Билгесез солдат көне – Россия тарихында чагыштырмача яңа истәлекле дата, ул һәр елны 3 декабрьдә билгеләп үтелә. Бу истәлекле көннең мәгънәсе – сугыш хәрәкәтләрендә һәлак булган, ләкин шул ук вакытта исемнәре билгесез калган совет һәм Россия сугышчыларының сугышчан һәм үлемсез батырлыкларын хәтерләүне мәңгеләштерү. Беренче тапкыр безнең илдә Билгесез солдат көнен 2014 елда билгеләделәр. 3нче декабрь көне дә очраклы гына сайланмады. Нәкъ менә 1966 елның 3 нче декабрь көнендә Мәскәү астында немец-фашист гаскәрләрен тар-мар итүнең 25 еллыгы уңаеннан, Ленинград шоссесының 41 нче километрындагы (Зеленоград шәһәренә керү юлында) һәлак булган совет сугышчыларының туганнар каберлегеннән билгесез солдат җәсәде Мәскәү Кремле стенасы буендагы Александров бакчасына кайтарып җирләнде.
    Билгесез солдат каберенә куелган плитәгә түбәндәге сүзләр язылган...

    Коррупция - дәүләт вазыйфаларын биләүче, шулай ук дәүләт граждан хезмәте яисә муниципаль хезмәт вазыйфаларын биләүче затларның, үз вазыйфаи вәкаләтләреннән һәм шул вәкаләтләргә бәйле мөмкинлекләрдән файдаланып, үз мәнфәгатьләрендә, шулай ук башка затлар мәнфәгатьләрендә, шәхсән үзләре яисә арадашчылар ярдәмендә законсыз рәвештә мөлкәти байлыклар һәм өстенлекләр алуы йә алардан файда күрүе, шулай ук әлеге затларны физик һәм юридик затлар тарафыннан шушы байлыкларны һәм өстенлекләрне законсыз бирү юлы белән сатып алу. Бүген сыйныф сәгатендә әнә шул хакта сөйләштек. Укучылар фикере тыңланды. Укучылар белән төрле эчтәлекле казуслар чиштек. Һәрбер укучы үз фикерен әйтте.

    Сәләтле балалар белән эшләү өчен мәктәбебездә төрле түгәрәкләр эшли. Укучылар драмтүгәрәккә бигрәк тә яратып йөриләр. Кичә укучылар "Дус булыйк без мәңгегә" исемле әкияте белән балалар бакчасына кунакка керделәр. Балалар нәни артистларны бик яратып кабул иттеләр.

    Салкын кышларга кереп барганда, без иң җылы һәм якты бәйрәмнәрнең берсен - Әниләр көнен билгеләп үтәбез. Безгә тормыш бүләк иткән, бөтен йөрәк җылысын биргән, безнең өчен тынгысыз көннәр, йокысыз төннәр кичергән газизләребезгә нинди генә теләкләр теләсәк тә аз булыр сыман. Тормышыбыз бизәге булган әниләребез матур да, батыр да, мәрхәмәтле дә, изге күңелле дә.
    Кичә без мәктәбебез укучыларының әниләрен бәйрәмгә чакырдык. Укучылар үзләренең һөнәрләрен күрсәттеләр: җырладылар, биеделәр, шигырьләр сөйләделәр, спектакльдә катнаштылар. Әниләргә үзләре ясаган чәчәкләр бүләк иттеләр. Әниләрне дә тик тотмадык, күңелле уеннарда катнаштырдык.

    Мәктәбебездә Әниләр көненә укучылар арасында бик күләмле рәсем конкурсы уздырылды. Бу бәйгедә 1-4 сыйныф укучылары бик теләп катнаштылар. Иң уңышлы дип табылган рәсемнәрдән мәктәп фойесында күргәзмә дә оештырылды. Аеруча матур ясалган эшләр Яңа Кенәр балалар сәнгать мәктәбенә җибәреләчәк.

   Ел да көзге-кышкы чорда сулыкларда куркынычсызлык таләпләрен үтәмәү аркасында, дистәләрчә кешенең, шул исәптән балаларның да, гомере фаҗигале төстә өзелә. Шушындый күңелсезлекләрне кисәтү максатыннан, без бүген укучылар белән “Бозда сак бул!” дигән темага әңгәмә үткәрдек, тагын бер тапкыр кагыйдәләрне искә төшердек.
   Тормышның кадерен белегез, тирә-юньдәгеләргә игътибарлы булыгыз! Елгалар, күлләр, буалар һәм сулыклар өстендәге боздан чыкканда сак булыгыз!

    “Юлларда балалар куркынычсызлыгы” Бөтенрәсәй ирекле интернет-акциясендә мәктәбебез укучылары бик теләп катнашалар. Чараның төп максаты: укучыларның юл йөрү кагыйдәләре буенча белемнәрен һәм үзләштерү дәрәҗәсен арттыру. “Юл билгеләре”, “Юл йөрү кагыйдәләре”, “ППД билетлары” рубрикалары көн саен төрле мәгълүматлар, тестлар белән тулыландырылып торыла. Атна саен актив укучыларга призлар бирелә. Балаларның активлыгы портфолиодостижений.рф сайтында шәхси портфолиода чагылдырыла. Юлларыбыз имин булсын!..

   "Добрые Крышечки" - социаль-экологик проект. Ул үсешләре үзенчәлекле булган балаларга ярдәм йөзеннән хәйрия прокты булып тора. Шулай ук әлеге акция планетаны чистарту дип тә карала. Безнең мәктәптә дә бу чара башланып китте. Укучыларның активлык арта бара.

    Тиздән ноябрь аеның иң матур бәйрәме – Әниләр көне җитә. Әни – җирдә иң газиз, якын кеше. Ул сине тудырган, көйләп бишектә тирбәткән, синең беренче елмаюыңны, тәпи атлап китүеңне күреп шатланган, туган телен, халык моңнарын яратырга өйрәткән. Без үзебезнең тормышыбызны алардан башка күз алдына да китерә алмыйбыз. Алар – безнең дөньябызның яме.
    Кичә укучыларыбыз республика күләмендә үткәрелгән "Незабудка РДШ" акциясе кысаларында незабудка (күгәрчен күзе) чәчәген ясадылар. Күгәрчен күзе чәчәге - Әниләр көненең төп символы ул. Эшләнмә бик матур килеп чыкты.

    Бүген мәктәбебезгә яшүсмерләр эшләре буенча инспектор, полиция капитаны Усманова Э.С., Арча муниципаль районы башкарма комитеты аппаратының яшүсмерләр арасында хокук бозуны кисәтү буенча әйдәп баручы белгече Хабирова Р.Г., яшүсмерләр һәм аларның хокукларын яклау эшләре буенча төп белгеч Яруллина А.А., Арча үзәк больницасыннан акушерка Галимова Г.Г. укучылар белән очрашуга килделәр. Һәр белгеч үз юнәлеше буенча укучылар алдында чыгыш ясадылар, төпле киңәшләрен бирделәр. Балалар үзләрен кызыксындырган сорауларга тулы җаваплар алдылар.