Бу көн очраклы рәвештә генә сайланмаган: Мәскәү астында немец фашистларын тар-мар итүнең 25 еллыгы көнендә - 1966 елның 3 декабрендә Ленинград юлының 41нче чакрымындагы туганнар каберлегендәге билгесез солдатның җәсәден тантаналы төстә Александр бакчасына күчереп җирләгәннәр. Шушы уңайдан  мәктәбебездә укытучылар һәм укучылар белән берлектә Билгесез солдатларны искә алу көнен билгеләп үттек. Башта илебез иминлеге, безнең киләчәк буынның тынычлыгын саклап, һәлак булып, билгесез солдатлар каберлегенә күмелгән солдатлар турында мәгълүмәт бирелде. Соңыннан   сугыш каһарманнарының якты истәлегенә авылыбыз  уртасында  куелган һәйкәл янына җыелдык. Анда Җиңү төсе - кызыл тасмалар белән әйләндереп алынган веноклар салдык.

Математика атналыгы кысаларында 5 нче класста “Гамәлләрне башкару тәртибе” темасына укытучы Абдуллина Э.В. ачык дәрес үткәрде. Дәрес Сингапур методикасы элементларын кулланып үткәрелде. Укучылар тема буенча белемнәрен тирәнәйттеләр, төркемнәрдә эш, парларда эш күнекмәләрен камилләштерделәр.

Бүген атналык кысаларында математика укытучысы Абдуллин Р.Р. интернеттагы куркынычсызлык кагыйдәләре буенча ачык дәрес үткәрде. Укучылар өйдәге интернетның ни өчен эшләмәве, антивирус программалары, телефондагы интернетның файдасы һәм куркыныч яклары турында белеп киттеләр.

1 декабря во Всемирный день борьбы со СПИДом участники отряда «Selet» провели акцию, в ходе которой были распространены листовки среди населения, также данные листовки были закреплены около  жилых домов.

Китап — иң акыллы киңәшчеләрнең берсе. Китап һәр кешегә хезмәттә булыша, ул кешеләрне бәладән коткара, тормышны танып белергә өйрәтә. Китап кешегә үсәргә һәм халыкның аңын баетырга мөмкинлек бирә.Бала чакта китап укудан да күңелле нәрсә юктыр. Бигрәк тә ул китапта сиңа таныш хәлләр турында язылган булса, аны кат-кат укыйсы, алар турында иптәшләреңә сөйлисе, шигырьләрен күңелдән ятлыйсы килә. Андый китаплар — безне бала чактан зур тормышка озатып калучы, гомер буе хәтердә яңарып торучы иң якын дусларыбыз, һәр кеше китапны үзенең иң якын дусты итеп күрә. Китап — канатлы ул! Китап, үзенең канатына утыртып, сине мең елга артка илтеп ташлый, яисә ул кешене йөз елга алга алып китә. Китап — әнәшундыймогҗизалынәрсә ул. Китапханәче Яруллина В.Х.  3 класс укучылары белән “Балалар китабы бәйрәме” дигән уен оештырды. Укучылар үзләре укыган китаплар буенча сорауларга җавап бирделәр, рәсемнәре буенча әкиятләрне таныдылар, язучылар турында мәгълүмат алдылар. Уен бик күңелле узды. 

1 декабрь- Бөтендөнья СПИДка каршы көрәш көне. Шул унайдан мәктәбебездә  7-9 нчы класс укучылары өчен «Мин үземне сакларга әзер» темасы буенча түгәрәк өстәл үткәрелде. Укучылар ВИЧ инфекциясе, СПИД авыруын булдырмый калу һәм башка профилактик чаралар турында сөйләштеләр, видеороликлар карадылар, үз фикерләрен әйттеләр.

Математика атналыгы дәвам итә. Бүген “Математик Сабантуй” уенының өченче этабы үтте. Уенда мәктәбебезнең барлык укучылары да бик теләп катнаштылар. Математик мәсьәләләрне зур кызыксыну белән чиштеләр. Уенның җиңүчеләре билгеләнде.

Бүген математика атналыгы кысаларында “Белемле меңне егар” дип исемләнгән 5 һәм 6 класс укучылары арасында “Тамчы-шоу” интеллектуаль бәйгесе үтте. Бәйгедә укучылар үзләрен төрле яклап сынадылар: математик сорауларга җавап бирделәр, саннар кергән мәкальләр әйтештеләр, бөек математикларны барладылар, зирәклектә, тапкырлыкта ярыштылар. Җиңүне 5 классның “Елмаю” командасы кызлары яулады. Әфәрин, кызлар.

Мәктәптә математика атналыгы кысаларында “Математик Сабантуй” уены дәвам итә. Укучылар бүген үзләрен кызыклы мәсьәләләр чишүдә сынадылар.