Күзләре әйбәт күрүчеләр -  иң бәхетле кешеләр. Чөнки дөньяның бар матурлыгын, бар төсләре белән күргән кеше генә аның һәр сулышын тоя, сизә ала. Кызганыч, арабызда күз авырулары белән интегүчеләр дә шактый. Күзләр әйбәт күрсен өчен нәрсәләр ашарга кирәклеге, күзләр өчен нинди гимнастик күнегүләр ясауны, күзләр авыртмас өчен компьютер, телефон, телевизорларның зыяны турында безне оптикада эшләүче шәфкать туташлары  сөйләп, гимнастикалар ясап күрсәтеп файдалы мәгълумат бирделәр.

 Үсемлекләрдән башка бу дөньяны күз алдына да китереп булмый.Алар бөтен тереклек ияләренә суларга гына түгел, дәваланырга да булышалар. Кешеләр борынгы заманнарда ук хайваннарның кайбер үсемлекләргә игътибар иткәннәрен күргәннәр . Шуннан бу үсемлекләрне өйрәнә башлаганнар,аларның файдалы якларын ачканнар, китап итеп теркәгәннәр. Андый кешеләрне “үлән җыючылар” дип йөрткәннәр. Менә бездә бүген тузганак, тигәнәк, тукранбаш, көтүче сумкасы, бака яфрагы, юкә чәчәге, укроп кебек үләннәрне күзәттек. 

Балаларның  хәрәкәт  активлыгын  үстерү, камилләштерү. Сәламәтлекләрен  ныгыту, физик  сыйфатларын  арттыру. Ихтыяр  көче,кыюлык, сабырлык  тәрбияләү максатыннан үткәрелгән чарада дуслык җиңде. Балалар шат кәеф, уңай эмоцияләр, күтәренке күңел белән уен мәйданчыкларында ярышларны дәвам иттеләр. 

Яңа бакчага килгән балаларны уенчыклар белән таныштыру. 

Төс, форма, зурлык буенча күзаллау булдыру, “зур”, “кечкенә”

сүзләрен кертеп сүзтезмәләр төзергә өйрәтү.

Уенчыкларга карата уңай караш булдыру.

Курчакларым килегез

Яңа йорны күрегез.

Менә бусы- ишеге

Яңа йортны күрегез.

Рәхим итеп керегез!

18 нче июль көнне балалар бакчасына  йөрүче барлык балалар арасында велоярыш оештырылды. Ярышка килгән балалар һәрберсе велосипедларын үзләренә ошаганча бизәгәннәр. Ярыш башланганчы тәрбияче апалар балаларга юл кагыйдәләре турында мәгълүмат җиткерде. Барлык балалар да ярышта актив катнашты!

"Нептун көне" - кечкенәләрнең дә, олыларның да балачактан ук үз иткән, яраткан бәйрәме ул. Шау-шулы, бик тә күңелле чара. Диңгез һәм океаннарның мәгърур хуҗасы Нептунның килеп чыгуы берәүне дә битараф калдырмады.Балалар  су коендылар, махсус ясалган тайгак юлдан рәхәтләнеп ярыштылар!

Бакчага йөри башлау – кечкенә баланың әле ныгырга өлгермәгән нерв системасы өчен бик зур сынау. Баланың бакчага ияләшүе ярты елга кадәр сузылырга мөмкин.

Бакча – ул мөстәкыйльлек дигән сүз. Шуңа күрә бала үз-үзен карарга өйрәнергә тиеш: киенергә һәм чишенергә, салфетка, кашык, чәнечке тотып ашарга, үз артыннан уенчык­ларны җыеп куярга.

Мәктәпкә барырга да озак вакыт калмады: менә тагын өч – дүрт атна һәм ул янәдән күнегелгән режим буенча яшәү китә. 3 ай ял иткәннән соң, мәктәп укучылар белән тулып шаулый башлар. Ә без әле кечкенә, безгә бар да кызык !! Шул максаттан мәктәп белән танышып кайттык. Монда безнең абый- апаларыбыз укый бит диеп балалар горурланып,  сөенеп йөрде.

Хезмәткә тәрбия кечкенәдән үк башлана. Икенче кечкенәләр  төркеме балалары белән тәҗрибә участогында кабачкиларның, кыярларның чүбен утадык,су сиптек, үсентеләрнең  үсешен балалар белән көндә кызыксынып торабыз.

8 июль көнне Меннәр авылында Сөн буе елгасы буенда Мөселман балалары сабантуе булып узды. Безгә зурлар төркеме балалары белән сабантуйда чыгыш ясау бәхете елмайды,Һәр бала мөселманча киенеп тирә-яктагыларда соклану  хисләре уяттылар!Балаларның үзләренә дә бәйрәм бик ошады,чыгыш ясагач төрле бәйгеләрдә катнашып,уеннар уйнадык!Бик канәгать булып кайтып киттек!