Хәрби-патриотик айлык кысаларында күргәзмә оештырдык.

Укучыларыбыз белән даими рәвештә юл йөрү кагыйдәләрен искә төшерәбез, дәресләр беткәч тә әңгәмәләр үткәрәбез. Бүген дә укучыларның сумкаларында һәм киемнәрендәге яктылык кайтаргычларны тикшердек. Балалар да, әти-әниләр дә үз тормышлары өчен битараф түгел. Киемдә, сумкада  яктылык кайтаргычлар һәрвакыт бар. Үзебезнең тынычлыгыбызны, иминлегебезне  контрольдә тотыйк!

Бүген без югары сыйныф укучылары белән 2023 нче ел Россиядә педагог һәм остаз елы уңаеннан һәм  "Татарстан Республикасында хатын-кыз исемнәре: тарих һәм хәзерге заман" исемле региональ проект кысаларында   Арча ягының горурлыгы, 34 елдан артык  балаларга белем бирүче, Ленин ордены, Почет билгесе кавалеры, үзенең авыр, ләкин мактаулы хезмәте өчен иң зур дәрәҗә - Социалистик Хезмәт Герое исеменә лаек булучы, танылган  укытучы Габдрахманова Стелла Зәкиевнага багышланган түгәрәк өстәл уздырдык. Аның тормышы  турында укучыларга тулы белешмә бирдек. Әлеге чарада клуб мөдире Фәния Нурислам кызы да катнашты. Ул да балаларга аның хезмәт юлы буенча күп мәгълүмат бирде.
   Стелла Зәкиевна үрнәк булырлык шәхес! Безнең арабызда олы тәҗрибәгә ия, мактаулы хезмәт юлын узган укытучы-педагоглар күп булсын иде.

Без бүген Совет гаскәрләрен Әфганстаннан чыгару көненә багышланган “Хәтер төене” (“Узелок на память”) акциясендә катнаштык. 15 февраль – узган гасырның мөһим вакыйгасы булган көн, ул кешеләрне тыныч күкне кадерләргә өйрәтте. Яшь буында туган илеңне, җиреңне саклау, ярату хисләре тәрбияләү бүгенге иң мөһим бурычларның берсе. Акциянең төп бурычы – тарихи хәтерне саклау. Мондый конфликтларда катнашучылар – үз бурычларына һәм намусына җаваплы мөнәсәбәтнең чын мисалы. Истәлеккә төен бәйләү – мөһим нәрсә турында онытмау дигән сүз. Укучылар да, үзләренең кулъяулыкларына төен бәйләделәр. Бу хәтер төеннәре Әфганстанның канлы басуларыннан беркайчан да туган илләренә исән килеш әйләнеп кайтмаучыларны, үзенең хәрби бурычын намус белән үтәүчеләрне искә төшереп торыр. Акция Ватаннан читтә хезмәт бурычын үтәгәндә һәлак булган сугышчы – интернационалистлар истәлегенә бер минутлык тынлык белән тәмамланды.

Юллар,юллар! Мине туган йорттан
Аерып ерак алып киттегез.
Җитәр инде, озак кунак булдым,
Хәзер кире өйгә илтегез...
1906нчы елның 15нче февралендә Оренбург губерниясе Мостафа авылында Муса Җәлил дөньяга килә.
Гаиләдә ул алтынчы бала бала була. Әтисе- Мостафа Җәлилов, әнисе – Рәхимә Җәлилова. Башка балалар кебек ул да яланаяк яшел чирәм өстендә йөгергән, казлар көткән, су коенган, әнисенең моңлы җырларын тыңлаган.
Җыр өйрәтте мине хөр яшәргә
Һәм үләргә кыю ир булып.
Гомрем минем моңлы бер җыр иде,
Үлемем дә яңрар җыр булып.
Укучылар белән шагыйрь иҗатын искә төшердек. Шигырьләрен яттан сөйләдек.

"Созвездие" фестиваленең чираттагысына сайлап алу турлары районнарда үткәрелә. Бүген Арча балалар сәнгать мәктәбендә "Арча йолдызлары" узды. Мәктәбебездән Чулпан бик матур чыгыш ясап кайтты.

Әфган сугышы: бу коточкыч вакыйгаларга нокта куелган 1989 нчы елның 15 нче февраленнән соң нәкъ 34 ел вакыт узып киткән. Сугыш... Кыска гына сүз, ә мәгънәсе бик куркыныч. Сугыш бервакытта да үлемсез генә булмаган. Әфган сугышы да күп югалтулар китерә. Саннар уйланырга мәҗбүр итә. Сугыш 9 ел 1 ай 19 көн дәвам итә. Шушы сугышта Татарстаннан 9570 кеше катнаша, аларның 260 ы сугышта һәлак була, 233 е инвалид, 546 сы яралана, контузия ала. Әлеге саннарны безнең онытырга хакыбыз юк.
15 нче февраль – Россиядә әфганчылар көне. Шул уңайдан, тәрбия сәгатендә Әфган сугышы, аның асылы белән таныштырдык. Әфганстанда хәрби хезмәттә һәлак булган ир-егетләребезне искә алдык.
Война в Афганистане - одна из самых трагических страниц летописи советской эпохи. Она навсегда останется в памяти не только ветеранов войны, но и всех последующих поколений. Служить они уходили мальчишками, а возвращались ветеранами. Они с честью выполнили свой интернациональный долг. А сегодняшние мальчишки и девчонки должны сохранить память о той войне, о подвигах, о славе, о погибших героях.
15 февраля – особый день для тех, кто участвовал в Афганской войне. Эта дата начала вывода советских войск из Афганистана.
На уроке Мужества “Афганистан – незаживающая рана” учащиеся познакомились с историей Афганской войны, узнали о причинах начала ни кем необъявленной Афганской войны и ее продолжительности, о невосполнимых потерях советских войск, о наших земляках, которым судьба предначертала жестокую участь — сгореть в огне чужой войны и которым уже никогда не суждено переступить порог родного дома.

13 нче февраль көнне бөек рус җырчысы Фёдор Иванович Шаляпинга 150 ел була. Шул уңайдан укучыларыбыз белән викторина уздырдык. Алар белән Ф.И.Шаляпин иҗаты һәм тормыш юлы турында дәресләрдә күп мәгълүмат алдык, шуның нәтиҗәсе итеп, викторинадагы бар сорауларга дөрес җавап бирделәр.

Федор Шаляпин родился и вырос в Казани. Здесь же впервые выступил на театральной сцене. Русский оперный и камерный певец обладал уникальным басом. В разное время он был солистом Большого и Мариинского театров, Метрополитен-оперы. Его репертуар насчитывал почти 400 произведений — оперных арий, песен и романсов. В 1918 году Шаляпин первым из деятелей искусств Советской России получил звание народного артиста республики.

Укучыларыбыз патриотик айлык кысаларында, шулай ук Россия гаскәрләренә ярдәм йөзеннән, «Солдатка хат» акциясендә катнаштылар. Балалар солдатларга 23 февраль белән котлап открытка ясадылар. Сәламәтлек һәм тиз арада өйләренә кайтуларын теләделәр, шулай ук тыныч күк йөзе өчен рәхмәт белдерделәр. Күп укучыларыбызның теләкләрендә «Кадерле солдат, мин илебездә сезнең кебек сакчылар булуы белән бик горурланам! Исән-сау әйләнеп кайт. Тыныч күк йөзе өчен рәхмәт! Илебезне саклаганың өчен рәхмәт!"- дигән юллар бар иде.

Бүген мәктәбебездә татар әдәбияты дәресендә “Җан җылысы кирәк кешегә” дип исемләнгән әдәби кичә үтте. Бу кичә, язмыш  сынауларын  җиңеп, олы җанлы  кеше булып  яшәргә көч тапкан, корыч  ихтыярлы, изге  җанлы шагыйрь,  язучы, драматург Фәнис Яруллинның тормышы һәм иҗатына багышланды. Бүген аның тууына 85 ел булды.
Укучылар шагыйрьнең тормыш юлы турында видео карадылар, аның  язган шигырьләрен яттан сөйләделәр. Аның шигырьләре үзе бер дәрес. Аларның эчтәлекләрендә тирән мәгънә ята. Ул шигырьләр табигатьне ярату, саклау, олыларга мәрхәмәтлелек, шәфкатлелек сыйфатлары белән сугарылган.
Язмыштан  узмыш  юк, диләр. Дөньяның һәр  почмагында сугыш-кырылыш, эчү һәм наркотиклар  таза  тәнле  кешеләрне  дә  юкка  чыгарганда, шушы  афәтләргә каршы  чын каһарманнарча  көрәшүче, халыкка  көч  бирергә  тырышучы, гүзәл иҗат  җимешләре  белән явызлыкка  каршы  шигъри  сүз  белән  армый-талмый көрәшүче  бөек  шәхес ул  Фәнис Яруллин. Син кем генә булсаң, зур кешеме син, баламы, баймы син, әллә гади кешеме – һәрвакытта кеше булып калырга, бер –беребезне ярата белергә, бер- беребезгә игътибарлы булырга, җылы сүзләребезне кызганмаска өнди ул безне.

Җан җылысы – назлы яз җылысын
Өләшәсе иде күберәк.
Алтын – көмешләрсез яшәп була,
Җан җылысы кирәк кешегә.