Тарих битләреннән:

Бәйрәм тарихы Россия тарихына барып тоташа. Петр 1 (1715 елда) җәмәгать тәртибен саклау йөзеннән полиция хезмәтен төзи. Грекчадан тәрҗемә иткәндә, полиция сүзе дәүләт белән идарә итү дигәнне аңлата. 1917 елгы революциядән соң ук, 10 ноябрьдә милиция төзелә, аңа да шушы ук функцияләр йөкләнә. Президент Указы белән 2011 елда полиция дигән исем кабат кайтарылды. Бәйрәм тарихы,  эчке эшләр органнарының җәмгыятьтәге роле, полиция хезмәткәрләренең гражданнарның тыныч тормышын тәэмин итүгә куйган хезмәтләре турында мәктәбебез укучылары белән әңгәмәләр үткәрелде.

Мәктәптә дәресләрдән соң, шулай ук өйдә дә Сәрдәбаш башлангыч мәктәбе укучылары Uchi.ru сайтында математика һәм рус теле фәне буенча  биремнәрне бик теләп һәм яратып башкаралар. Биремнәр бик кызык, мавыктыргыч. Ә инде иң актив укучыларыбыз конкурс һәм олимпиадаларда катнашып диплом , грамоталар белән бүләкләнделәр.

Көзге боз көзге калынлыгы гына булса да ышан, дисә­ләр дә, көчле салкыннар башланмыйча сулыкларда боз ныгымый. Кичке һәм төнге вакытта боз зур булмаган авырлыкны чыдата, ә көндезләрен кояш нурлары тәэсирендә ул көпшәкләнә, йомшаклана.  Беренче боз хасил булу белән балаларның хоккей уйнау һәм шугалакта шуу теләге барлыкка килә. Бүген мәктәбебездә шушы мәсьәләгә профилактик әңгәмәләр үткәрелде. Аның кысаларында “Юка боз куркыныч”, “Боз катламы булган сулык­ларда үз-үзеңне тоту кагыйдәләре һәм куркыныч туган очракта коткару чаралары” дигән темага роликлар күрсәтелде.

3 нче ноябрьдә   «Арча хәбәрләре” газетасы журналистлары яшь каләм тибрәтүчеләр  белән очрашты. Әлеге очрашуны Арча укучылар сарае оештырды. Очрашуда бүгенге татар матбугаты, аларда күтәрелә торган проблемалар, тел һәм мәдәният мәсьәләләренең куелышы, заманча мәгълүмат ресурслары һ.б. турында сүз барды. Бу очрашуда мәктәбебезнең яшь журналистлары –Тухфатуллина Д. һәм Яруллина Э. катнашты.

Бүген мәктәбебезнең укытучылары мылтыктан ату һәм дартс буенча профсоюз ярышларында актив катнаштылар.

3 нче ноябрь көнне мәктәптә “ФГОС шартларында башлангыч мәктәп һәм төп мәктәп арасында эзлекле бәйләнеш”  темасына педагогик киңәшмә үтте. Киңәшмәдә белем сыйфатын күтәрүнең шарты буларак укучыларны ДЙА  га әзерләүдә уңышлар һәм проблемалар, I чирек йомгаклары һәм алда торган бурычлар, хокук бозу очракларын кисәтү буенча эшчәнлек мәсьәләләре каралды.

2 ноября 2016 года в спорткомплексе ДСЮШ Арча прошел турнир по баскетболу среди юношей 2002 г.р. и моложе. Учащиеся нашей школы приняли активное участие в этих соревнованиях. 

  Каникул көннәре булуга  карамастан мәктәбебез  балалар тавышыннан шау-гөр килеп тора.  1-8 класс укучылары спортзалга хәрәкәтле уеннар уйнарга килсә,   9 нчы класс укучылары имтихан тапшыра торган фәннәреннән консультациягә киләләр.

Көзге каникуллар вакытында укучылар мәктәп спортзалында бик теләп шөгыльләнәләр. Каникул вакытында уздырылачак баскетбол һәм теннис ярышларына әзерлек бара. 

Бүгеннән укучыларны көзге каникулларга җибәрәбез. Каникул вакытында куркынычсызлык кагыйдәләрен үтәргә, саф һавада уйнарга, китаплар укырга кирәк. Күңелле яллар итегез, кадерле укучыларыбыз!