Бүген укучылар татар теле буенча бердәм республика тестында катнаштылар. 9 ел буе алган белемнәрне гомумиләштереп, белем нәтиҗәлелеген бәяләү максаты куела алар алдына. Укучыларның  көтелгән уңай билгеләргә ия булуларын теләп калабыз. 

   Җиңүнең 70 еллыгын матур чаралар белән каршыладык . Җирлектә яшәүче сугыш, тыл ветераннарын, сугыш чоры балаларын чакырып, митинг үткәрдек. Сугыш ачысын үз җилкәләрендә татыган олы буын вәкилләренең чыгышын тыңлау укучыларыбызга тыныч тормышның кадерен белеп яшәргә кирәклеген тагын бер тапкыр искәртте.

9 нчы май көнне мәктәпнең “Туган як” музее үз экспонатлары белән Җиңү парадында катнашты. Музей җитәкчесе Закирова Лилия Әхәтовна, “Тыл” станциясендә тукталып, тарихи материаллар белән кызыксынучыларның берсен дә игътибарсыз калдырмады.   

     Бүген тарих фәннәре  укытучысы Якупова Хәнифә Зиннәтовнаның туган көне.

Хезмәттәшебезне юбилее белән котлап, район мәгариф бүлегенннән Кәлимуллина Зөлфия Рифовна да килде.

Туган көнең котлы булсын,

Тыныч үтсен көннәрең.

Язлар кебек наз китерсен

Җәйләрең һәм көзләрең.

Гомер буе хәсрәт күрми,

Аяз булсын  күкләрең.

Шатлык нуры чәчеп торсын

Елмаюлы күзләрең.

Түбән Мәтәскә урта мәктәбе бүген үзендә иң кадерле кешеләрне –сугышта катнашкан зенитчы кыз-Гафурова Халисә апаны, телефонист кыз,  урта мәктәптә күп еллар эшләп, лаеклы ялга чыккан ветеран укытучы Юнысова Зәйтүнә апаны кунак итте. Күкрәкләрен орден-медальләр белән тутырган мөлаем ханымнарның истәлекләре аша моннан 70 ел элек булган хәлләргә кире әйләнеп кайттык без. Үз теләгең белән Ватанны сакларга китү, беренче тапкыр сугышка керү, яшьлекнең матур мизгелләрендә уен, җыр-биюгә дә вакыт табылу, Җиңү шатлыгы турында күз  яшьләренә буылып сөйләде алар.

Мәктәп коллективы бу очрашудан бик канәгать калды. Ветераннарыбызга  сәламәтлек , гаиләләрендә кадерле кешеләр булып, безнең арада озак еллар  яшәүләрен телибез.

4 нче апрель көнне безнең укучылар Нәбиуллина Әдилә, Мәннанов Әлфис, Гыйлаҗиева Гүзәл, Сираҗиев Илнур “Яшь юл инспекторлары” конкурсында катнашып кайттылар. Укучылар, кечкенә яшьтә булуларына карамастан,  юлда йөрү кагыйдәләрен ни дәрәҗәдә белүләрен сынадылар, алдагы елларда катнашу өчен тәҗрибә тупладылар. Мәктәп данын яклап, уңышлы гына чыгыш ясаган укучыларыбызга рәхмәт җиткерәбез.

 Сегодня в нашем городе во всех учреждениях организован субботник. Наша школа продолжает принимать участие в двухмесячнике «Чистота-залог здоровья». Участники общественного объединения «Молодая гвардия», участники проекта «SMS-дети» и все остальные принимали активное участие. Очистили территорию от грязи, от засохших листьев. Мы готовили участок для посадки цветов и деревьев.  Работать было очень весело. Все работали усердно и не заметили, как прошло время. Всем огромное спасибо!

27 нче апрель көнне “Без-Тукай оныклары” исемле шигырь укучылар бәйгесе узды.