Бүген ТАССРга 100, Арчага 90, Бөек Җиңүгә 75 ел тулу уңаеннан, укучылар белән «ТАССР тарихы 10 минутта» исемле видеоролик карадык. Фәнни – популяр форматтагы бу ролик “2014-2020 елларга Татарстан Республикасында дәүләт милли сәясәтен гамәлгә ашыру” дәүләт программасы нигезендә әзерләнгән. Әлеге роликта Татарстан Республикасының оешуыннан алып бүгенгәчә булган иң мөһим вакыйгалар тасвирланган. Монда, гражданнар сугышы, ачлык, колхозлашу чоры, репрессия, сугыш һ.б. сурәтләнгән. Ул нибары 10 минутлык кына, үзе бик эчтәлекле, заманча итеп, юмор белән эшләнгән.

    Бүген укучыларыбыз белән дәрестән тыш эшчәнлек вакытында “Күңелле стартлар” уздырдык. “Батырлар” (малайлар) командасына каршы “Гүзәлләр” (кызлар) командасы көч сынашты. Ярышлар балаларның шат көлүләре белән үрелеп барды. Барлык балалар да актив һәм җитез булдылар. Сикерү, йөгерү, туплар белән көч сынаштылар. Спорт уеннары барысына да күңел күтәренкелеге бирде. Эстафета җиңүчесез булмый. ”Гүзәлләр” командасына тиңнәр булмады. Афәрин, кызлар!

    Камал театрына яңалык алып килгән щепкинчыларның берсе – Әзһәр Шакиров сәхнәдә 60 ел иҗат итә. 22 нче февральдә аңа 80 яшь тулды. Адәм баласы тормышның ачысын-төчесен күргән саен мәрхәмәтлерәк буладыр ул. Татарстанның һәм Россиянең халык артисты, Г.Тукай исемендәге республика премиясе лауреаты Әзһәр Шакиров та әнә шундый асыл ир затларының берсе.
    Бүген, Кушлавычтагы Тукаевларның музей-йортында, Әзһәр Шакировның 80 яшьлек юбилеена багышланган кичә үтте. Кичәдә укучыларыбыз да катнашты. Музей җитәкчесе Мөхәммәтшина Ләйлә апа юбилярның кыскача биографиясе һәм иҗаты белән таныштырып үтте. Соңыннан “Каргышлы балачак” фильмыннан өзекләр карадылар. Әзһәр Шакиров бу фильмда Бибимәмдүдәнең әтисе Зиннәтулла хәзрәт ролендә.

    Бүген Арча шәһәре балалар сәнгать мәктәбендә ТАССРның 100 еллыгы уңаеннан “Без бергә” республика милли фестиваленең район туры узды. Анда районның 36 мәктәбе төрле номинацияләрдә бик матур чыгышлар ясадылар, күргәзмәләр әзерләп килгәннәр иде. Безнең мәктәбебездән дә 5 нче сыйныф укучыбыз, моңлы сандугачыбыз Чулпан Бикчәнтәева үзенең чыгышын тәкъдим итте...

    Һәйкәл – әби-бабаларыбыз вакытыннан калган олы бер мирас. Ул, без дөньяга килгәнче, бик күп еллар буе җил-давылга, кар-буранга, салкынга түзгән һәм безнең илдә сугышлар барган вакытта авыл халкының авыр кыерсытуларга, авыр тормышка бирешмичә, алга атлавын күргән. Ә инде һәйкәлләрне карап, тәрбияләп тору безнең төп бурычларыбызның берсе!
    Бүген без дә укучылар белән авылыбызда Бөек Ватан сугышы каһарманнары истәлегенә куелган һәйкәл тирәләрен кардан чистарттык. Саф һава да суладык, изге эш тә башкардык. Исәннәрнең кадерен, үлгәннәрнең каберен бел дип, юкка әйтмәгәннәр. Сугышта үлеп калган авылдашларыбызны онытмыйк, укучыларда аларга карата кызыксыну, мәхәббәт тәрбиялик.

    "Ватанны саклаучылар көне" белән! Бәйрәм уңаеннан мәктәбебездә мәдәният учреждениеләре белән берлектә бик эчтәлекле һәм күңелле бәйрәм чарасы оештырылды. Кунакка әтиләр һәм отставкадагы хәрби прапорщик Галимҗанов Габделфәт абый чакырулы иде. Чараның беренче өлешендә әлеге матур бәйрәмнең тарихы һәм бүгенгесе белән таныштык, фильмнардан өзекләр карадык. Габделфәт абый үзенең һәм район хәрби комиссариатының котлауларын җиткерде...

    Икенче өлештә җитезлек ярышларында көч сынаштык. Эстафета, төрле уеннар, мылтыктан ату...

    Алдагы берничә көндә үткәрелгән ярышлар белән бүгенге бәйгеләрнең баллары берләштерелеп гомуми нәтиҗә ясалды...

    Хәрби-патриотик тәрбия бирүнең дәрәҗәсен күтәрү, инвалидларга, тыл һәм сугыш ветераннарына ярдәм күрсәтү максатында мәктәбебездә төрле чаралар уза. Айлык дәвамында укучылар ике командага бүленеп, төрле бәйгеләрдә катнаштылар. Шулай итеп, һәр команда очко туплап барды. Буген укучыларыбыз шашка ярышында көч сынашты.

    С 1 февраля 2020 года начинается прием заявлений в 1 класс МБОУ «Кошлаучская ООШ» Арского МР РТ.

    2020 елның 1 февраленнән Кушлавыч төп гомуми белем мәктәбенә 1 сыйныфка укырга керү өчен гаризалар кабул итү башланды.

    Международный день родного языка – праздник необычный, но очень важный. Этот праздник учреждён решением 30-й сессии Генеральной конференции ЮНЕСКО в ноябре 1999 года и отмечается 21 февраля с 2000 года ежегодно с целью защиты языкового и культурного многообразия.
    В честь этого дня была проведена викторина «Знатоки русского языка». Викторина - хороший способ закрепить и повторить изученные орфограммы.
    Учащиеся с удовольствием приняли участие в мероприятии. Познавательный материал был подобран с учетом возрастных особенностей учащихся. Дети в процессе мероприятия были активны, работали с удовольствием. Они с азартом отгадывали загадки, ребусы, выполняли сложные интересные задания. В классе присутствовала атмосфера соревнования и деловой конкуренции.

    21 нче февраль – Халыкара туган тел көне. Шушы уңайдан мәктәбебездә туган тел атналыгы дәвам итә. Туган телгә - ана телебезгә мәхәббәт тәрбияләү, телебезне сакларга һәм якларга кирәклеген төшендерү, туган телнең матурлыгын тоярга өйрәтү максатыннан башлангыч сыйныф укучылары белән “Могҗизалар кыры” уены үткәрелде. Әлеге чарада укучыларның тел буенча белемнәре сыналды. Җиңүче булып 4 нче сыйныф укучысы Минһаҗева Зәлинә калды.

    Уен азагында Муса Җәлилнең “Җырларым” шигыре татар, үзбәк, кыргыз, төрекмән, башкорт һәм каракалпак телләрендә укылды...