Муниципальное бюджетное дошкольное образовательное учреждение «Апазовский детский сад " Арского муниципального района Республики Татарстан/Татарстан Республикасы Арча муниципаль районы "Апаз балалар бакчасы " муниципаль бюджет мәктәпкәчә белем бирү учреждениесе
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422006, Российская Федерация, Республика Татарстан, Арский район, село Апазово, ул. Советская, д. 18а |
| Телефон: | 8843663-92-00 |
| E-Mail: | dsapaz.arsk@tatar.ru |
| Министерство: | Министерство образования и науки Республики Татарстан |
| Руководитель: | Зайнуллина Индира Талгатьевна |
| Год основания учреждения: | 1997 |
| У нас учатся: | 19 |
| У нас учат: | 1 |
Муниципальное бюджетное дошкольное образовательное учреждение «Апазовский детский сад " Арского муниципального района Республики Татарстан/Татарстан Республикасы Арча муниципаль районы "Апаз балалар бакчасы " муниципаль бюджет мәктәпкәчә белем бирү учреждениесе - новости
Страницы: << 11 12 13 14 15 16 ( 17 ) 18 19 20 >>
-
"Туган телем сагында" 20.03.2024 Балаларны татар бизәкләре белән таныштыруны дәвам итү, милли бизәлешләрне сөйләмдә кулланырга өйрәнү, милли сәнгатькә мәхәббәт һәм ихтирам тәрбияләү,, игътибарлылыкны үстерү максатыннан әзер орнамет үрнәкләре ярдәмендә балаларыбыз белән татар орнаментлары буядык.
-
"Йокыдан уянганнан соң" 20.03.2024 Йокыдан соң ясала торган күнегүләр балаларга көндезге йокыдан соң тиз һәм уңайлы уянырга ярдәм итә. Балаларда уңай хисләр уята. Мускул тонусын күтәрә, сәламәтлекне ныгыта. Бүген дә без балаларыбыз белән сәламәтлек сукмагыннан йөрдек.
-
"Бакчабызда кунаклар бар" 19.03.2024
Бүген бакчабызда Татарстан Республикасының Биологик ресурслар буенча дәүләт комитеты "Ашыт" дәүләт сакланышы белгечләре Абдрахманова Гөлнара Ильяс кызы һәм Әхмәтҗанов Рәшит Зиннур улы кунакта булдылар. Бакчабыз белән таныштылар, балаларыбызның "Кошлар безнең дусларыбыз" исеме астында шөгыль барышын карадылар.
-
"Туган телем сагында" 18.03.2024 Һәр халык мәдәни, тарихи, әхлакый һәм башка байлыкларга ия. Әлеге байлыклар һәрберебезнең туган төбәгебездә бихисап. Милли тәрбия бирү, халык тарихын өйрәнү, аның мәдәни байлыгы турында күзаллау булдыру, туган теленә, халкына карата соклану, горурлану хисе тәрбияләү, балаларда ул яшәгән республика, район, авыл тарихы турында мәгълүмат бирүдән башлана. Шәхес тәрбиялибез икән, һәр яктан үсеш алган киләчәк буын кешесе үссен дисәк, барлык тәрбия өлкәләрен дә кулланып, тәрбиягә нигез балалар бакчасындагы нәниләргә юнәлдерелергә тиеш. Халык, милләт турында белемнәрен системалаштыру,Татарстан Республикасының күпмилләтле булуы турындагы белемнәрен киңәйтү, балаларда башка милләт вәкилләренә карата хөрмәт, дуслык хисләре тәрбияләү максатыннан балаларыбыз белән төрле милләт халыклары турында сөйләштек.
-
Сыбызгы үрдәк. Утка-свисток. 14.03.2024 Бар бала да рәсем ясарга ярата, ләкин бу эш мәҗбүри рәвештә барырга тиеш түгел. Чөнки бала өчен рәсем ясау шатлыклы һәм илһам китерә торган эш. Әлбәттә, моңа баланы берничек тә мәҗбүр итеп булмый, ә бары тик омтылдырырга кирәк. Ә сәнгать эшчәнлеген оештырганда гадәти булмаган ысулларны куллану балаларны шаккаттыра. Шуның белән аларның рәсем ясауга карата кызыксынулары арта. Мондый оригиналь рәсем ясау балага буяуны, күңел күтәренкелеген тоярга ярдәм ярдәм итә. Бүген балаларыбыз белән рәсем эшчәнлегендә сыбызгы үрдәк ясадык.
-
"Сәламәт булу -бик әйбәт " 12.03.2024 Сәламәтлек -иң зур байлык! Шуңа яшьтән сәламәтлегеңне сакларга кирәк. Бүген балалар белән саф һавада, "Сәламәт булу -бик әйбәт " исеме астында эстафета уздырдык. Балалар белән ярыштык,уеннар уйнадык!
-
"Китапханәдә кунакта" 12.03.2024
Бакчабызның зурлар төркеме балалары белән Апаз авыл китапханәсендә кунакта булдык. Китапханәче Рамилә Минҗанова балаларны күренекле шагыйрә, журналист, публицист, тәнкыйтьче Нәҗибә Сафинаның иҗаты белән таныштырды. Балалар өчен язылган әсәрләрен укыды.
-
"Бакчабызда гаилә бәйрәме" 07.03.2024 Бакчабызда 7 нче март көнне Гаилә бәйрәме үтте. Әти-әниләр, дәү әниләр катнашында бик матур чара булды ул. Безнең нәниләребез килгән кунакларга үзләренең матур шигырьләрен, җырларын, биюләрен бүләк иттеләр. Әтиләр, әниләр, дәү әниләр дә чарада актив катнашты. Шунысы игътибарга лаек, безнең бакчада һәр чара үзенчәлекле, кабатланмас итеп оештырыла. Ата-аналар да, балалар үзләре дә аларны көтеп ала, яратып кабул итә.Бәйрәм башында бакчабыз мәдире Индира Талгатьевна гаиләләребезгә, балаларыбызга бәйрәм котлавы җиткерде. "Мин һәм минем гаиләм" фотогалерее ясауда актив катнашкан гаиләләргә грамоталар тапшырды. Шушы матур бәйрәмне уздырган тәрбиячеләребез Лилия Гаптелахатовнага, Фәндәлия Әлтәфовнага балаларыбызга тәрбия һәм белем биргәннәре, күңелле чаралар бүләк иткәннәре өчен зур рәхмәт!
-
"Әниемә бүләккә" 06.03.2024 Әниләребез - җирдә иң газиз, якын кешеләребез. Без тормышыбызны алардан башка күз алдына да китерә алмыйбыз! Әниләр - өебезнең яме. 8нче Март - Халыкара хатын-кызлар көне җитә! Без кадерле әниләребез өчен бик тырышып бүләкләр әзерләдек - чәчкәләр ясадык. Безнең үз кулларыбыз белән ясаган кечкенә генә бүләкләребез өчен әниләребез бик сөенер, дип уйлыйбыз.
-
Янгын куркынычсызлыгы турында белемнәребезне ныгытабыз 05.03.2024
Янгын куркынычсызлыгы өлкәсендә балаларны иҗади эшчәнлеккә тарту, янгын шартларында үз-үзеңне дөрес тоту күнекмәләрен формалаштыру һәм ныгыту, янгын куркынычсызлыгын тәэмин итү чараларын күздә тотып бүген балалар бакчасында янгын куркынычсызлыгы сәгате үткәрелде.Тәрбияче балаларның беренчел янгын сүндерү чаралары турында белемнәрен ныгыту максатында балалар бакчасының янгын куркынычсызлыгы почмакларына экскурсия үткәрде, балаларга янгын сүндерү чараларын күрсәтте, аларның билгеләнешен аңлатты.
