Көзге көннәр әле аяз,әле яңгырлы. Табигатьнең матур төсләргә бизәлгән җылы көннәре балаларны тышка дәшә. Печмәнтау башлангыч мәктәбе укучылары мәктәп мәйданчыгында күңелле стартлар үткәрде. Балаларның сәламәтлеге өчен саф һава һәм хәрәкәтле уеннар кирәк һәм файдалы.

1 октябрь - агач утырту көне буларак билгеләп үтелде. Бу көнне безнең  укучылар да  мәктәп территориясенә чыршы үсентеләре утырттылар.

Поздравляем команду юношей ( тренер Габделахатов М.Р.) , занявшую 2 место в первенстве Арского муниципального района по волейболу среди юношей 2002-2003г.р. и моложе. Молодцы!

Печмәнтау башлангыч мәктәбе укучылары Өлкәннәр көне уңаеннан бүләкләр әзерләделәр. Үзләренең кадерле әбиләрен һәм бабайларын бәйрәм белән котладылар. Мәктәбебездә озак еллар класс бүлмәләребез чиста булсын дип тырышкан, укучыларыбызны тәмле  итеп сыйлаган, хәзерге көндә лаеклы ялда булган Ясминур Әхмәтҗанованы да укучылар бәйрәм белән котлап, үзләренең теләкләрен теләделәр.

Иске Кенәр башлангыч мәктәбе укучылары табигатькә көзге экскурсиягә чыктылар.Укучылар табигатьтәге көзге үзгәрешләрне күзәттеләр,уеннар уйнадылар.Соңыннан технология дәресләрендә кулланыр өчен табигый материаллар җыйдылар.

Югалмаган икән әле

Төсләрнең яшеле дә.

Ясап яфрак бәйрәмнәре

Көз килә әкрен генә.

Бакчаларда яшелчәләрнең өлгергән чагы. Түтәлләрдән җыеп алынган уңыш укучыларны тукландыру өчен кулланыла. Печмәнтау башлангыч мәктәбендә укучылар  өлгергән яшелчәләрнең орлыкларын  икенче елга утырту өчен алып куйдылар. Ә яшелчәләр үзләре бик матур шаян дусларга әйләнделәр.

Бакчабызның түтәлләре

Тулып торды җәй буе.

Кышка өстәлләрдә торыр

Бакчабызның бу сые.

Ташкабакның төрлеләре

Үскән икән, күр әле.

Ә без менә ясап куйдык

Аның матур күзләрен.

Өстәлләргә килде бүген

Шаян дуслар, төрлеләр.

Безнең куллар эшкә оста,

Бар нәрсәгә өлгерләр.

27 сентября состоялся   Всероссийский Интернет-урок по теме «Профилактика наркомании в образовательной среде».

Җәй буе тырышып эшләгәннең нәтиҗәсен көз көне җыябыз. Бакчабызда кишер, чөгендер, суган, кәбестә, кабак уңышы мул булды. Үзебез үстергән уңышны мәктәп ашханәсендә рәхәтләнеп кулланырбыз.

Көз озын килеп, кояшлы матур торгач, мәктәп бакчалары әле дә шау чәчәктә. Мәктәбебез - гөлбакча ди Печмәнтау башлангыч мәктәбе укучылары.  Инде орлыклар өлгереп килә,  ә өлгергәннәрен җыя барабыз.

5 нче класс укучылар варислар сафына кабул ителделәр. Алар иптәшләре  яхшы варис булырга, яхшы укырга, олыларга, кечеләргә игелекле булырга сүз бирделәр.