Тәҗрибә һәм күзәтү. Менә нәрсә белән без бүген зурлар төркеме балалары белән шөгыльләндек .  Балалар кар һәм аның үзенчәлекләре белән таныштылар. Карга төрле буяулар салып тәҗрибәләр ясадылар.

Балаларның сагынып көткән бәйрәмнәре, Яңа елда килеп җитте. Яңа ел иртәсе, матур җырлар, яңа биюләр һәм сәнгатьле шигырьләр белән бакчага ташкын булып килеп керде. Кар кызы, Кыш бабай, Убырлы карчык,Төлке, Куян һәм Бүре балаларга да, килгән кунакларга да моңсуланырга урын бирмәделәр. Балаларда үзләренең осталыкларын тулы дәрәҗәдә күрсәттеләр. Бәйрәм иртәсе күңелләрдә якты бер хатирә булып калды.

18 декабрь көнне Минзәлә шәһәрендә узган " Englisn Art Festival "республика күләм конкурс фестивалендә Шайхразиева Айлинәбез уңышлы чыгыш ясап икенче урын алып,диплом белән бүләкләнде. Аңа киләчәктә дә зур уңышларга ирешүен теләп калабыз.

Без зурлар төркеме балалары белән саф һавада  кар бөртекләрен күзәтергә бик яратабыз. Карның үзлекләре турында сөйләшәбез, тәҗрибәләр үткәрәбез.

Кышын кошларга бик кыен. Кыска көннәрдә, азык табып, тамакларын туйдырырга да өлгермиләр, инде кич килеп җитә. Бозлавык вакытларда аларга агач кәүсәсе буйлап ризык эзләве тагын да кыенлаша. бик суык көннәрдә күп кенә кошлар катып үләләр. Менә шуңа күрә без кошларга кышын ярдәм итәргә тиешбез.

Без, мәктәпкә әзерлек төркем балалары , әти- әниләр ярдәме белән кошларга көчебездән килгәнчә ярдәм итәргә булдык - алар өчен җимлекләр ясадык. Җимлекләребез үзенчәлекле килеп чыкты. Без аларны бакчабыз тирәсендә үсеп утырган агачларга элдек. Балалар белән берлектә һәр көн саен аларга җимнәр сибәбез, кошчыкларның чөкердәшә-чөкердәшә җим чүпләгәннәрен сокланып күзәтәбез. Кошларга ярдәм итә алуыбыз өчен без бик сөенәбез.

Зурлар төркемендә йөрүче Якупова Динара, Кирамова Нәргизәләр белән "Иҗади остаханә" конкурсында катнашып икенче урынга лаек булдылар  һәм дипломнар белән бүләкләнделәр. Аларга алга табада зур уңышларга ирешүләрен теләп калабыз.

Буыннан - буынга һәр кеше өчен әни-тормышта иң төп кеше. Бу бәйрәм елдан - ел безнең йортларыбызга керә. Әниләр көне - ул җылы, йөрәкле бәйрәм. Зурлар төркеме балалары белән бәйрәм иртәсе уздырдык. Бәйрәмебез җырлар, биюләр, шигырьләр белән үрелеп барды. Әниләребезгә озын гомер, саулык, җан тынычлыгы теләп калыйк! 

Актаныш "Ромашка" балалар бакчасында, нәниләрне милли гореф-гадәтләргэ ойрәту, системалы рәвештә план нигезендә алып барыла. Буген мәктәпкә әзерлек төркемендә уздырылган "Каз өмәсе" бәйрәмендә, татар халкынын милли йоласы, жыр биюләр, уеннар, такмак әйтешү, шигырьләр белән үрелеп барды. Халкыбызның мондый йола бәйрәмнәрендә, нәниләр хезмәткә, өлкәннәрне хөрмәт итәргә, пөхтәлеккә, ярдәмчел булырга өйрәнделәр.

Бүген күп кенә мәктәпкәчә белем бирү учреждениеләрендә педагоглар балаларны шашка уеннарына җәлеп итә.Чөнки шашка уеннары буш вакытны кызыклы итеп уздыру өчен генә түгел, ә балаларның төрле яклап үсеше өчен дә бик әһәмиятле.Бала үзенең булачак гамәлләрен исәпкә  алырга, көндәшенең реакциясен алдан фаразларга өйрәнә, хәтерне һәм күзаллауны үстерә. Әлеге өстәл уены балаларның уртак эшчәнлеген күздә тота, шуңа күрә аралашу күнекмәләрен  үстерүгә ярдәм итә, балалар бер-берсенә карата дустанә мөнәсәбәттә булырга өйрәнә. Балаларга бу шөгыль бик ошый. Алар үзләренең хис-тойгыларын яшермиләр, фикер алышалар, уеннан алган тәэсирләре белән уртаклашалар. Шуңа күрә мәктәптә, бигрәк тә төгәл фәннәр буенча, безнең балаларның укуы яхшы булыр дип өметләнеп калабыз.

Юл йөрү кагыйдәләрен камилләштерү максатыннан 2 нче кечкенәләр А төркемендә "Ачык ишекләр" көне уздырылды. Чара квест - уен итеп тәкъдим ителде. Балалар белән төрле маҗаралы юллардан чыгу юлларын эзләделәр, юл кагыйдәләрен ныгыттылар, һәр эшне ахырына җиткереп, сюрпризларга сөенеп, ата - аналар рәхмәтләрен җиткереп таралыштылар.