Март аенда район мәрхәмәтлелек үзәге Бөек Җиңүнең 70 еллыгына багышлап "Бөек Җиңү юллары" дигән рәсемнәр һәм плакатлар конкурсы уздырган иде. Әлеге конкурста мәктәбебез укучылары да актив катнашты. 8 нче класс укучысы Зиннатуллина Рузилә грамота белән бүләкләнде.

   Татарстан Республикасы Мәгарифне үстерү институты  башлангыч класс  укытучылары өчен Арча педагогия көллиятендә “Яңа стандартларны тормышка ашыру шартларында башлангыч класс укытучыларының педагогик осталыкларын үстерү” темасына  курслар алып бара. Шушы уңайдан, бүген Түбән Мәтәскә урта мәктәбендә   башлангыч класс укытучыларының республика семинары үзды.  Тәҗрибәле укытучыларыбыз  үз дәресләрендә Сингапур системасының структураларын куллану буенча тәҗрибә уртаклаштылар.  Мәктәп укытучыларыннан табигать фәннәре укытучысы  Гаффарова Дамира Вәкилевна 1 нче класста әйләнә-тирә дөнья белән танышу дәресеннән   “Тырыс  тотып гөмбәгә” темасына , инглиз теле укытучысы Потехина Ләйсән Альбертовна   3 нче класста “Увлечения. Простое  продолженное время”, Исмәгыйлева Гүзәл Альбертовна 4 нче класста “Рассказываем истории. Простое прошедшее время” темасына, башлангыч класслар укытучысы Хәйретдинова Венера Рөстәмовна 3 нче класста “Җитмәгән саннарны ничек табарга” темасына ачык дәресләр күрсәттеләр.  Дәрес биргән укытучыларның үзанализы тыңланды. Дәресләргә семинарда катнашучылар да анализ ясады. Курста катнашучылардан- Арча районы Иске Кырлай мәктәбе укытучысы Фазлыева Эльмира Вәкиловна- мәктәп , анда белем һәм тәрбия бирүче укытучылар коллективы турында җылы фикерләр җиткерде. Укучыларның фән олимпиадаларында ел саен призлы урыннар алуларын, фәнни-гамәли конференцияләрдә катнашып, республика күләмендә җиңү яулап килүләрен атап әйтте . Башлангыч класс укытучысы Гайнетдинова Нурисә Гыйльмулловна укучылар белән “Җиңү язы килде, җирне нурга күмеп” дигән әдәби кичә уздырды. Кусларны җитәкләгән Фәйзрахманова  Бриллиант Имаметдиновна  чарада чыгыш ясаган укучыларның сәхнәдә үз-үзләрен тиешле югарылыкта тота белүләрен,  укучыларда сәнгатьлелек күнекмәләренең формалаштырылуын  атап әйтеп узды. Cеминарда катнашучы укытучылар һәрберсе киләчәк  эшләренә яңа бурычлар куеп кайтып киттеләр. 

Арча муниципаль районы башкарма комитетының “Мәдәният идарәсе” муниципаль учреждениесе һәм «Казан арты» тарих-этнография музее укытучылар, укучылар, мәдәният хезмәткәрләре, туган төбәкне өйрәнүчеләр арасында Җиңүнең 70 еллыгы уңаеннан “Сәлам фронттан!” дип исемләнгән бәйге оештырды. Сугыш хатлары, сугыш фотолары, фронтовикларның үзләре белән сугыш кырыннан кайткан шәхси әйберләре, киемнәре һ.б., тыл һәм сугыш ветераннарының, фронтовикларның язмышына нисбәтле документлар, фронтовик-укытучыларга багышланган темалар буенча бәйгедә катнашырга мөмкин иде. Бәйгегә килгән биш дистәгә якын эшнең 12се безнең мәктәп укучылары һәм укытучылары эше иде. Конкурс йомгаклары буенча укучыларның “Сәлам фронттан!” район фәнни-практик конференциянең беренче өлеше безнең мәктәптә үтте. 3 класс укучысы Нәбиуллина Әдиләнең эше 1урын, укытучы Йосыпова Роза Кыяметдин кызының эше 2 урын, 7 класс укучысы Гайнетдинова Миләүшә эше 3 урын белән бәяләнде. Жюри әгъзалары Арча шәһәре Әдәбият һәм сәнгать музее җитәкчесе Гарипов Шәфигулла Зәйнуллович һәм Арча шәһәренең “Казан арты” музее хезмәткәре Гобәйдуллин Ленар Илгизович мәктәп укучыларың эзләнү-тикшерү эшләрен югары бәяләделәр.

Яшел Үзән шәһәре оештырган “Каюм Насыйри исемендәге укучыларның иҗади эзләнү эшләре конкурсы”на безнең мәктәп укучылары да эшләр тапшырган иде.  Күпсанлы эшләр арасыннан 8 нче класс укучысы Гаффарова Әнисәнең хезмәте, уңай бәяләнеп, конкурсның  йомгаклау турында катнашу хокукына ия булды. 3 нче апрель көнне аңа зур залда чыгыш ясарга кирәк булачак. Без Әнисәнең,  җитәкчесе татар теле һәм әдәбият укытучысы Йосыпова Роза Кыяметдиновнаның  бу конкурста уңышка ирешүләрен телибез. 

"Арча ягы - данлы Тукай ягы" дип исемләнгән балалар иҗаты Х Республика конкурсында 4 нче класс укучысы Харисов Айбулат “Курай” номинациясендә I дәрәҗәдәге лауреат дипломына ия булды. Курайчылар триосы да (Харисов Айбулат, Гыйлаҗиев Рамил, Ситтиков Булат) I дәрәҗәдәге лауреат дипломы белән бүләкләнделәр. Җитәкчеләре Харисов  Рәдис Рафис улын һәм курайчыларны котлыйбыз, уңышлар телибез.

 Республика күләмендә укучыларның фән өлкәсендәге эзләнүләренә карата игътибар елдан-ел арта гына бара. Укучыларыбыз да эзләнүләрне төбәк тарихына  бәйләп алып баралар, андагы кешеләрнең төрле өлкәдә күрсәткән хезмәтләрен барларга тырышалар. Ил язмышында үз ягыңның гади кешеләре алып  торган урынны билгеләү өчен айлар, кайвакытта еллар да кирәк. Шулай булганда , уңыш та ерак йөрми.Республикада "Россия династияләре" регионара эзләнү эшләре конкурсы үткәрелде. Бу конкурста безнең мәктәптән 2 укучы катнашты. "Укытучылар династиясе" номинацияcендә катнашып , 8 нче класс укучысы Шәяхмәтова Сафия I урын, "Спортсменнар династиясе" номинациясендә "Минем көрәшче туганнарым" исемле чыгышы белән 4 нче класс укучысы Сабирова Азалия II урынны яуладылар. Укучылар Казан шәһәренең 139 нчы гимназиясендә бүләкләү тантанасында булдылар. Фән өлкәсендә беренче адымнар ясарга өйрәткән тәҗрибәле укытучы Якупова Хәнифә Зиннәтовнаның да зур хезмәте бу, билгеле. 

    Түбән Мәтәскә урта мәктәбе укытучылары һәм укучылары һәрчак эзләнүдә. Саба муниципаль районында Татарстан Республикасы мәгариф һәм фән  министрлыгы белән берлектә күренекле галим, тел белгече Әбрар Кәримуллинның иҗади мирасын өйрәнүгә багышланган республикакүләм фәнни-гамәли конференциясе узды. Безнең мәктәптән конкурсның икенче этабында катнашу бәхете 3 укучыга эләкте: 10 нчы класс укучысы Шәрәфиев Инсаф, 11 нче класс укучылары Шиһапова Гөлназ һәм Вәлиева Чулпан((җитәкчеләре тарих фәннәре укытучысы Якупова Хәнифә Зиннәтовна, татар теле һәм әдәбияты укытучысы Муллагалиева Гүзәл Нургалиевна). Конкурста 100 дән артык укучы катнашты, алар 9 секцияuдә чыгыш ясадылар. Укучылар һәм аларның җитәкчеләренең чыгышы КФУ галимнәре тарафыннан бәяләнде. Укучыларның тема буенча дөрес фикер йөртә белүе генә түгел, иптәшләренең чыгышларына карата дөрес итеп сорау куя белүләре дә исәпкә алынды. Ниһаять, көтелгән нәтиҗә: 11 нче класс укучысы Вәлиева Чулпан, “Татар филологиясе” секциясендә “Туган як-матур төбәк” эзләнү эше белән чыгыш ясап, III дәрәҗәле дипломга ия булды. Фән өлкәсендә беренче адымнарын ясаган укучыларга зур уңышлар телибез.