Уртанчылар төркеме балалары белән "Бүләк"  чаңгы базасына экскурсиягә бардык, тренер абый балаларны  бүлмәсенә алып кереп  чаңгы төрләре белән таныштырды.

 “Чаңгычы” уены.

Оста шудылар чаңгыда

Нәниләр калышмады.

Шулай булмый бу чаңгылар

Шешәләрдән ясалды.

Пластмас сок шешәләрен яткызып , аяк табаны формасы кисеп алабыз . Киселгән кырыена аякларны кисмәсен өчен, тукыма яки кәгазь ябыштырып куябыз . Аякка киеп шудырып барабыз

Тәрбиянең кайсы гына өлкәсен алып карасаң да, ул хезмәт белән тыгыз бәйләнгән. Кече яшьтән үк хезмәт тәрбиясе алган балалар мәктәптә дә мөстәкыйль, оешкан, актив, пөхтә һәм үзләренә хезмәт күрсәтә белүләре белән аерылып торалар. Хезмәтне дөрес оештырганда бала шатлык хисләре кичерә, хезмәтнең тәмен тоя.Балалар бакчасында дежурлык оештыруның төп бурычы булып йөкләнгән эшкә җаваплылык, башкалар өчен файдалы эш эшләргә омтылыш һәм дежур вазифаларын даими эшләргә гадәтләндерү тора.

Уртанчылар төркеме балалары белән  дежур итәбез. Балаларны беренче айларны дөрес эш алымына өйрәттек: чашканы тоткасыннан, ә ипи савытын ике куллап тотарга кирәклеге аңлатылды. Балалар табынны  әзерлиләр, мөстәкыйль рәвештә матур итеп тезәләр. Ә инде икенче яртыеллыкта тәрбияче балаларга аңа ярдәм итә алырлык булып үсүләре һәм шөгыльләрдә ярдәм итәргә тиеш булуларын анлата.

Балалар бакчасына йөрмәүче балаларга һәм ата-аналарга педагогик-психологик ярдәм йөзеннән  бездә консультатив пункт оештырылды.Консультация кысаларында, ата-аналага балалар бакчасы белгечләре: музыка житәкчесе- Бакирова Лилия, физкультура инструкторы- Гайнуллина Гөлназ, укытучы-логопед- Вахитова Миләүшә, педагог-психолог- Ибраһимова Альбина тарафыннан киңәшләр бирелде, балалар белән уеннар уйнатылды.Балалар һәм ата-аналар бик канәгать булып калдылар.

Тирә- юньдәге предметлар, күренешләр турындагы белемнәрен, күзаллауларын киңәйтү, һөнәр ияләре һәм аларның эшләре өчен кирәкле материаллар белән таныштыру максатыннан без бүген якындагы "Балалар дөньясы" кибетендә булдык. Сатучы, сатып алучы, касса, акча,киштә кебек сүзләр белән таныштык. Уенчык кибетенә кергәч үз-үзләрен тоту кагыйдәләрен искә төшердек. 

Балаларның иминлеген саклау буенча безнең балалар бакчасы ел буена бик күп чаралар үткәрә.Тәрбиячебез Ләйсән Лотфуллина икенче кечкенәләр төркеме белән саф һавада, бакча мәйданында күңелле сәяхәт үткәрде. Анда бакчага йөрүче барлык балалар да катнашты. Бу чараның кунагы маймыл Башмачок бик мавыктыргыч хәлләргә эләгеп, үз юлын табып барды, ә аңа исә башка төркем балалары ярдәм итте. Мондый зур чарага районның "Юл хәрәкәте куркынычсызлыгы" бүлеге җитәкчесе Рәсимә Сәетова да чакырулы иде Ул киләчәктә дә бик акыллы булып, юл йөрү кагыйдәләрен төгәл үтәп йөрүләренә ышанычын белдерде һәм катнашкан барлык балаларга бүләген таратты.

Урманга экскурсиягә баргач ниләр генә күрмибез :агачлар, яфраклар, үләннәр,җимешләр, чикләвекләр. Табигать шундый матур һәм кызык !! Бүгенге сәяхәтебездә без шундый матур булып, җыелып утырган гөмбәләргә тап булдык. Бу ашый торган гөмбәләр түгел,  алар- агулы ялган опяталар. Балаларга аларга тияргә, җыярга ярамаганлыгы турында аңлатылды.  

Үзебезнең туган авылның исемен әйтеп, ял көннәрендә кайларда булулары турында сөйләдек. Актанышта булган урман, елга исемнәрен әйтергә өйрәндек. Мәктәпкәчә тәрбия һәм белем бирү учреждениясендәге, Актаныштагы вакыйгаларга мөнәсәбәтле булу хисе тәрбияләнде.

      Безнең Актаныш гомуми үсеш бирүче 2 нче балалар бакчасы Республика күләмендә Федераль Дәүләт белем бирү стандартларын тормышка ашыру буенча пилот мәйданчыгы булып тора.Шул максаттан Куян авылы балалар бакчасының тәрбиячесе  Таңсылу белән физик үсеш, рус теле, музыка, грамотага өйрәтү шөгыльләрен карап фикер алыштык, тәкъдимнәр әйтелде, ярдәмлекләр таратылды. Киләсе очрашуны билгеләп куйдык.

Безнең балалар бакчасында "Табигый материаллардан көзге бизәкләр" конкурсы булып узды. Барлык группа ата - аналары һәм балалары бик теләп катнаштылар. 1 нче кечкенәләр Б төркеме бу бәйгедә беренчелекне яулады!  Котлыйбыз!!!

 I кечкенәләр Б төркеме балалары " Лего» белән уеннарны бик яратып, кызыксынып уйныйлар. Кече төркемдә алып баручының ролен һәрвакыт тәрбиче үз өстенә ала, чөнки балалар уенда үз рольләрен билгели алмый әле. Кече төркем балалары өчен  иң гади уеннар сайлана, аның максаты – төсне (зәңгәр, кызыл, сары, яшел) ныгыту, LEGO-конструктор детальләренең исемнәрен, формасын (квадрат, турыпочмак) ныгыту.

“Әйдәгез танышыйк” уенында максат: балалар белән танышу. Тәрбиче балаларга чиратлап кирпеч бирә һәм: «исемең ничек?" дип сорый. Бала кирпечне кире бирә һәм җавап бирә.