Муниципальное бюджетное дошкольное образовательное учреждение «Апазовский детский сад " Арского муниципального района Республики Татарстан/Татарстан Республикасы Арча муниципаль районы "Апаз балалар бакчасы " муниципаль бюджет мәктәпкәчә белем бирү учреждениесе
Визитная карточка
| Адрес: | 422006, Российская Федерация, Республика Татарстан, Арский район, село Апазово, ул. Советская, д. 18а |
| Телефон: | 8843663-92-00 |
| E-Mail: | dsapaz.arsk@tatar.ru |
| Министерство: | Министерство образования и науки Республики Татарстан |
| Руководитель: | Файзиева Гульназ Рашитовна |
| Год основания учреждения: | 1997 |
| У нас учатся: | 19 |
| У нас учат: | 1 |
Муниципальное бюджетное дошкольное образовательное учреждение «Апазовский детский сад " Арского муниципального района Республики Татарстан/Татарстан Республикасы Арча муниципаль районы "Апаз балалар бакчасы " муниципаль бюджет мәктәпкәчә белем бирү учреждениесе - новости
Страницы: << 21 22 23 24 25 26 ( 27 ) 28 29 30 >>
-
"Туган телем сагында" атналыгы 25.01.2024 Татар милли киемнәрендәге бизәкләр турында балаларның күзаллауларын тирәнәйтү, балаларда татар халык бизәкләренә кызыксыну, үз эшләренә соклану хисе тәрбияләү максатыннан милли киемнәр турында әңгәмә үткәрдек.«Кәләпүшем-калфагым», «Әпипә» җырларын тыңладык, балаларыбыз белән милли орнаментлар белән курчак бизәдек.
-
"Туган телем сагында" атналыгы 24.01.2024
Габдулла Тукайга, туган илгә,туган телгә карата хөрмәт, ихтирам, горурлык хисләрен тәрбияләү максатыннан бүген балаларыбыз белән Габдулла Тукай шигырьләре укыдык. Габдулла Тукай шигырьләре аша балаларда туган телебезгә кызыксыну уяту мөһим. Чөнки Г. Тукай рухын буыннан-буынга җиткерәсе, аның догасын саклап каласы иде бит. Без – бәхетле, без – шагыйрьле, без – Тукайлы халык икәнен онытмыйк!
-
"Туган телем сагында" атналыгы 23.01.2024
Балаларны татар милли киемнәре һәм орнаментлары белән таныштыруны дәвам итү, татар орнаменты мотивларын (яфрак, ләлә, мәк, кыңгырау, тукранбаш, кәнәфер) искә төшерү һәм кабатлау максатыннан кисеп ябыштыру шөгылендә альяпкыч бизәдек.
-
"Туган телем сагында" атналыгы 22.01.2024 Милли культура чаралары ярдәмендә баланың дөньяга эстетик карашы формалашуын һәм сәнгати үсешне күз алдында тоту, балаларны милли татар киемнәре белән таныштыру,игътибарларын милли киемнәрдәге бизәкләргә бирү , "Туган телем сагында" атналыгы кысаларында без балаларыбыз белән татар халык киемнәре белән таныштык.
-
"Кошларыбызны ашаттык" 18.01.2024 Кошлар өчен кыш-елның иң авыр вакыты: күп кенә кошлар салкыннан һәм ачлыктан үлә. Кошлар безнең йорт тирәләренә ярдәм сорап киләләр һәм без канатлы дусларыбызга булышырга тиеш. Бүген дә без үз чиратыбызда кошларыбызга җимлекләренә ризыклар салдык.
-
"1-10 кадәр һәм кирегә санау" математика шөгыле 17.01.2024 1 дән 10 га кадәрге саннар эчендә төрле эш алымнары кулланып математик мисаллар эшләүне өйрәтүне дәвам итү,1- 10 кадәр саннарны уңай һәм кире тәртиптә санау күнекмәләрен камилләштерү, балаларны бер-берсе белән аңлашып,тыныч, дус булып эшләүләрен булдыру, игътибарлылык тәрбияләү максатыннан балаларыбыз белән математика шөгыле үткәрдек.
-
"Суган утырттык" 16.01.2024 Без балалар белән бергә суган утырту тәҗрибәсен үткәрдек.Тәҗрибәнең төп максаты балаларда суган үстерү теләге тудыру,хезмәткә хөрмәт тәрбияләү;суганның файдалы яшелчә икәне турында төшенчә бирү, суган үстерү турында белемнәрне тулыландыру иде. Беренче балалар белән түтәлдә һәм тартмада үскән суган рәсемнәре карадык. Шуннан соң инде балалар белән бергә савытка балчык салып,суганнар утырттык, су сиптек. Балаларга суган утырту бик ошады.
-
15 гыйнвар – Бөтенроссия кышлаучы кошлар көне 15.01.2024 15 гыйнварда Россиядә кышлаучы кошлар көне билгеләп үтелә. Кошлар-безнең канатлы дусларыбыз. Күпчелек кошлар көзен җылы якларга очып китәләр, ләкин кайберләре безнең белән кышлыйлар. Бу чорда кошларга салкын һәм бик авыр була. Шуңа күрә кышын, һичшиксез, кошларга дусларыбызга ярдәм итәргә кирәк – җимлекләрне асып, кошларны тары, орлык, икмәк валчыклары белән тукландырырга, аларга бу авыр вакытны кичерергә ярдәм итәргә кирәк.Балаларның кышлаучы кошлар турындагы белемнәрен тирәнәйтү; аларны танырга өйрәтү, бәйләнешле сөйләм телен үстерү, кошларга карата сакчыл караш тәрбияләү максатыннан балаларыбыз белән кошлар турында сөйләштек.
-
"Татарстан Республикасының Кызыл китабы белән танышу" 13.01.2024 Кызыл китапка кертелгән хайван, кош һәм үсемлекләрне кызгану, алар өчен борчылу хисләре уяту, тыюлыкларның әһәмиятен аңлату, балаларны сирәк калган һәм югалып бара торган хайваннар, кошлар һәм үсемлекләр белән таныштыру максатыннан балаларыбыз белән Татарстан Республикасының Кызыл китабы белән таныштык.
-
Физкультура шөгыле. Гимнастик эскәмиядә күнегүләр эшләү 11.01.2024
Физкультура шөгыльләренең максаты - балаларга тормышта кирәкле хәрәкәт күнекмәләрен бирү, балаларның сәламәтлеген ныгыту һәм көч- сәлатләрен үстерү, эшчәнлекләрен арттыру, сәламәтләндерү юнәлешендә төрле физик күнегүләр, аларның төрле яклы үсешенә булышлык итү.Төрле биеклектәге каршылык аша чыгу,каршылыклардан сикерүдә күнектерү, гимнастик эскәмиядә тигезлек саклау максатыннан балаларыбыз белән гимнастик эскәмиядә күнегүләр эшләдек.
