Муниципальное бюджетное общеобразовательное учреждение «Нижнеметескинская средняя общеобразовательная школа имени Д.Г.Хакимова» Арского муниципального района Республики Татарстан / Татарстан Республикасы Арча муниципаль районының «Хәкимов Д.Г исемендәге Түбән Мәтәскә урта гомуми белем мәктәбе» муниципаль бюджет гомуми белем учреждениесе
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422022, РТ, Арский район, село Нижние Метески, улица Молодежная, дом 11\ Татарстан Республикасы Арча муниципаль районы, Түбән Мәтәскә авылы, Яшьләр урамы, 11 нче йорт |
| Телефон: | +7(843)-665-62-03 |
| E-Mail: | Snm.Ars@tatar.ru |
| Министерство: | Министерство образования и науки Республики Татарстан |
| Короткое название: | МБОУ «Нижнеметескинская СОШ имени Д.Г.Хакимова» |
| Руководитель: | Гайнетдинов Ильдар Борханович |
| Год основания учреждения: | 1984 |
| У нас учатся: | 141 (25 в филиалах) / Бездә укыйлар: 141 укучы |
| У нас учат: | 23 (4 в филиалах) / Бездә укыталар 23 укытучы (4 укытучы филиалларда) |
Муниципальное бюджетное общеобразовательное учреждение «Нижнеметескинская средняя общеобразовательная школа имени Д.Г.Хакимова» Арского муниципального района Республики Татарстан / Татарстан Республикасы Арча муниципаль районының «Хәкимов Д.Г исемендәге Түбән Мәтәскә урта гомуми белем мәктәбе» муниципаль бюджет гомуми белем учреждениесе - новости
Страницы: << 261 262 263 264 265 266 267 268 269 ( 270 ) >>
-
"Туган телем язмышы" атналыгы 26.01.2015
"Туган телем язмышы" атналыгында Казиле башлангыч мәктәбе укытучысы Арсаева Лилия Равил кызы 3-4 класс укучылары белән “Йолдызлы сәгать» бәйгесе уздырды. Укучылар туган тел буенча белемнәрен сынадылар.
-
"Татар теле-туган телем" 24.01.2015 Мөндеш башлангыч мәктәбендә "Туган телем язмышы" атналыгы кысаларында "Татар теле-туган телем" исеме астында мәкальләр әйтешү, бирелгән сүздәге хәрефләрдән яңа сүзләр төзү, табышмаклар әйтешү бәйгесе булды. Бәйгедә дуслык җиңде.
-
Ата-аналар җыелышы. 23.01.2015 22 нче январьда мәктәбебездә ата- аналар җыелышы булды. "Мәктәп укучыларында дәрес хәзерләүгә җаваплы караш формалаштыру” темасына инглиз теле укытучысы Потехина Ләйсән Альбертовна чыгыш ясады. Директор урынбасары Закирова Лилия Әхәтовна I яртыеллык нәтиҗәләренә анализ ясады, III чиректә мәктәп алдында торган бурычлар, максатларга тукталды. Җыелышның икенче өлешендә әти-әниләр класс җыелышларында булдылар. Чыгарылыш класс укучыларының әти-әниләре балаларның имтиханга әзерлек эшләренең торышы, яңалыклар-үзгәрешләр, имтиханнарның якынча даталары белән таныштылар. Алар алдында имтиханнарга әзерләүче укытучылар һәм директорның уку-укыту эшләре буенча урынбасары Закирова Л.Ә. чыгыш ясадылар
-
Туган телем-иркә гөлем 22.01.2015
"Туган телем язмышы" атналыгында эшнең үтәлеше буенча китапханәче Сәгъдиева Х.К. башлангыч сыйныф укучылары өчен "Тел дигән дәрья бар" исемле информацион белешмә сәгате үткәрде. Укучылар язучылар иҗатында туган тел темасының яктыртылышы турында фикер алыштылар. "Туган телебезнең язмышы - киләчәк буын кулында. Сез сакласагыз һәм якласагыз , тел югалмас", -диде аларга китапханәче апалары.
-
Туган телем язмышы 21.01.2015
19 нчы гыйнвардан 23 нче гыйнварга кадәр мәктәптә "Туган телем язмышы" атналыгы игълан ителде. Татар теле , әдәбияты укытучысы Йосыпова Р.К., китапханәче Сәгъдиева Х.К. "Туган телем-иркә гөлем" исемле әдәби чара үткәрделәр. Укучылар белән фикер алышу, татар милли уеннарын уйнау, җырлар җырлау оештырылды.
-
Котлыйбыз! 20.01.2015 Арча муниципаль районы Мәшгульлек үзәге үткәргән "Киләчәккә билет" иншалар конкурсында икенче урын алган 6 класс укучысы Арсаева Чулпанны, 8 класс укучысы Шәяхмәтова Сафияне, 3 нче урын алган 9 класс укучысы Рәхимҗанова Рәзиләне, 8 класс укучысы Гаффарова Әнисәне, 10 класс укучысы Рамазанов Айнурны һәм Рәхмәт хатлары белән бүләкләнгән 8 класс укучысы Хәсәнова Зөлфияне, 10 класс укучысы Рәхмәтуллина Лилияне котлыйбыз! Укучыларны әзерләгән татар теле укытучылары Габдрахманова Н.Ш., Муллагалиева Г.Н. һәм рус теле укытучысы Шакирова Г.К.га рәхмәт белдерәбез.
-
Көрәшчеләрне котлыйбыз! 19.01.2015 16 гыйнварда Яңа Кенәр мәктәбе спорт залында яшүсмерләр арасында район җитәкчесе призына көрәш буенча ярышлар булды. Ярышлар районның татарча көрәш федерациясе җитәкчесе Ринат Алиев рәислегендә үтте. Көрәшне Фәнис Зарипов, Булат Гәрәев хөкем итте. Келәмдә яшүсмерләрне Рөстәм Габделбәров, Илшат Идиятов, Илнар Сөнгатов көрәштерде. Ярышларда безнең мәктәп укучылары да катнашты. 40 кг.га кадәрле үлчәүдә 5 нче класс укучысы Әлфис Мәннанов икенче урын, 65 кг.га кадәрле үлчәүдә 8 класс укучысы Айнур Бәдретдинов беренче урын алдылар. Җиңүчеләрне район башкарма комитеты җитәкчесе Илшат Нуриев, республиканың татар—башкорт федерациясе җитәкчесе Равил Хәйруллин котлап, бүләкләр тапшырды.
-
Мәктәп тормышы - "Республика Татарстан" газетасында 17.01.2015
Безнең мәктәп тормышы республика прессасында яктыртылды. “Республика Татарсан” газетасы битләрендә журналист Сергей Семеркинның “О Нижних Метесках помнят и в Малайзии” мәкаләсе басылды. Кызыксынучылар укый аласыз: http://www.rt-online.ru/aticles/rubric-72/10119331/
-
Спортчыларны хөрмәтләү. 16.01.2015 16 гыйнварда Түбән Мәтәскә клубында спортчыларны хөрмәтләү кичәсе булды. 10 класс укучысы Мәтәскә кызы Рәхмәтуллина Лилия 2013 нче елның сентябрендә Алабугада үткән роликлы чаңгы ярышында беренче урынны алды. Ижевск шәһәрендә җиңү яулады. Узган ел декабрьдә Уфада үткән Бөтенроссия ярышында республика командасы составында эстафетада көмеш медаль алды. Район башкарма комитеты җитәкчесе Илшат Нуриев Лилияне уңышлары белән котлады, бүләк тапшырды, яңа уңышлар теләде. Спорт бәйрәме җыр-биюләр белән дәвам итте. Бәйрәмне Арча телевидениесе төшерде.
-
Җиңүнең 70 еллыгын каршылап. 16.01.2015 Бөек Ватан сугышында Җиңүнең 70 еллыгын билгеләүне әзерләү һәм бәйрәм итүне оештыру комитетының чираттагы утырышы узды. Утырышта чыгыш ясаучы мәктәп директоры Сәгъдиев Т.И., директор урынбасары Муллагалиева Г.Н., “Туган як” музее җитәкчесе Закирова Л.Ә. әзерлек эшләренең торышы, патриотик эш алып бару, Бөек Ватан сугышы белән бәйле истәлекле урыннарны барлау, төзекләндерү, ветераннар белән эшләү турында хисап тоттылар, эш планы үтәлешенә нәтиҗәләр ясадылар.
