Актаныш "Ромашка" балалар бакчасы район китапханәчеләре уздырган "Россия.Ватан.Бердәмлек"  чарасында катнаштылар. Чарага "Татарстан Республикасы Конституциясе көне", "Халыклар дуслыгы- Татарстан байлыгы" китап күргәзмәсе оештырылган иде. Балалар Р.Миңнуллин, Л.Шаех,Р.Валиев, Г.Рәхим, Р.Харис шигырьләрен тыңладылар.

20 октябрь көнне Буа шәһәрендә  республика күләмендә үткәрелгән " Первые шаги маленьких исследователей" бәйгесе булып узды. Анда Мингазов Ринат катнашты һәм дипломга лаек булды.Без аңа алга таба да зур уңышларга ирешүен теләп калабыз. 

Бүген  без халкыбызның иң гүзәл бәйрәмнәреннән берсе –“Сөмбелә” бәйрәмен уздырдык. Елның сихри фасылында, көн белән төн тигезләшкән мәлдә, татар халкы Сөмбелә бәйрәмен үткәргән . Ул - көзге бәйрәм, уңыш бәйрәме. Сөмбелә - ул “ башак “ дигән сүз. Җитен чәчле, зәңгәр күзле, зифа буйлы , сүзгә тапкыр, эшкә уңган кызны Сөмбелә  дигәннәр. Әлеге бәйрәмдә балалар көз фасылының матурлыгы, мул уңышлары, көзге байлык турында шигырьләр сөйләделәр, җырлар җырладылар, табышмакларга җаваплар таптылар, кызыклы уеннар уйнадылар.

Бүген бакчабызда шигърияткә гашыйк балалар белән "Җәлил укулары" чарасын уздырдык.Бу масштаблы зур чарага барлык төркем балалары да теләп катнашты.Шагыйрьнең  төрле телләрдә сәнгатьле итеп шигырьләрен сөйләделәр.Район күләмендә уздырыласы чарада балаларыбыз яхшы чыгыш ясап, дәрәжәле урыннар алуларын телибез!!!  

Безнең балалар бакчасында " Көзге бизәкләр" дип аталган күргәзмә оештырылды. Бу күргәзмәдә әти-әниләр һәм балалар катнашты. Алар үзләренең иҗади сәләтләрен, фантазияләрен кулланып, табигый материаллардан искиткеч матур, оригиналь кул эшләрен тәкъдим иттеләр. Күргәзмә һәр кешенең күңелендә уңай тәэсирләр һәм сокландыргыч хисләр калдырды. 

Трудотерапия – это один из видов физиотерапевтических процедур. Здесь используется труд человека. При трудотерапии появляется отличная возможность расширить кругозор, расширить свой творческий потенциал и раскрыть скрытые возможности. 

Балаларның сөйләм телләрен үстерүдә, без-тәрбиячеләр театр эшчәнлеген бик яратып кулланабыз. Төрле әкиятләр сәхнәләштергәндә балалар төрле персонажлар булып уйнап рольләргә кереп сөйләшәләр, хәрәкәт итәләр. Театр эшчәнлегендә балаларда сөйләм теле үсү белән бергә әхлак, экологик, патриотик тәрбия бирелә, эстетик зәвыклары формалаша.

       Һәр ел саен республика күләмендә “Сәйяр” театр конкурсы уздырыла. Безнең балалар бакчасы әлеге конкурста катнашып даими рәвештә җиңүләр яулый, Татарстан республикасының мәгариф һәм фән министрлыгының дипломнарына лаек була.

Бу уку елында оештырылган республика конкурсының муниципаль этабында катнашу өчен зурлар төркеме балалары белән Аманулланың “Мактанчык әтәч” әкиятен сәхнәләштердек. Декорация бизәүдә, костюмнар әзерләшүдә ата-аналар, балалар үзләре дә катнашты.

      Һәр бала үз ролен яратып уйнады, килештереп башкарырга тырышты.

Шушы бакча сәхнәсендә беренче тапкыр чыгыш ясаган” нәни артистларыбыз” киләчәктә зур сәхнәләргә менәрләр, югары уңышларга ирешерләр дип  ышанып калабыз.

Экскурсияләр вакытында балалар турыдан-туры табигать белән "аралашалар": үсемлекләр һәм хайваннар дөньясы белән якыннан танышалар, сакларга тиешле тереклек ияләрен барлыйлар, экологик күзәтү алып баралар һәм гербарийлар төзергә өйрәнәләр. Шуннан алар үзләренә эстетик ләззәт, күңел тынычлыгы, рухи азык алалар.

Өлкәннәр декадасына аяк бастык.Шул рәвешле "Хөрмәтлибез Сезне, өлкәннәр!" дип аталган чара уздырдык.Үзебезнең бакчада фидакарь хезмәтләрен куйган өлкәннәребезне хөрмәтләдек.Балалар катнашында бәйрәм иртәсе каралды, өлкәннәр белән уеннар оештырылды, бәйрәм чарасы мул табын янында дәвам итте.Аларга алдагы тормышларында ныклы сәламәтлек, заман белән бергә атлап яшәргә язсын.Бәйрәм белән!

Бүген зурлар төркемендә " Көзге букет" дигән темаса ябыштыру шөгыле үтте.Балалар белән көзге яфраклар турында сөйләштек, аларның матурлыгына сокландык. Соңыннан балалар белән яфраклардан көзге букет ясап беркеттек. Менә нәрсә килеп чыкты.