Муниципальное бюджетное дошкольное образовательное учреждение «Апазовский детский сад " Арского муниципального района Республики Татарстан/Татарстан Республикасы Арча муниципаль районы "Апаз балалар бакчасы " муниципаль бюджет мәктәпкәчә белем бирү учреждениесе
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422006, Российская Федерация, Республика Татарстан, Арский район, село Апазово, ул. Советская, д. 18а |
| Телефон: | 8843663-92-00 |
| E-Mail: | dsapaz.arsk@tatar.ru |
| Министерство: | Министерство образования и науки Республики Татарстан |
| Руководитель: | Зайнуллина Индира Талгатьевна |
| Год основания учреждения: | 1997 |
| У нас учатся: | 19 |
| У нас учат: | 1 |
Муниципальное бюджетное дошкольное образовательное учреждение «Апазовский детский сад " Арского муниципального района Республики Татарстан/Татарстан Республикасы Арча муниципаль районы "Апаз балалар бакчасы " муниципаль бюджет мәктәпкәчә белем бирү учреждениесе - новости
Страницы: << 11 12 13 14 ( 15 ) 16 17 18 19 20 >>
-
"Без Тукайны Укыйбыз" 23.04.2024 Апрель ае – Габдулла Тукайны искә алу, аның иҗатын барлау ае. Татар халкының бөек шагыйре Габдулла Тукайны искә алу уңаеннан “Без Тукайны укыйбыз” әдәби марафонда катнаштык. Г.Тукайның әсәрләрендә хәзерге тормышның бик күп сорауларына да җавап табарга мөмкин. Әсәрләре туган якка, аның табигатенә мәхәббәт уята, иҗаты туган йортыңа, туган җиреңә игътибарлы сакчыл караш тәрбияли, башлаган эшне азакка чаклы җиткерергә теләк, түземлелек үстерә һәм эстетик тәрбия бирә.
-
"Габдулла Тукай әкиятләре буйлап" 22.04.2024 Татар шагыйре Габдулла Тукайның туган көненә балалар бакчасында «Г. Тукай әкиятләре буйлап»күргәзмә оештырылды.Балалар әти-әниләре белән төрле поделкалар, рәсемнәр ясадылар. Якты күргәзмә килеп чыкты. Анда кемнәр генә юк: Шүрәле дә, Су анасы да, аның әкиятләрендәге башка танылган геройлар да. Ә иң мөһиме, ата-аналар балалары белән бергә үзләренең иҗади башлангычларын күрсәттеләр. Бик зур рәхмәт аларга.
-
"Уеннар уйнадык" 19.04.2024 Твистер-балалар һәм олылар өчен идән уены. Балалар психологлары фикеренчә, Твистер уены балаларда хәрәкәт рефлексын үстерү өчен бик файдалы. Бу уен зур энергия, күңел ачу һәм шатлык китерә. Уен барышында һәр катнашучы, куллары һәм аяклары белән башкалар белән үрелеп, катлаулы позалар кабул итә. Чара барышында балалар күңелле һәм дуслык атмосферасына чума алдылар, уңай эмоцияләр диңгезе һәм яхшы кәеф алдылар.
-
"Язның беренче чәчәкләрен күзәтү" 18.04.2024
Балаларның чәчәкләр турындагы белемнәрен баету, чәчәкләрне танып белергә, тасвирлап сөйләргә өйрәтү максатыннан балаларыбыз белән көндезге прогулка вакытында язның беренче чәчәкләре белән таныштык, күзәттек.
-
"Табигать һәм кеше" шөгыль 17.04.2024 Табигать ул – безнең туган йортыбыз. Балыклар сусыз, җәнлекләр урмансыз, урманнар агачларсыз була алмаган кебек, кешеләр дә табигатьсез яши алмый. Адәм баласы кайда гына яшәмәсен, ул һәрвакыт үсемлекләр, хайваннар, кошлар, бөҗәкләр белән әйләндереп алынган. Шуңа күрә дә кеше- табигатьнең аерылгысыз бер кисәге, дип әйтер идем мин. Кеше тормышы һәрвакыт табигать белән бәйле. Ул - кешенең яшәеш чыганагы. Табигать дигәч, иң беренче чиратта, калын яшел урманнар, саф сулы чишмәләр, бай тарихлы елгалар, күлләр, иксез-чиксез җәелеп яткан далалар күз алдына килә. Табигать безгә азык, кием, торыр урын бирә. Кеше тормыш өчен кирәкле бар нәрсәне табигатьтән ала, шуңа күрә аннан башка яши алмый. Табигатькә чыгып, без ял итәбез, кошлар җырын тыңлыйбыз, хуш исле үләннәр, чәчәкләр иснибез, күңелләребезне сафландырабыз. Мәрхәмәтлелек тамыры табигатьтән башлана. Ә мәрхәмәтлелек ул – мәхәббәт, ярату. Мәхәббәт – җәнлекләрне, кошларны, бар табигатьне ярату, саклау. Бүген дә без балаларыбыз белән шушы хакта сөйләштек.
-
"Танцевальная капель" конкурсы 16.04.2024 Арча районы буенча уздырылган "Танцевальная капель" районара конкурсында бакчабызның нәни йолдызлары Нургалиев Ислам Рафиль улы һәм Фәйзиева Зөләйха Дамир кызы 3 нче урынны алдылар. Балаларыбызны ихластан котлыйбыз. Балаларны әзерләгән тәрбиячебез Лилия Гаптелахатовнага, балаларыбызның әти-әниләренә чиксез рәхмәтебезне белдерәбез. Алга таба да зур уңышлар телибез!
-
"Тал песие ясадык" кисеп ябыштыру шөгыле 15.04.2024 Кисеп ябыштыру шөгыле балаларның иң яраткан шөгыльләренең берсе булып тора. Аларның төсле матур кәгазьләргә карап күңелләре күтәрелә, шулай ук кисеп ябыштыру техникасы балаларның кызыксынучанлыкларын арттыра. Кисеп ябыштыру белән шөгыльләнү баланың иҗади сәләтләрен үстерергә ярдәм итә,аның күзаллауларын киңәйтә,бармак хәрәкәтләрен яхшырта. Бүген балаларыбыз белән кисеп ябыштыру шөгылендә тал песие ясадык.
-
"12 апрель - Космонавтика көне" 12.04.2024 12 апрельдә бөтен илебез кешенең космоска беренче очышына багышланган бәйрәмне- космонавтика һәм авиация көнен билгеләп үтә.Бакчабызда гадәттәгечә бу көнне "Космос" көне уза. Балалар бакчасында тәрбияләнүчеләр Космос, космонавтлар, йолдызлар, планеталар турында мәгълүмат белән таныштылар. Балалар рәсемнәр ясадылар.
-
"Тренировочное мероприятие" 11.04.2024 Сегодня в детском саду прошло тренировочное мероприятие по обработке алгоритма действий в чрезвычайных ситуациях.
-
"Габдулла Тукай әсәрләрен уку" 09.04.2024 Татар халкы үзенең бөек шагыйре Габдулла Тукайны онытмый. Ел саен апрельдә аның туган көнен билгеләп үтәбез.Мәктәпкәчә яшьтәге балаларда Габдулла Тукайның әсәрләренә, татар теленә, туган теленә, мәдәниятенә, сәнгатенә, гореф-гадәтенә мәхәббәт тәрбияләү максатыннан балаларыбыз белән Тукай әсәрләре укыдык. “Бала белән Күбәләк” әсәре. Бу әсәр аша шагыйрь кешелекле, шәфкатьле булырга, кешеләрне рәнҗетмәскә чакыра, табигатькә сакчыл караш тәрбияли. Г.Тукайның “Туган авыл” шигырен дә балалар бик теләп, яратып тыңлыйлар, уйрәнәләр. Тау башына салынгандыр безнең авыл, Бер чишмә бар, якын безнең авылга ул. Авылыбызның ямен, суы тәмен беләм, Шуңа күрә сөям җаным – тәнем белән. Бу шигырендә Г.Тукай беренче тапкыр аяк баскан туфракның газизлеген ачкан, туган якның кадерен белергә өйрәткән, туган табигатьнең гүзәллегенә күзләрне ачкан. “Эш беткәч уйнарга ярый” шигыре иң элек кирәкле эшне эшләргә, аннан соң гына уйнарга яравын аңлата. Ә “Су анасы” әкияте нинди зур әһәмияткә ия. Бу әсәре аша ул балаларга кечкенәдән бик кирәкле булган сыйфат – кеше әйберсенә тияргә ярамаганлыкны шулкадәр оста итеп аңлата, төшендерә алган.
