Җәйге матур  кояшлы көнне балалар белән "Бәхетле балачак!" исемле асфальтта рәсем күргәзмәсен оештырдык.Һәр группа балалары үзләре теләгәнчә матур итеп рәсемнәрен ясадылар.Балаларыбызның шат авазлары бакчабызда туктап тормасын!!!

"Ромашка" балалар бакчасында дуслык көнен уздырдылар. "Дус булуга ни житә" дип исемләнгән бәйрәмдә балалар бер-берсенә карата дуслык мөнәсәбәтләрен,дуслык кагыйдәләрен, дус булып уйнауны төшенделәр. Дуслык көне белән , дуслар!

Бакчабызда "Театр яктылыкка,нурга илтә...." чарасы уздырылды. Тәрбиячеләр тарафыннан 1 кечкенеәләр,2 кечкенәләр А һәм Б төркемнәрендә "Чуар тавык" курчак театры куелды, уртанчылар "Өч аю" ,  зурлар " Теремкәй" әкиятләрен сәхнәхләштерделәр, балалар рольләргә бик яхшы керделәр,аларның иҗади сәләтләре киләчәктә дә сүрелмәсен.

5 июнь - Бөтендөнья экологлар һәм әйләнә-тирә көне! Без - табигатьтән, табигать бездән башка яши алмый. Ләкин ул безнең игътибарга, яратуга, саклауга мохтаҗрак кебек! Безнең төп максат: әйләнә-тирәдәге яшеллекне, зәңгәр күк йөзен, саф һаваны һәм дусларыбыз, хайваннар, кошлар, бөҗәкләрне саклап калу. Табигатькә якынаеп, балалар үзләренең күзаллауларын киңәйтә, ә без аларда әйләнә-тирә дөньяга сакчыл караш тәрбияләп кенә калмыйбыз, ә аларда яңа һөнәрләргә - авыл хуҗалыгы хезмәткәре, урманчы, экологларга карата кызыксыну уятабыз.

Бакчабыз күләмендә "Тизрәк,югарырак,җитезрәк!" исеме астында  спорт чаралары уздырылды. Һәр группа балалары да бик актив катнаштылар: скакалкада сикерү, тупны йөртү,кыршау әйләндерү,кәрҗингә шакмаклар җыю буенча үз көчләрен сынадылар. Бакчабызда һәрдаим балаларның сәламәтлекләрен ныгыту өстендә эш дәвам итә.

1483 елда итальян рәссамы Леонардо да Винчи беренче парашют рәсемен ясый Һәм буген 3 июнь 2020 ел аның 235 еллыгын билгеләп үтәбез. Шул уңайдан бакчабызда парашют белән  төрле кызыклы уеннар уйнадык, җырлар җырладык, күңел ачтык. Бу көн балаларыбызның күңелендә мәңге сакланыр.

Балаларның сәламәтлек турында күзаллауларын киңәйтү, дөрес туклану белән сәламәтлекләренең ныклы бәйләнештә булуын аңларга булышу, ижади күзаллауларын үстерү, сәламәтлекне кайгырту һәм аны саклый белү хисләрен тәрбияләү.

Җәйнең беренче көне - халыкара балаларны яклау көне. Шуңа да балалар бу көнне  зур түземсезлек белән көтеп ала. Әлеге бәйрәмне һәр баланың яклауга, кайгыртуга мохтаҗ икәнен искәртеп бакчабызда билгеләп үттек. Алдан өйрәнгән җырларын, матур шигырьләрен балалар чын күңелдән башкардылар. Балаларның бәхетле елмаюы күбрәк булсын!!!

Нәкь 100 ел элек, 1920 елның 27 маенда, Бөтенроссия Үзәк Башкарма Комитеты һәм Халык комиссарлары советы декреты белән Автономияле Татарстан Социалистик Совет Республикасы (АТССР) игьлан ителде. Яңа төзелгән республиканың беренче җитәкчесе революционер һәм сәясәт эшлеклесе 26 яшьлек Сәхипгәрәй Сәет - Галиев була. Шул уңайдан безнең бакчада рәсем конкурсы оештырылды һәм урыннар билгеләнде. Иң матур рәсем ясаучы итеп Хөсәенов Ислам билгеләнде. Катнашкан барлык балаларны тантаналы рәвештә грамоталар белән бүләкләдек. 

Мәктәпкә әзерлек төркеме балалары белән саф һавада "Һәрвакыт булсын кояш" темасына асфальтта рәсемнәр ясадык. Балаларга бу шогыль бик ошады, алар бик теләп матур итеп рәсем ясадылар. Балалаларның бакча белән саубуллашу көннәре санаулы калды, һәр көнне истә калырлык үзенчәлекле итеп үткәрергә тырышабыз.