муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан»
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422410, РТ, Буинский район, с.Нижний Наратбаш, ул.Советская, 1А |
| Телефон: | +7(843)-744-22-54 |
| E-Mail: | sch669@list.ru,Snn.Bui@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Нижне-Наратбашская ООШ Буинского муниципального района РТ" |
| Руководитель: | Гарипов Раиф Рашатович |
| Год основания учреждения: | 1975 |
| У нас учатся: | 56 |
| У нас учат: | 11 |
муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан» - новости
Страницы: << 141 142 143 144 145 146 ( 147 ) 148 149 150 >>
-
2018-19 нчы уку елының укыту планы нигезендә мәктәптә ТДИ (ОГЭ)га әзерлек буенча эшчәнлек оешкан төстә башланып китте. Дәресләрдән соң махсус расписание кысасында һәр фәннән өстәмә дәрес уздырыла. Икенче аштан соң түгәрәкләр эшчәнлеге башлана. Башлангыч сыйныф укучылары өчен "Полиглотик" (инглиз теле) һәм "Кызыклы грамматика" (рус теле), 5-9 сыйныфлар өчен "Яшь зоолог" ( биология), "Спорт уеннары" түгәрәкләре оештырылды. Сәләтле балалар белән эш сыйныф җитәкчеләре башкарган эшчәнлек белән дәвам итә. Дәрестән тыш вакытны укучылар өчен мавыктыргыч, файдалы итеп оештыру уку йортының төп максаты. 17.09.2018
-
Мәктәпнең яшь туристлары бүген район күләмендә уздырылган 52 нче слётка киттеләр. 5-6 сыйныф укучыларыннан торган команда бу яраткан бәйгегә алдан әзерләнде . Команда визит карточкасы белән беррәттән төрле сынауларга да әзерләнеп өлгерде . "Меридиан" дип исем алган командабыз ярышта уңышлы чыгыш ясар дип өметләнәбез. Команда җитәкчесе Хәйретдинов Р.Р. Инзилә, Илнур, Илдар, Раян, Адилә, Сылу , Риназларны бик тырышлар, булдыклы спортсменнар дип мактап тора. Без укучыларыбызга призлы урыннар, уңышлы чыгышлар теләп калабыз! Турслётка вакытында барып урнашу буенча транспорт белән ярдәм иткән Галиуллин Илдус Исмәгыйль улына, Камалов Искәндәр Фиргать улына мәктәп администрациясе олы Рәхмәтен белдерә. 17.09.2018
-
Сентябрь ае тулысынча укучыларның сәламәтлеген саклау ,иминлекләрен булдыруга багышлана. ГО , Балалар иминлеге айлыгы кысасында уку йортында күпкырлы тәрбия чаралары оештырыла. Шуларның иң мөһиме булып Буа шәһәренең эзләү - коткару отряды вәкилләре белән очрашу булды. Алдан килешенгән график нигезендә 14 сентябрь көнне укучылар белән практик дәрес уздырылды. МЧС вәкилләре очрашу башында саклану чараларының мөһимлегенә тукталдылар, аннары практик күнегүләр үткәрделәр. Укучыларны кызыксындырган сорауларга җаваплар бирделәр. Иң мавыктыргычы махсус җайланмалар белән тулыландырылган автомобильгә утыру, аның һәр приборын үз кулларың белән тикшереп карау булды. Очрашу айлык кысасында куелган максатларга тулысынча җавап бирде. 16.09.2018
-
Мәктәпнең балалар оешмасы 15 сентябрь- Варислар туган көнен елдагыча зурлап билгеләп үтте. Тәрбия чарасы кысасында бәйрәмгә багышланган тантаналы җыенда укучылар варислар тормышына багышланган төрле истәлекле вакыйгалар белән таныштылар. Бәйрәм рухын рапортлар тапшыру , строй адымы белән атлап йөрү тагын да арттырып җибәрде.Җыеннан соң җиңелчә тамак ялгап алгач ГО штабы җитәкчесе Галиуллина З.Ф. чарада катнашучыларны көн тәртибе белән таныштырды, укучылар белергә тиешле саклану чараларын искәртте. Оештыру өлешеннән соң һәр сыйныф походларда куллана торган аптечкалар буенча имтихан тоттылар. Аннары ТИН дәресе буенча махсус викторина сорауларына җаваплар бирделәр. Беррәттән хаталар өстендә эш тә алып барылды. Сораулардан соң төрле авырлыкларны үз эченә алган каршылыклар эстафетасы башланды. Укучыларга бу ярышны бик тырышып үтәргә туры килде. Көчле рухлы, чыдам һәм җитез булу бу көнне бик урынлы булды. Инде ачыгырга да өлгергән балалар спорт ярышларыннан соң рәхәтләнеп табигать кочагында төшке ашка утырдылар. Йомгаклау линейкасында чарада иң актив катнашкан укучылар барланды, активистларга рәхмәт белдерелде. Тормышта гадәттән тыш хәлләр вакытында саклану кысасында уздырылган чара зур урын алачак. "Балалар Җиңү турында" дип исемләнгән проект буенча 6 сыйныфны волонтёрга багышлау да бу чарада булып узды. 16.09.2018
-
Район спорт календаре кысасында уздырылган "Милләтләр кроссы" Бөтенрусия спорт ярышында мәктәпнең җыелма командасы аеруча уңышлы чыгыш ясады. Уку йортлары арасында уздырылган бәйгедә спортсмен кыз һәм егетләребез беренче унлыкка керделәр. Аеруча матур нәтиҗәләргә Инзилә, Илдар, Илнур, Раян, Сылу, Адилә, Риназ, Фаил, Салават ирештеләр. Команданың җитәкчесе Хәйретдинов Р.Р. үзенең укучыларыннан бик канәгать булуын белдерде. Без дә барлык котлауларга кушылабыз, киләчәктә укучыларыбызга яңадан - яңа уңышлар теләп калабыз. 16.09.2018
-
Мәктәпнең спорт календаре нигезендә 12 сентябрь көнне уку йортында көзге кросс оештырылды. Барлык сыйныфлар бик теләп спорт чарасына җыйналды. Эстафетаны иң беренчеләрдән булып башлангыч сыйныф укучылары башлап җибәрде.Ә 5-9 сыйныфлар аны күтәренке рухта дәвам итте.Бәйге нәтиҗәләре буенча 5-6 сыйныфлар арасында 1 урынга - Риназ, Инзилә; 2 урынга - Сылу һәм Илдар; 3 нче урынга- Адилә, Раян лаек булдылар. 7-9 сыйныфлар арасында 1 урынны - Салават һәм Эльза,2 урынны - Гөлназ, Альберт;3 урынны - Алсу һәм Раил яуладылар. Йомгаклау өлешендә барлык бәйгедә катнашучыларга да киләсе ярышларда уңышлар теләп күмәк фотога төшү оештырылды. 12.09.2018
-
"Игътибар, балалар!" дип аталган ункөнлек кысасында сыйныфларда яктылыкны кайтару элементлары (СВЕТООТРАЖАЮЩИЕ ЭЛЕМЕНТЫ) барланды. Көннәр кыскаруга барган көзге-кышкы чорда бу элементларның мөһимлеге искәртелде. 5-9 сыйныф укучылары өчен ПДН вәкиле Низамов Динар белән очрашу оештырылды. Киңәшмә, утырышларда сыйныф җитәкчеләре белән юл йөрү кагыйдәләрен катгый рәвештә үтәүне булдыру буенча төрле эш формалары каралды. Укучыларның ата-аналары белән дә бу мөһим сорау тагын бер тапкыр яктыртылды. Сыйныф укучылары бу элементларны инде бүгеннән куллана башладылар. 11.09.2018
-
Балалар оешмасында яңа төрле эш формалары куллану уңышлы. Быелгы уку елында шундый кызыклы чара итеп Учком рәисен сайлау һәм тәкъдим итү булды. Гомум укучылар җыелышында Президент Гөлназ инаугурация үтте. Ул үзенең чыгышында мәктәп алдында гадел җитәкче булырга сүз бирде, эшкә тугры булырга ант итте. Без аңа авыр , ләкин җаваплы эшендә уңышлар теләп калабыз. 11.09.2018
-
2018-19 нчы уку елы башыннан ук мәктәп укучылары сыйфатлы кайнар ризык белән тәэмин ителделәр. Көн дәвамында балалар ике тапкыр ашханәдә тукланалар. Сыйныфлар тәртипле рәвештә төшке ашка һәм икенче чәйгә чакырылалар. Сыйныф җитәкчеләре бу сорауны аеруча игътибар астында тота. Ата-аналар белән киңәшеп, фикерләшеп эшлиләр. Укучыларга төпле белем алу өчен барлык шартлар да тудырылган. 11.09.2018
-
Елдагыча уку елы башында балаларның иминлеген саклау айлыгы уздырыла. План нигезендә укучыларның сәламәтлеген саклау һәм ныгыту йөзеннән , тормыштагы гадәттән тыш вакыйгаларны булдырмау өчен даими рәвештә эвакуация оештырылды. Чираттагы кисәтү чарасы уку йортында бу эшчәнлекнең нәтиҗәле булуын күрсәтте. Алдагы бурычлар, максатлар барланды, кимчелекләр ачыкланды. Укучыларыбызның иминлеге һәрвакыт беренче урында тора. 11.09.2018
