Яңа ел тылсымлылык, елмаюлар һәм бәхетле мизгеллзр вакыты. Бу бәйрәмдә һәркемдә әкияткә ышана, үзенчәлекле, серле, шаккаттыргыч һәм, һичшиксез, онытылмас атмосферага чума ала. Бу бәйрәм һәркем өчен мөһим. Без, балалар белән җырлар, шигырьләр, биюләр өйрәндек, әңгәмәләр уздырдык. Балалар бик теләп төркемне бизәүдә катнаштылар. Музыка залының үзәгендә матур итеп бизәлгән  купшы чыршы урын алган, бөтен бүлмә сихри бизәкләр белән бизәлгән. Балалар бәйрәмгә күңелле һәм матур могҗизалар кырына эләккәндәй килеп керделәр һәм тылсымлы мизгелләр башланды. Кыш бабай килү белән бәйрәм чын мәгънәсендә"җанланып" китте. Җырлар, биюләр, шигырьләр... һәм менә бәйрәм иртәсе ахырына якынлашты. Кыш бабай белән Карчәчәк балалар һәм кунакларга киләсе елга да килергә вәгъдә биреп, саубуллаштылар.