Муниципальное бюджетное общеобразовательное учреждение «Нижнеметескинская средняя общеобразовательная школа имени Д.Г.Хакимова» Арского муниципального района Республики Татарстан / Татарстан Республикасы Арча муниципаль районының «Хәкимов Д.Г исемендәге Түбән Мәтәскә урта гомуми белем мәктәбе» муниципаль бюджет гомуми белем учреждениесе
Визитная карточка
| Адрес: | 422022, РТ, Арский район, село Нижние Метески, улица Молодежная, дом 11\ Татарстан Республикасы Арча муниципаль районы, Түбән Мәтәскә авылы, Яшьләр урамы, 11 нче йорт |
| Телефон: | +7(843)-665-62-03 |
| E-Mail: | Snm.Ars@tatar.ru |
| Министерство: | Министерство образования и науки Республики Татарстан |
| Короткое название: | МБОУ «Нижнеметескинская СОШ имени Д.Г.Хакимова» |
| Руководитель: | Гайнетдинов Ильдар Борханович |
| Год основания учреждения: | 1984 |
| У нас учатся: | 141 (25 в филиалах) / Бездә укыйлар: 141 укучы |
| У нас учат: | 23 (4 в филиалах) / Бездә укыталар 23 укытучы (4 укытучы филиалларда) |
Муниципальное бюджетное общеобразовательное учреждение «Нижнеметескинская средняя общеобразовательная школа имени Д.Г.Хакимова» Арского муниципального района Республики Татарстан / Татарстан Республикасы Арча муниципаль районының «Хәкимов Д.Г исемендәге Түбән Мәтәскә урта гомуми белем мәктәбе» муниципаль бюджет гомуми белем учреждениесе - новости
Страницы: << 261 262 263 264 265 266 267 268 ( 269 ) 270 >>
-
Укучылар ачык күргәзмәдә 06.02.2015
Китапханәче Сәгъдиева Халисә Камилевна Әдәбият елы уңаеннан "Туган ягым син-Арча" исемле күргәзмә оештырды. Ул башлангыч класс укучыларын районыбызның әдәбият -сәнгать өлкәсендәге казанышлары белән таныштырды. Белешмә сәгатендә укучылар үзләрен кызыксындырган сорауларга җавап таптылар."Китап укуга кызыксыну белем йортында тәрбияләнә, китап-сезнең дустыгыз һәм киңәшчегез",-дип тәмамлады үз чыгышын Халисә Камилевна. Дәрес ахырында укучылар әдәби, белешмә китаплар, журналлар яздырып алырга да онытмадылар.
-
Җиңү бәйрәмен каршылап 05.02.2015
Бөек Җиңүнең 70 еллыгын каршылап, мәктәптә зур эш алып барыла. Күптән түгел генә "Фронттан хат" акциясе игълан ителде. Укучыларыбыз белән һәр атнаны һәйкәл чистартуны гадәткә керттек. Бу атнада бу эшне 8 нче класс укучылары башкарды.
-
Туган көнегез белән! 04.02.2015 Хезмәттәшебез, хөрмәтле укытучыбыз Фазылҗанова Наймә Мәхмүт кызын олы юбилее белән котлыйбыз. Татарстан Республикасының "Мәгарифтәге казанышлары" күкрәк билгесе һәм Россия Федерациясе Мәгариф һәм фән министрлыгы Мактау Грамотасы иясе, югары категорияле информатика һәм физика укытучысы Наймә Мәхмүт кызына нык сәламәтлек, гаилә бәхете телибез.
-
Котлыйбыз! 03.02.2015 Танылган эшмәкәр һәм спортсмен Фәнил Гарәфиев истәлегенә район күләмендә үткәрелгән пневматик мылтыктан ату ярышында 2 урын алган мәктәп командасын котлыйбыз! Җитәкчеләре Фазылҗанов Гамир Габделхак улына рәхмәт белдерәбез!
-
Сәламәтлек көне. 02.02.2015 1 февральдә Арча стадионында Сәламәтлек көне булды. Теләгән һәркем үз чаңгысы белән яки прокатка алып, чаңгы шуды. Стадион шау—гөр килеп торды. Безнең мәктәп укучылары да физкультура укытучысы Җәләлиев Илфат Илсурович җитәкчелегендә бу бәйрәмдә катнаштылар. Тәпи генә йөри башлаган балалар да, 80не узган аксакаллар да килгән иде. Бушка кайнар чәй һәм коймак белән җылынып алу мөмкинлеге дә бар иде. Район башкарма комитеты җитәкчесе Илшат Нуриев халыкны Сәламәтлек көне белән котлады, физик күнегүләр, спорт белән сәламәт яшәргә чакырды, чаңгычыларга трассаны тигезләү, юл салу өчен үзйөрешле техника «Буран» бүләк итте. Иң беренчеләрдән булып Илшат Нуриев үзе үрнәк күрсәтте — чаңгыларда да, үзйөрешле техника «Буран»да да үзе йөреп күрсәтте. Бергәләп чаңгы шуу хәрәкәткә, спортка якынаерга бер этәргеч булсын иде.
-
Уңышлар телибез! 31.01.2015 Бүген мәктәпнең иң оста пневматик мылтыктан атучылары ОБЖ укытучысы Фазылҗанов Гамир Габделхакович җитәкчелегендә Арча шәһәренә ярышка киттеләр. 10 класс укучысы Лотфуллин Самат, Рамазанов Айнур, 9 класс укучысы Хәйретдинов Илдус, 11 класс укучысы Шиһабиева Гөлназга уңышлар телибез.
-
Шагыйрь белән очрашу. 30.01.2015
Арча шәһәренең “Казан арты” музеен залы үз кочагына янә әдәбият сөючеләрне җыйды. Бу юлы якташ язучыбыз, шагыйрь, Субаш Аты авылы суларын эчеп үскән Рәис Сафин белән очрашып, аның 80 яшьлек юбилее уңаеннан әдәби кичә – шигырь бәйрәме үткәрергә. Бәйрәмдә мәктәпнең китапханәчесе Сәгъдиева Халиса Камил кызы һәм “Тукай якташы” студиясенә йөрүче 8 класс укучысы Гаффарова Әнисә катнашты.
-
Тәнәфесләр күңелле үтә. 29.01.2015 Өстәл теннисы безнең укучыларның иң яратып уйный торган спорт төре. Һәр тәнәфестә бик теләп теннис уйныйбыз.
-
"Безнең Җиңү" акциясе 28.01.2015 27 нче январь Ленинград блокадасы өзелгән көн. Бу көнне искә алып тарих укытучысы Якупова Хәнифә Зиннәт кызы "Ленинград блокадасы" темасына 10 класста тәрбия сәгате үткәрде. 6 класс укучылары герой-пионерлар турында әңгәмә үткәрделәр. Укытучылары Әскәрова Резеда Әхәт кызы презентация күрсәтте.
-
"Безнең Җиңү" акциясе 27.01.2015
Мөндеш башлангыч мәктәбе укучылары укытучылары Гыйбадуллина Ильмира Габделхак кызы һәм Камалиева Фирдания Әдһәм кызы белән сугыш ветераны Җамалиева Бибисара апаны онытмыйлар, гел хәлен белеп торалар. Алар Сара апага кулларыннан килгәнчә ярдәм итәләр. Сара апа аларның килгәнен көтеп тора. Ул укучыларга төпле киңәшләрен бирә.
