Кышкы каникуллар сизелмичә дә үтеп китте. Өченче чирек башланды. Укытучыларга һәм укучыларга уңышлар телибез.

Кышкы каникулларда мәктәп яны катогы һәм спортзал  бер дә буш тормады. Укучылар һәркөнне район үтәчәк ярышларга әзерләнү тренировкаларына йөрделәр.  Студентлар белән укучылар, әтиләр белән укучылар арасында дусларча хоккей һәм волейбол ярышлары гөрләп узды.

5 январь нөнне мәктәптә "Барыгыз да чаңгыга!" девизы астында чаңгы ярышлары үтте, саф һавада кызыклы уеннар уйналды. Балаларның һәм өлкәннәрнең  шат кәефен табигатьнең буранлап торуы да боза алмады. Өйләргә таралганда Һәркемнең күңеле күтәренке, битләре алсуланган иде.

Чыршы тулы уенчыклар,
Ә башында йолдыз бар.
Куяннар, тиеннәр күпләр,
Шаян алар, елгырлар.

Күзләрдә бәхет елмая,
Ә шатлыкка чама юк.
Без биибез һәм җырлыйбыз,
Бездә бүген Яңа ел!

Яңа еллар килсен бәхет алып, 

Яңа еллар килсен елмаеп!

Бергә булыйк, бердәм булыйк,

Яшәмәгез, дуслар, моңаеп.

Яңа ел безгә бәхетләр,

Шатлыклар алып килсен.

Һәр өйгә дә язмышларның

Матурын алып керсен!

Ап-ак нурга чумган дөнья,

Ак кардай якты хисләр.

Бәйрәм белән тәбрик итәбез:

Яңа ел белән,дуслар!

23 нче декабрь көнне мәктәптә ЮХИДИ хезмәткәре Муллагалиев Ф.И. белән очрашу  булды.  Бу чараның максаты - балаларга юлда хәвеф–хәтәрсез йөрү кагыйдәләрен төшендерү һәм  балалар арасындагы имгәнүләрне кисәтү.Әңгәмә барышында юл куркынычсызлыгы хакында бик күп мәгълүмат бирелде, укучылар да үз чиратында инспектор абыйларына үзләрен кызыксындырган сораулар бирделәр. Соңыннан юл йөрү кагыйдәләре буенча инструктаж үткәрелде. 

21 нче декабрьдә безнең мәктәпнең укытучылардан торган "Эрудит" командасы (Гарипова Н.И., Фатхуллин Р.Н., Саляхова Л.А., Гайнуллина Р.Ә.) Казан арты тарих - этнография музеенда үткәрелгән "ТатАРЧА кичләр" проектының  "Акыл - батл" уенында катнашып I урынны яулап кайтты. Молодцы!

Дуслык – ул бик кыйммәтле язмыш бүләге. Дуслык безгә укырга, эшләргә, яшәргә ярдәм итә. Ул безне әйбәтрәк, яхшырак, көчлерәк итә. Кешегә дусларсыз яшәү мөмкин түгел. Дустың булу – зур байлык. 21 нче декабрь көнне барлык классларда да "Дуслык елмаюдан башлана" дигән исем астында  класс сәгатьләре үтте. Өлкән класс укучылары кечкенәләр белән урамда хәрәкәтле уеннар оештырдылар.

Мәктәптә "Тылсымлы дөнья" дип аталган  кул эшләнмәләренә конкурс игълан ителде.