Хөрмәтле хезмәттәшебез Миләүшә Гыймадетдиновна !

    Сезне туган көнегез белән котлап, иң изге, якты, матур теләкләребезне юллыйбыз: көчле рухлы һәм кешелекле, юмарт һәм ярдәмчел, бәхетле һәм сәламәт булыгыз! Уй-теләкләрегез тиң, туар таңнарыгыз  тыныч, саулыгыгыз ныклы, гомерегез бәхетле булсын!  Авырмый, кайгы-хәсрәт күрми, озын гомер итүегезне, гаилә шатлыгы, балаларыгызның, якыннарыгызның игелеген күреп яшәвегезне телибез. Ныклы тазалык, озын гомер, ак бәхетләр белән мул тормышта яшәргә язсын!

  Иң изге теләкләр белән Иске Ашыт мәктәбе коллективы.

“ Экстремизмга – юк!” айлыгы уңаеннан 3 нче сентябрь көнне  мәктәптә  тәрбия  дәресләре  үткәрелде. Әңгәмә барышында укучылар терроризмның аянычлы нәтиҗәләре турында сөйләштеләр, вакыйгаларга карата үз фикерләрен белдерделәр.Бесланда һәлак булган балаларны бер минутлык тынлык белән искә алдылар.

   Менә  беренче сентябрь иртәсе безне кабат бергә җыйды.Бүген мәктәпләрдә hәр бала көтеп алган ,кызыклы вакыйгаларга бай булган яңа уку елы башлана. Бу көн безнең өчен аеруча куанычлы, чөнки  ныклап төзекләндерүдән мәктәбебез ишекләрен ачты.  Күңелләрдә сөенеч ,йөзләрдә шатлыклы елмаю балкый. Яңа уку елы hәркемгә шатлык-сөенечләр,бары тик яхшы билгеләр, яңа уңышлар алып килсен.

   Мәктәп еллары—кеше гомеренең кабатланмас матур бер мизгеле. Шуңа кvрә баланың укырга килү көне—зур бәйрәм. Беренче сентябрь иртәсе кояшлыда, болытлы да, яңгырлы да була. Шулай да андый иртәләрнең hәрберсе күңелгә кояшлы булып иңә. Чөнки күңел сабырсызланып сыйныфка,сыйныфташларга, парта артларына ашкына, тизрәк беренче дәрес башлансын дип тели.Һәм әлеге кичерешләр безнең хәтерләрдә мәңге саклана. Хәерле сәгатьтә, дуслар!

Уважаемые друзья, поддержим Республиканскую акцию "Помоги своей школе!". В наших силах создать в школах Республики Татарстан современные условия для обучения и воспитания детей.Посетите свою школу, узнайте, чем она живет, и окажите ей помощь.

Кто помнит и ценит прошлое, у того есть будущее!

Җәй буе тырышып эшләүнең нәтиҗәсе -  мәктәбебез ишегалды чәчәкләргә күмелеп утыра.

Мәктәп яны бакчасында тырышып эшләүнең нәтиҗәләре күренә башлады. Бу көннәрдә укучылар җиләк, карлыган, чия уңышын җыялар. Суган, кишер, чөгендер дә мул уңыш вәгъдә итә.

Укучылар җәйге каникулда да китапханәгә юлны онытмыйлар. Җәйге каникулга укырга дип берелгән әдәби китапларны укыйлар, китапханәче Магсумова Гөлнара үткәргән чараларда актив катнашалар.

Бәйрәм бүген барлык мәктәпләрдә,

Хис ташкыны дулый күкрәктә.

Укытучының моңсу карашлары

Озату сүзен яза йөрәккә.

Бүген барыбыз өчен дә иң тантаналы һәм истәлекле көннәрнең берсе. Нәкь менә бүгенге көн  чыгарылыш сыйныф укучыларының мәктәп белән хушлашу, киләчәккә, олы дөньяга,беренче адым ясаган көннәре булып хәтердә калыр.

Хөрмәтле 9 нчы сыйныф укучылары! Бүген без сезне балачак белән хушлашырга һәм зур тормышка, олы дөньяга беренче адымыгызны ясарга озатабыз. Без теләсәк-теләмәсәк тә, бу көн килеп җитте. Алдагы көннәрегез гаҗәп матур да, тынгысыз да, соклангыч һәм авыр да булыр. Шул юлларда абынмыйча алга атлагыз. Хәерле юллар сезгә, балалар!

 20 июня члены отряда «БАРС» проводили  в центре села Старый Ашит  республиканскую антинаркотическую акцию «Жизнь без наркотиков!»  В рамках акции они проводили танцевальный флеш-моб. После окончания танцевальной части флэш-моба его участники раздали зрителям заранее заготовленные агитационные листовки о проекте «SаMоSтоятельные дети». Было роздано 34 листовки.

Каникулда укучылар һәм укытучылар файдалы эш белән шөгыльләнәләр - дару үләннәре җыялар.Халык:“Үсемлекләр безне ашата-эчертә, киендерә, дәвалый,”- дип әйтә. Чыннан да, күпчелек витаминнар һәм дарулар үсемлекләрдән әзерләнә. Дару үләннәрен үз вакытында җыярга, аларны күләгәле җиләс урында киптерергә кирәк. Аннан соң тамыр, яфракны вакларга кирәк. Чәчәкләр шул килеш кенә кулланыла. Аларны саклауның билгеле вакыты бар: үлән, яфрак һәм чәчәкләр – 1-2 ел, җимеш – 2-3 ел, тамыр 3-5 елга кадәр саклана.Табигать безгә сәламәтлегебез өчен күп төрле хәзинә бүләк итә. Ул хәзинәне күрә белергә, аларның кыйммәтен аңлый һәм аларны файдалана белергә генә кирәк.