Мәктәпкәчә белем бирү учреждениесендә пропись белән танышуның максаты — балаларны мәктәпкә әзерләүне тәэмин итү, язу кагыйдәләре, эш вакытында кәгазь, каләм яки карандаш куеп дөрес утырту турында күзаллаулар формалаштыру.Хәрефләрнең һәм цифрларның төп элементлары, штрихлау кагыйдәләре, җөйләрне һәм шакмакларны санап язу алып бару кагыйдәләре, язулардагы ориентирлар турында күзаллаулар формалаштыру.Бармакларның вак мускулатурасы, кулның ышанычлы хәрәкәте үсеше.Игътибар, хәтер, хыял үсеше. Үз-үзеңне контрольдә тоту күнекмәсен һәм башкарылган эшне үз-үзеңә бәяләүне үстерүгә ярдәм итү. Тырышлык, үз көчеңә ышаныч, мөстәкыйльлек тәрбияләү максатыннан балаларыбыз белән пропись яздык.

Балалар травматизмын профилактикалау катлаулы проблема булып тора, аны хәл итү ата-аналар, медиклар, мәктәпкәчә мәгариф учреждениеләре һәм мәктәп хезмәткәрләре тырышлыгын таләп итә.Балалардагы җәрәхәтләр балачак үзенчәлекләре: тормыш тәҗрибәсе булмау, үз-үзеңне контрольдә тотуның җитмәве, зур хәрәкәтчәнлек һәм кызыксынучанлык белән бәйле. Өлкәннәрнең бурычы - аларны кисәтә белү. Бүген бакчабызда "Апаз фельдшер акушерлык пункты" фельдшеры Гөлзәмия Мансуровна Миннебаева баланың төрле этапларында җәрәхәтләнүен булдырмау турында әңгәмә үткәрде.Балаларны беренче медицина ярдәме күрсәтүнең алымнары белән таныштырды, көнкүрештә үз-үзеңне куркынычсыз тотуның төп кагыйдәләре турында сөйләде.

4 ноябрь – Бердәмлек көне. “Бердәмлек “ төшенчәсе туплану, берләштерү мәгънәсенә ия. Элек – электән безнең татар халкына хас сыйфат бу. Нәкъ менә бердәмлек, татулык күп кенә авырлыкларны җиңеп чыгарга, дошманнарны җиңәргә мөмкинлек биргән.Нәкъ менә шушы бердәмлек безнең илебезнең тынычлыгына, мөстәкыйльлегенә китергән. Бүген балалар бакчасында да Бердәмлек көне турында сөйләштек. Безнең республикабызда төрле милләт халыклары яши: татарлар, руслар, чувашлар, марилар, башкортлар һ.б. Барлык милләт кешеләре дә үзара дус яшиләр:бер-берләренә кунакка йөриләр, бергәләп күңел ачалар, бәйрәм итәләр. Без бакчабызда, туган телебез белән беррәттән, рус телен дә өйрәнәбез.Рус телендә җырлар җырлыйбыз, шигырьләр сөйлибез. Слово «Мы» сильней, чем «Я». Мы – семья, и мы – друзья. Мы – народ, и мы – ЕДИНЫ. Вместе мы непобедимы! Барлык милләт балалары Миңа дус булып калсын. Дуслык җыры күкләргә дә Өзелмәс юллар салсын.