Яңа ел бәйрәмнәре алдыннан без балалар белән бакчабызны бизәүне дәвам итәбез.Бүген без фонарьлар ясадык. Балаларга фонарьлар ясау бик ошады-оригиналь бизәк, аны ясау бик җиңел,фонарьлар һавалы һәм гадәти булмаган якты булып чыкты.Фонарьлар яңа ел интерьерын бизәп кенә калмый, ә өйгә бәхет тә җәлеп итә дип санала. Шуңа күрә, балалар үз чыршыларын бизәр өчен өйдә шундый фонарьлар ясарга булдылар.

Кисеп ябыштыру шөгыле балаларның иң яраткан шөгыльләренең берсе булып тора. Аларның төсле матур кәгазьләргә карап күңелләре күтәрелә, шулай ук кисеп ябыштыру техникасы балаларның кызыксынучанлыкларын арттыра. Кисеп ябыштыру шөгыле балаларның сөйләм үсеше белән дә бәйләнгән. Балаларның сүзлек запаслары арта.Бакчабызда тәрбияләнүче балалар да кисеп ябыштыру шөгылен үз итәләр. Без бүген балалар белән йөк машинасы ясадык.

12 декабрьдә илебез үзенчәлекле бәйрәм - Конституция көнен билгеләп үтә.Мәктәпкәчә яшьтә үк без балаларны Конституциянең төп нигезләмәләре белән таныштырабыз, Ватанга һәм дәүләт символларына карата мәхәббәт, хөрмәт һәм горурлык тәрбиялибез, башлангыч хокукый белемнәр бирәбез, дәресләр һәм уен чаралары ярдәмендә хокукый культураны формалаштырабыз.РФ Конституциясе көнендә балалар “закон”, “тәртип”, “хокук” төшенчәләре белән, дәүләт символикалары: флаг, герб белән таныштылар, Россия флагы буядылар.Үткәрелгән чаралар Ватаныбызның төп законы, илебездә яшәүче гражданнарның хокуклары һәм бурычлары турындагы күзаллауларны ныгытырга һәм аныкларга ярдәм итә, демократик җәмгыятьтә яшәү өчен күнекмәләр формалаштыра.

Безнең балалар бакчасында ел саен «Кыш бабайга хат» акциясе үткәрелә. Тәрбиячеләр бу акциягә иҗади якын киләләр. Балалар Кыш Бабайга рәхәтләнеп хат язалар. Педагоглар барлык хатларны балаларның ата-аналарына тапшыра, алар инде Кыш Бабайга хатны тапшыру мәсьәләсен хәл итә.

Балаларыбыз табигатьтәге һәрбер үзгәрешне зур кызыксыну белән күзәтеп баралар. Саф һавага чыккач та, кошлар турында онытмыйча, җимлекләргә җим салалар, җимлеккә килгән кошларны күзәтәләр. Кышның сихри матурлыгы җем-җем иткән карларда, кышлаучы кошларда. Шуңа да, кырыс салкын көннәрдә, кечкенә дусларыбызга ярдәм итәргә кирәклеген балаларыбыз гына түгел, бөтенебез дә аңласак иде.