У нас в школе

Игелекле эшләр ункөнлеге кысасында бүген мәктәптә шаулап-гөрләп ярминкә узды. Ике дәрестән соң оешкан төстә һәр сыйныф тантаналар залында оештырылган чарага җыелды. Кәрҗиннәр, сумкалар күтәреп сатып алучылар һәм сатучылар килеп җиттеләр. Матур шигъри котлау юллары белән ярминкә ачылып китте. Рәт-рәт сәүдә артлары артынды чын сатучыга әйләнгән укучыларыбыз күз ачып йомганчы муллыктан сыгылып торган өстәлләрдәге нигъмәтләрне сата башладылар. Нәрсә генә юк бу киштәләрдә?! Татлы пироглар, кайнар пәрәмәчләр, катлама-кабартмалар, бәйләнгән оекбашлар, кул эшләре! Сатып алучылар ролендә ата-аналар, укытучылар, хезмәткәрләр, укучылар, кунаклар. Көн дәвамында барлык әйберләр дә сатып бетерелде диярлек. Күтәренке рухта ярминкәгә йомгак ясалды, һәр сыйныфка, сыйныф җитәкчесенә мондый игелекле чараны шундый оешкан һәм нәтиҗәле үткәрү уңаеннан Рәхмәт белдерелде. Олы Рәхмәт сүзләрен һәр гаиләгә, әти-әнигә иң беренче чиратта җиткерәбез. Ярминкәдән җыелган барлык керем дә бары тик игелекле эшләргә генә тотылачак!