгаклары бирделәр һәм бер-берсенә мактау сүзләре бүләк иттеләр. Мондый аралашу балаларны бер-берсенә яхшы мөнәсәбәткә өндәргә ярдәм итә.Педагог-психолог Насретдинова Д.М.

“Тиенкәй” балалар бакчасында тәрбиячеләр өчен районкүләм семинар узды. Семинарның темасы: “Мәктәпкәчә яшьтәге балаларның әхлакый патриотик үсеше процессына гаилә тәрбиясен интеграцияләү.» иде. Семинарда районның 17 балалар бакчасы тәрбиячеләре һәм район мәгариф бүлегенең  мәктәпкәчә белем бирү  буенча белгеч Утеева С.В. катнашты.Семинар барышында  педагоглар уен технологияләр кулланып гади булмаган белем бирү эшчәнлекләрен, төрле мастер-класслар күрсәттеләр. Килгән кунаклар семинарга зур бәя биреп, рәхмәтләр әйтеп киттеләр.

Кечкенәләр төркеме балалары кошлар турындагы табышмакларга җаваплар  таптылар,әйтемнәрне һәм халык сынамышларын искә алдылар, песнәкләр  турында презентация  карадылар, тәрбияче Диләрә апалары белән бергә рәсем ясадылар, шигырьләр укыдылар.

Кечкенәләр төркемендә менә шундый  шөгыль узды.                                                                                  Максат:Балаларга сфетофор турында төшенчә бирүне дәвам итү, сфетофорның  төсләрен аера белү күнекмәләре ныгыту; Кызыл,сары,яшел, төс белән таныштыруны дәвам итү, сүзлек байлыкларын үстерү.

Бервакыт иртән уянсаң, ә урамда бар да ак. Балалар бу көнне бик көттеләр. Тәрәзәгә еш кына карап,балаларның  урамга чыгу сәгате  дә җитте. Алар шатланып  Светлана Гариковна белән  урамга ашыктылар, беренче кар белән уйнадылар. Тиздән чын кыш килеп җитәр, шатлык һәм куанычлар алып килсен.

“Тиенкәй” балалар бакчасында тәрбияче Ильхамия Галим кызы Татарстан Республикасы Конституциясе көненә багышланган чара үткәрде. Чара  барышында балалар Дәүләт символлары турында белемнәрен тулыландырдылар һәм гимнны җырладылар.

Кошман “Тиенкәй” балалар бакчасында көзге матурлык хакимлек итә. Биредә көз нигъмәтләреннән ясалган кул эшләнмәләре күргәзмәсе урын алды. Балаларның әти-әнисе ярдәме белән,көзге яшелчә уңышыннан, яфраклардан ясалган кул эшләнмәләре һәркемдә зур соклану уята. Һәр эш үзенчә матур, үзенчәлекле! Әти-әниләргә зуур рәхмәт әйтәсе килә.