Яңа ел- тылсымлы, матур әкият һәм могҗиза көтү вакыты. Иң яраткан, көтеп алынган, шатлыклы һәм күңелле бәйрәмнәрнең берсе. 29 нчы декабрь көнне бакчабызда "Рәхим ит, Яңа ел!" исеме астында яңа ел иртәсе булып узды. Әкият геройлары белән кызыклы уеннар, кыш бабай белән Кар кызын каршы алу оештырылды. Яңа ел бүләкләре тапшырылды. Бәйрәм күтәренке рухта, бик күңелле үтте.

Мәктәп белән балалар бакчасы арасында ныклы элемтәне дәвам итеп балаларыбыз белән Апаз гомуми белем бирү мәктәбенә, башлангыч сыйныф укучыларының чыршы бәйрәмне бардык.

Саф һавада балаларыбыз белән бакчабыз территориясендә бәйрәмгә әзерлекне күзәттек. Бизәлгән тәрәзәләребезне, чыршыны карадык.

Балаларны татар халкының милли ризыклары белән таныштыру, аларның төрләрен билгеләү, татар халык ашлары аша тарихыбызга, гореф-гадәтләребезгә, йолаларыбызга карата ихтирам хисе тәрбияләү кеше яшьтән үк башлана. Шул максаттан, без дә балалар белән чәй эчеп, милли ризыклардан авыз иттек.

Балаларны музей хәзинәләренә җәлеп итүдә музейның роле бик зур. Музей гадәти булмаган кыйммәтле хәзинәне – кеше төзегән предметларын саклый. Музей буенча экскурсияләр мәктәпкәчә яшьтәге балаларның танып-белү кызыксынуын, сөйләмен үстерүгә ярдәм итә. Монда ук алар патриотик тәрбия ала. Бүген балалар белән бакчабыз музеенда экскурсиядә булдык. Алар анда хуҗалык әйберләре белән таныштылар, үзләрен кызыксындырган сорауларын бирделәр. Балалар бик канәгать калдылар.