Хөрмәтле хезмәттәшебез Радик Нурисламович!
 Сезне  олы бәйрәмегез –  50 яшьлек юбилеегыз белән чын күңелдән котлыйбыз. Сезгә ныклы сәламәтлек, күңел тынычлыгы, кайгы-хәсрәтсез көннәр, ак бәхетләр, бу тормышта якыннарыгызның ихтирамын тоеп, бәхетле озын гомер кичерүегезне телибез. Киләчәгегез җыр кебек матур, кояш кебек якты булсын.Туар таңнарыгыз һәрвакыт нурлы, күк йөзегез  аяз булсын. Гел шулай елмаеп, кешеләрне сөендереп яшәгез!

Һәрчак шулай яшьлек дәрте сездә
Янып торсын җәйге учактай,
Саулык, байлык, күп шатлыклар
Чиксез булсын язгы офыктай.

Печмәнтау башлангыч мәктәбе укучылары көзге табигатьне күзәттеләр. Туган ягыбызның матурлыгын, көзнең алтын төсләрен күреп, яшел уҗымнарга сакланып кайткач, шуларның барысын да  рәсемнәрендә чагылдырдылар.

Көз атлый бизәнеп,

Муллыкка сөенеп,

Китә бит инде дип,

Куябыз көенеп.

Яфраклар биешә,

Бардыр бит күргәнең!

Киенгән алтыннан,

Күр әле күлмәген!

Рәсемгә төшердем

Матурлык мизгелен.

Саклармын кышын да

Өемдә көзне мин.
                  Миләүшә Шәйхетдинова

 Ашлык булып җирдә үсә

 Уңыш бит ул сөмбелә.

 Бөтен җирне нурга күмә,

  Кояш бит ул Сөмбелә. Мәктәбебездә Сөмбелә бәйрәменә әзерлек бара.

Иске Кенәр башлангыч мәктәбе укучылары көзге яфраклардан ясалган эшләнмәләрдән "Көзге бизәкләр" исемле күргәзмә әзерләделәр..Һәр укучы үзенең эшләнмәсенә исем дә уйлады.

Биредә кунакка җыенучы кактусны да,батыр  әтәчне дә,урман патшасын да,зарядка ясаучы куянны да күрергә була.Молодцы!

Печмәнтау башлангыч мәктәбе укучылары мәктәп территориясен коелган яфраклардан чистарттылар. Тәҗрибә участогындагы  түтәлләрдән чүп үләннәрен чистартып, язга әзерләп калдырдылар.

8 октябрь көнне Арча муниципаль комитетының  әйдәп баручы белгече Нигматуллин Н.К.   укучылар белән эшлекле әңгәмә үткәрде. Ул мәктәптә , урамнарда, жәмәгать урыннарында тәртип саклау, куркынчысызлыкны тәэмин итү,  җинаятьләрне булдырмау  өчен үтәлергә тиешле  кагыйдәләрне  тагын бер кат искәртте. Заралы һәм начар гадәтләргә иярмәскә чакырды.

  8 октября  члены отряда «БАРС» проводили  в центре села Старый Ашит  республиканскую антиалкогольную акцию «Здоровая пробежка».  В рамках акции они проводили с прохожими пробежку с призывами, речевками про ЗОЖ. Участники проекта заранее подготовили листовки об опасности для здоровья употребления пива, алкоголя; с прохожими, принявшими участие в акции, подписывали однодневный контракт отказаться от вредных привычек. Было собрано 22 подписей. 

6 октябрь көнне Иске Кенәр авылы китапханәсендә өлкәннәр белән очрашу кичәсе булды.Иске Кенәр башлангыч мәктәбе укучылары  өлкәннәребезне бәйрәм белән котлап шигырьләр сөйләделәр,җырлар җырладылар.

Өлкәннәребез мул табын артында рәхәтләнеп сөйләшеп утырдылар,кичәне оештыручыларга үзләренең рәхмәтләрен җиткерделәр.

Илебез буенча октябрь ае башында Өлкәннәр көне уздырыла. Төрле җирләрдә котлаулар, бүләкләүләр, искә алулар бара.Өлкән кешеләр – безнең әти-әниләребез, әби-бабайларыбыз, хезмәт юлын лаеклы  узган ветераннарыбыз. Алар бик күп авырлыклар күргән, дөньяның ачысын-төчесен  татыган кешеләр. Без – яшь буын һәрберсен хөрмәт итәргә тиешбез.  Гомерләре буе хезмәттә кайнаган, тормыш авырлыкларын иңнәрендә күтәргән әби-бабаларыбыз картлык көннәрендә зур игътибарга, хөрмәткә лаек. Хөрмәтле өлкәннәребез! Сез  намуслы хезмәт иткәнсез,  безнең бәхетле тормышта яшәвебезгә үзегездән зур өлеш керткәнсез.     Бу дөньяда куйган хезмәтләрегез, кылган изгелекләрегез өчен зур рәхмәт сезгә. Без, яшьләр, сезнең киңәшләрегездән тайпылмабыз, үрнәк булырга тырышырбыз.