Ком терапиясен куллану , баланың эмоиональ халәтенә уңай йогынты ясый, психологик жәрәхәтләрдән арынырга мөмкинлек бирә.Бала бу уенда үз фантазиясенең никадәр бай булуын чагылдыра ала.

   Әйе, көз вакыты, көзнең иң кырыс көннәре. Агачлар үзләренең яфракларын койдылар, бөҗәкләр яшеренделәр , урман кырлар бушап калды, яңгырлар еш ява. Күчмә кошларыбызның да җылы якка китәр вакытлары җитте. Без зурлар төркеме балалары белән кошларны озату бәйрәмен үткәрдек. Кошларга багышлап шигырьләр сөйләдек, җырлар  җырладык, уеннар уйнадык.

    Аларга озын юллар телибез, имин үтеп кабат безгә кайтуларын көтеп калабыз.  Ә бездә кышлаучы кошларга салкын кышларны исән-имин үткәрүләрен телибез. Аларга җимлекләр ясап мәйданчыкларда элеп куярбыз. Җимнәр салып торырбыз, алга таба да кошларны яратырбыз, сакларбыз.

Язын ап-ак чәчәк аткан миләш агачы, җәй куенында иркәләнеп, кояш нурларында кызынып, чыныгып, көз кочагына керә. Инде көзгә кергәндә тәлгәш-тәлгәш җимешләрнең төсе үзгәргән, кызыл буяуга манып алган кебек, ымсындырып, ерактан үзенә дәшеп тора Кыш сулышын сизгәндә дә, миләш агачы вакыт җиленә бирешми. Яфракларын җилләр өзгәндә дә, горур башын аска ияргә теләми. Уттай кызыл тәлгәшләрен җәй бүләге итеп, ак кышларга исән-имин алып килеп җиткерә. Әйтерсең лә, бүләк белән килмәсә, кышлар үз куенына сыендырмас. Инде кыш суыгыннан да сыналып, татлы тәм кергән җимешләрендә җәйге кояш нурларын саклап утыручы миләш агачына караган саен, күңелдә язлар һәм җәйләр кабатлана. Гүя бөтерелеп карлар яуган чорда да тормыш җырын көйли ул.

Уртанчылар төркеме балалары белән "Бүләк"  чаңгы базасына экскурсиягә бардык, тренер абый балаларны  бүлмәсенә алып кереп  чаңгы төрләре белән таныштырды.

 “Чаңгычы” уены.

Оста шудылар чаңгыда

Нәниләр калышмады.

Шулай булмый бу чаңгылар

Шешәләрдән ясалды.

Пластмас сок шешәләрен яткызып , аяк табаны формасы кисеп алабыз . Киселгән кырыена аякларны кисмәсен өчен, тукыма яки кәгазь ябыштырып куябыз . Аякка киеп шудырып барабыз

Тәрбиянең кайсы гына өлкәсен алып карасаң да, ул хезмәт белән тыгыз бәйләнгән. Кече яшьтән үк хезмәт тәрбиясе алган балалар мәктәптә дә мөстәкыйль, оешкан, актив, пөхтә һәм үзләренә хезмәт күрсәтә белүләре белән аерылып торалар. Хезмәтне дөрес оештырганда бала шатлык хисләре кичерә, хезмәтнең тәмен тоя.Балалар бакчасында дежурлык оештыруның төп бурычы булып йөкләнгән эшкә җаваплылык, башкалар өчен файдалы эш эшләргә омтылыш һәм дежур вазифаларын даими эшләргә гадәтләндерү тора.

Уртанчылар төркеме балалары белән  дежур итәбез. Балаларны беренче айларны дөрес эш алымына өйрәттек: чашканы тоткасыннан, ә ипи савытын ике куллап тотарга кирәклеге аңлатылды. Балалар табынны  әзерлиләр, мөстәкыйль рәвештә матур итеп тезәләр. Ә инде икенче яртыеллыкта тәрбияче балаларга аңа ярдәм итә алырлык булып үсүләре һәм шөгыльләрдә ярдәм итәргә тиеш булуларын анлата.

Балалар бакчасына йөрмәүче балаларга һәм ата-аналарга педагогик-психологик ярдәм йөзеннән  бездә консультатив пункт оештырылды.Консультация кысаларында, ата-аналага балалар бакчасы белгечләре: музыка житәкчесе- Бакирова Лилия, физкультура инструкторы- Гайнуллина Гөлназ, укытучы-логопед- Вахитова Миләүшә, педагог-психолог- Ибраһимова Альбина тарафыннан киңәшләр бирелде, балалар белән уеннар уйнатылды.Балалар һәм ата-аналар бик канәгать булып калдылар.

Тирә- юньдәге предметлар, күренешләр турындагы белемнәрен, күзаллауларын киңәйтү, һөнәр ияләре һәм аларның эшләре өчен кирәкле материаллар белән таныштыру максатыннан без бүген якындагы "Балалар дөньясы" кибетендә булдык. Сатучы, сатып алучы, касса, акча,киштә кебек сүзләр белән таныштык. Уенчык кибетенә кергәч үз-үзләрен тоту кагыйдәләрен искә төшердек. 

Балаларның иминлеген саклау буенча безнең балалар бакчасы ел буена бик күп чаралар үткәрә.Тәрбиячебез Ләйсән Лотфуллина икенче кечкенәләр төркеме белән саф һавада, бакча мәйданында күңелле сәяхәт үткәрде. Анда бакчага йөрүче барлык балалар да катнашты. Бу чараның кунагы маймыл Башмачок бик мавыктыргыч хәлләргә эләгеп, үз юлын табып барды, ә аңа исә башка төркем балалары ярдәм итте. Мондый зур чарага районның "Юл хәрәкәте куркынычсызлыгы" бүлеге җитәкчесе Рәсимә Сәетова да чакырулы иде Ул киләчәктә дә бик акыллы булып, юл йөрү кагыйдәләрен төгәл үтәп йөрүләренә ышанычын белдерде һәм катнашкан барлык балаларга бүләген таратты.

Урманга экскурсиягә баргач ниләр генә күрмибез :агачлар, яфраклар, үләннәр,җимешләр, чикләвекләр. Табигать шундый матур һәм кызык !! Бүгенге сәяхәтебездә без шундый матур булып, җыелып утырган гөмбәләргә тап булдык. Бу ашый торган гөмбәләр түгел,  алар- агулы ялган опяталар. Балаларга аларга тияргә, җыярга ярамаганлыгы турында аңлатылды.  

Үзебезнең туган авылның исемен әйтеп, ял көннәрендә кайларда булулары турында сөйләдек. Актанышта булган урман, елга исемнәрен әйтергә өйрәндек. Мәктәпкәчә тәрбия һәм белем бирү учреждениясендәге, Актаныштагы вакыйгаларга мөнәсәбәтле булу хисе тәрбияләнде.