муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан»
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422410, РТ, Буинский район, с.Нижний Наратбаш, ул.Советская, 1А |
| Телефон: | +7(843)-744-22-54 |
| E-Mail: | sch669@list.ru,Snn.Bui@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Нижне-Наратбашская ООШ Буинского муниципального района РТ" |
| Руководитель: | Гарипов Раиф Рашатович |
| Год основания учреждения: | 1975 |
| У нас учатся: | 56 |
| У нас учат: | 11 |
муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан» - новости
Страницы: << ( 141 ) 142 143 144 145 146 147 148 149 150 >>
-
Бүген мәктәптә "Зәңгәр күл" дип аталган көзге лагерь эшли башлады. Иртән 15 укучы күтәренке күңел белән беренче ял көненә җыелды. Көн дәвамында отрядларга бүленеш, исем, девиз , җыр сайлау кебек мөһим сораулар каралды. Беренче ял көненең исеме "Таныш булыйк!" дип билгеләнде. Ирекле аралашу вакытында укучылар рәхәтләнеп бер - берсе белән сөйләштеләр, яраткан уеннары, дуслары белән таныштырдылар.Лагерьны ачу тантанасына кунаклар да чакырып өлгерделәр. Белем сәгатендә балалар төрле түгәрәк утырышларында катнаштылар, яраткан дәресләре буенча өстәмә эшләр алдылар. Яраткан мультфильм геройлары белән очрашу да укучыларның күңелләрен күтәрде. Бию марафоны да гөрләп узды. Мавыктыргыч чараларга бай көн сизелми дә узып китте.Йомгаклау линейкасында иң актив , иң спортсмен, иң тырыш укучылар барланды. Бер - берсенә иң матур теләкләрне җиткереп укучылар иртәгә хәтле саубуллаштылар. Бүген лагерьда Гыйзәтуллина Г.Р. эшләде. 31.10.2018
-
Бүген1 чирекнең соңгы уку көне йомгаклау линейкасы белән башланып китте. Көн тәртибендә чирек нәтиҗәләре, көзге каникулларны үткәрү тәртибе белән танышу, инструктаж үткәрү куелган иде. Барлык сораулар буенча да укучылар аңлатмалар алдылар, тәртип бозулар буенча кат- кат искәртелделәр.Иң мөһим бәйгеләрнең берсе булган «IT-чемпион»да катнашу күрсәткечләре барланды. Иң күп баллар җыйган укучыларга истәлекле бүләкләр, беркетелгәннәргә - махсус купоннар таратылдылар. Мәдәният йорты эшчәнлегендә актив катнашучы балалар да бүләксез калмадылар.Көзге каникуллар вакытында мәктәптә оештырылачак лагерь эшчәнлеге белән таныштырылды. Шәхси эш, олимпиадаларга әзерлек, түгәрәкләр планы искәртелде. Линейкадан соң махсус сыйныф сәгатьләре, генераль җыештыру үткәрелде. Укучыларыбызны алда мавыктыргыч, кызыклы, файдалы яллар көтә! 30.10.2018
-
Җыелышлар планы нигезендә 2018-19 нчы уку елының беренче чирек йомгакларына багышланган педагогик киңәшмә уку йортында аеруча нәтиҗәле, актив үтте. Аның барышында чирекнең укыту һәм тәрбия буенча йомгаклары каралды. Киңәйтелгән сораулар тупланмасына өлгереш, олимпиадаларда катнашу, 9 сыйныфларның имтиханнарга әзерлек торышы кертелде. Тәрбия өлкәсендә төп күрсәткеч булган дәрескә йөреш, чисталык, тәртип, кизү тору, бәйгеләрдә катнашу нәтиҗәләре дә тирәнтен каралды. Көзге каникуллар планы буенча күрсәтмәләр бирелде. "Ел укытучысы -2019" һөнәри бәйгесе нигезләмәсе тәкъдим ителде. Һөнәр берлеге комиссияләре хисап тотты. Утырыш җанлы фикер алышулар , тәҗрибә уртаклашу кебек эш формалары белән аралаштырылып алып барылды. 30.10.2018
-
Хокук бозуларны кисәтү планы нигезендә мәктәптә укытучыларның ата-аналар комитеты белән берлектә кизү торуы оештырыла. Бу уку елының беренче чиреге графигы бүген тәмамланып яңа чиреккә яңартылды. ДНД әгъзалары һәр шимбә саен Мәдәният йортында дискотекада кизү торалар, микрорайон урамнарында патруль оештыралар. 28.10.2018
-
Мәктәбебезнең укучылары даими рәвештә районда оештырылган спорт бәйгеләрендә актив катнашып киләләр. Узган шимбәдә уздырылган милли көрәш буенча ярышларда безнең уку йорты данын Риназ, Раят, Илмаз, Булат, Фаил,Альберт, Салаватлар яклады. Спортсмен егетләребез уңышлы чыгыш ясап , матур көрәш күрсәттеләр. Тренер Хәйретдинов Р.Р. Риназның -2 нче, Фаилнең - 3 нче урын яулауларына бик шат. Калган егетләребез дә сынатмадылар! 28.10.2018
-
Уңыш бәйрәме уңаеннан сынлы сәнгать дәресләрендә үткәрелгән рәсемнәр бәйгесендә җиңүче укучыларыбызның эшләре. 27.10.2018
-
1, 4 нче сыйныф укучыларының (с.җ. Фәхретдинова И.М.) Сөмбеләгә бүләкләре. 27.10.2018
-
Бәйрәмгә 2,3 нче сыйныф укучылары (с.җ. Әхмәтшина Л.С.) яшелчәләрдән искиткеч экспонатлар әзерләделәр. 27.10.2018
-
26 нчы октябрь көнне мәктәптә башлангыч сыйныф укучылары өчен "Сөмбелә " бәйрәме уздырылды. Берсеннән - берсе матур костюмнар кигән укучылар тантаналар залына җыелды. Көзге бәйрәмне 4 сыйныф оештырды (с.җ. Фәхретдинова И.М.) Чара барышында балаларга кунакка Сөмбелә килде, ул күчтәнәчләр белән тулган кәрҗинен онытмаган : аллы - гөлле алмалар, кыяр, кишер, суган, бәрәңге һәм кабак бар иде. 2,3 сыйныфлар аңа матур җырларын бүләк иттеләр, ә 1нче сыйныф "Яфраклар" биюен башкарды. Мавыктыргыч уеннарда барлык укучылар да актив катнашты. Беркем дә бүләксез калмады. Елмаюлы йөзләр, күтәренке күңел белән балалар бергәләшеп ял иттеләр, көз матурлыгы белән хозурландылар. 27.10.2018
-
Иртән башланган Уңыш бәйрәмнәрен 5-9 нчы сыйныфлар дәвам иттеләр. Шау-гөр килеп, гөрләп узды мәктәптә быел Көзге бал. Бәйрәмне 9 сыйныф укучылары оештырды (с.җ. Әхмәдуллина Г.Р.). Сыйныф активистлары Гөлназ белән Эльза чараны шундый мавыктыргыч итеп уздыруга бөтен сыйныфны тартырга тырыштылар. Шуңа күрә бәйрәм төрле уеннарга, күңелле конкурсларга үрелеп алып барылды. Барлык укучылар да искиткеч актив булдылар! Һәр катнашучы бүләксез дә калмады! Зал аллы-гөлле яфракларга күмелде, уңган кыз Сөмбелә килде.Уңыш алиһәсенә сыйныфлар махсус чыгышларын бүләк иттеләр, бергәләп күңел ачтылар. Бәйрәмнең күңел ачу өлеше күз ачып йомганчы ахырына якынлашты. Көзге бал ахырында Көз кызы һм Көз егете сайланды. Һәр сыйныфта да матур парлар бик күп иде. Ләкин күпчелек тавыш бирү нәтиҗәсендә мәктәп гүзәлләре итеп Гөлназ белән Раил сайланды. Уеннар өлеше укучылар өчен оештырылган бәйрәм дискотекасы белән дәвам итте. Бәйрәм чыннан да һәркемнең күңеленә хуш килде. 27.10.2018
